قازاقستان رەسپۋبليكاسى قارجى مينيسترلىگىنىڭ بۇيرىعى  №707

2015 جىلعى 28 جەلتوقسان, استانا قالاسى بانكتەر بولىپ تابىلمايتىن ەلەكتروندىق اقشا جۇيەلەرىنىڭ وپەراتورلارىنا جاتاتىن قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل جاساۋ ماقساتىندا ىشكى باقىلاۋ قاعيدالارىنا قويىلاتىن تالاپتاردى بەكىتۋ تۋرالى «قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل تۋرالى» 2009 جىلعى 28 تامىزداعى قازاقستان رەسپۋبليكاسى زاڭىنىڭ 11-بابى 3-2-تارماعىنا سايكەس بۇيىرامىن: 1. قوسا بەرىلىپ وتىرعان بانكتەر بولىپ تابىلمايتىن ەلەكتروندىق اقشا جۇيەلەرىنىڭ وپەراتورلارىنا جاتاتىن قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل جاساۋ ماقساتىندا ىشكى باقىلاۋ قاعيدالارىنا قويىلاتىن تالاپتار بەكىتىلسىن. 2. قازاقستان رەسپۋبليكاسى قارجى مينيسترلىگىنىڭ قارجى مونيتورينگى كوميتەتى (تاجىياقوۆ ب.ش.) زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتى مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى ءباسپاسوز باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جىبەرۋدى; 4) وسى بۇيرىقتى قازاقستان رەسپۋبليكاسىنىڭ قارجى مينيسترلىگىنىڭ ينتەرنەت-رەسۋرسىنا ورنالاستىرۋدى قامتاماسىز ەتسىن. 3. وسى بۇيرىق 2016 جىلعى 6 اقپاننان باستاپ قولدانىسقا ەنگىزىلەدى جانە رەسمي جاريالانۋعا جاتادى. قازاقستان رەسپۋبليكاسىنىڭ قارجى ءمينيسترى ب.سۇلتانوۆ قازاقستان رەسپۋبليكاسى قارجى ءمينيسترىنىڭ 2015 جىلعى 28 جەلتوقسانداعى №707 بۇيرىعىمەن بەكىتىلگەن بانكتەر بولىپ تابىلمايتىن ەلەكتروندىق اقشا جۇيەلەرىنىڭ وپەراتورلارىنا ارنالعان قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل جاساۋ ماقساتىندا ىشكى باقىلاۋ قاعيدالارىنا قويىلاتىن تالاپتار 1. جالپى ەرەجەلەر 1. وسى بانكتەر بولىپ تابىلمايتىن ەلەكتروندىق اقشا جۇيەلەرىنىڭ وپەراتورلارىنا ارنالعان قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل جاساۋ ماقساتىندا ىشكى باقىلاۋ قاعيدالارىنا قويىلاتىن تالاپتار (بۇدان ءارى – تالاپتار) «قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل تۋرالى» 2009 جىلعى 28 تامىزداعى قازاقستان رەسپۋبليكاسىنىڭ زاڭىنا (بۇدان ءارى –زاڭ) جانە اقشانى جىلىستاتۋعا قارسى كۇرەستىڭ قارجىلىق شارالارىن ازىرلەۋ توبىنىڭ (بۇدان ءارى – فاتف) حالىقارالىق ستاندارتتارىنا سايكەس وڭدەلگەن. 2. وسى تالاپتاردا بانكتەر بولىپ تابىلمايتىن ەلەكتروندى اقشا جۇيەلەرى وپەراتورلارى قارجى مونيتورينگىنىڭ سۋبەكتىلەرىنە (بۇدان ءارى – سۋبەكتىلەر) جاتادى. 3. تالاپتار ماقساتىندا مىناداي نەگىزگى ۇعىمدار پايدالانىلادى: 1) اقشامەن جانە (نەمەسە) وزگە م ۇلىكپەن وپەراتسيالاردى توقتاتىپ قويۋ – سۋبەكتىلەردىڭ تەرروريزم جانە ەكسترەميزمدى نە ولاردىڭ پايداسىنا قارجىلاندىرۋمەن بايلانىستى ۇيىمدار مەن تۇلعالاردىڭ تىزبەسىنە كىرەتىن ۇيىمداردىڭ نەمەسە جەكە تۇلعانىڭ, وسىنداي جەكە تۇلعا بەنەفيتسيارلىق مەنشىك يەسى بولىپ تابىلاتىن كليەنتتىڭ نە ونىڭ پايداسىنا اقشامەن جانە (نەمەسە) وزگە دە م ۇلىكپەن جاسالاتىن وپەراتسيالاردى جۇرگىزۋدەن باس تارتۋ جولىمەن قابىلداناتىن شارالار; 2) كليەنت – سۋبەكتىدەن قىزمەتتەردى الاتىن جەكە تۇلعا; 3) قارجى مونيتورينگىنە جاتاتىن وپەراتسيالار تۋرالى مالىمەتتەر مەن اقپاراتتىڭ نىسانى – قازاقستان رەسپۋبليكاسى ۇكىمەتىنىڭ 2012 جىلعى 23 قاراشاداعى № 1484 قاۋلىسىمەن بەكىتىلگەن قارجى مونيتورينگى سۋبەكتىلەرىنىڭ قارجى مونيتورينگىنە جاتاتىن وپەراتسيالار تۋرالى مالىمەتتەر مەن اقپاراتتى بەرۋ ەرەجەسىمەن ايقىندالعان نىسان (بۇدان ءارى – قم - 1 نىسانى) ; 4) قىلمىستىق جولمەن الىنعان كىرىستەردى زاڭداستىرۋ (جىلىستاتۋ) جانە تەرروريزمدى قارجىلاندىرۋ تاۋەكەلدەرى – سۋبەكتىلەردى قىلمىستىق جولمەن الىنعان كىرىستەردى زاڭداستىرۋ (جىلىستاتۋ) جانە تەرروريزمدى قارجىلاندىرۋ پروتسەستەرىنە نەمەسە وزگە قىلمىستىق ىستەرگە قاساقانا نەمەسە بايقاۋسىز تارتۋ مۇمكىندىگى; 5) قىلمىستىق جولمەن الىنعان كىرىستەردى زاڭداستىرۋ (جىلىستاتۋ) جانە تەرروريزمدى قارجىلاندىرۋ تاۋەكەلدەرىن باسقارۋ – قىلمىستىق جولمەن الىنعان كىرىستەردى زاڭداستىرۋ (جىلىستاتۋ) جانە تەرروريزمدى قارجىلاندىرۋ تاۋەكەلدەرىنىڭ مونيتورينگى, ايقىنداۋ, سونداي-اق ولاردى تومەندەتۋ بويىنشا سۋبەكتىلەر قابىلدايتىن شارالار جيىنتىعى (قىزمەتتەرگە, كليەنتتەرگە قاتىستى); 6) ۋاكىلەتتى ورگان – زاڭعا سايكەس قارجى مونيتورينگiن جۇزەگە اسىراتىن جانە قىلمىستىق جولمەن الىنعان كiرiستەردi زاڭداستىرۋعا (جىلىستاتۋعا) جانە تەرروريزمدi قارجىلاندىرۋعا قارسى iس-قيمىل جونiندەگi وزگە دە شارالاردى قولداناتىن مەملەكەتتiك ورگان. 4. ىشكى باقىلاۋ: 1) سۋبەكتىلەردىڭ قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل (بۇدان ءارى – اج/تقق) تۋرالى قازاقستان رەسپۋبليكاسى زاڭناماسىنىڭ تالاپتارىن ورىنداۋدى قامتاماسىز ەتۋى; 2) ىشكى باقىلاۋ جۇيەسىنىڭ تيىمدىلىگىن قىلمىستىق جولمەن الىنعان كiرiستەردi زاڭداستىرۋ (جىلىستاتۋ) جانە تەرروريزمدi قارجىلاندىرۋ (بۇدان ءارى – اج/تق) تاۋەكەلدەرىن باسقارۋ ءۇشىن جەتكىلىكتى دەڭگەيدە قولداۋى; 3) اج/تقق تاۋەكەلدەرىن تومەندەتۋى ماقساتىندا جۇزەگە اسىرىلادى. 5. سۋبەكتىلەر ىشكى باقىلاۋ قاعيدالارىن (بۇدان ءارى – ىبق) ۇيىمداستىرۋ جانە ساقتاۋ بويىنشا جاۋاپتى تۇلعا بولىپ تابىلادى. 6. سۋبەكتىلەر ىبق-ىن ازىرلەۋ, قابىلداۋ جانە (نەمەسە) ورىنداۋ مىندەتتەمەلەرىنىڭ جانە ونى جۇزەگە اسىرۋ باعدارلامالارىنىڭ ورىندالماۋىنا «اكىمشىلىك قۇقىق بۇزۋشىلىق تۋرالى» 2014 جىلعى 5 شىلدەدەگى قازاقستان رەسپۋبليكاسىنىڭ كودەكسىنە سايكەس اكىمشىلىك جاۋاپكەرشىلىكتە بولادى. 7. ىبق اج/تقق-عا باعىتتالعان جۇمىستىڭ ۇيىمدىق نەگىزدەرىن رەتتەيتىن جانە سۋبەكتىلەردىڭ اج/تقق ماقساتىندا ءىس-ارەكەت جاساۋ ءتارتىبىن بەلگىلەيتىن قۇجات بولىپ تابىلادى. 8. زاڭنىڭ 11-بابى 3-تارماعىنا سايكەس ىبق مىناداي: اج/تقق ماقساتىندا ىشكى باقىلاۋدى ۇيىمداستىرۋ باعدارلاماسىن; تەحنولوگيالىق جەتىستىكتەردى پايدالانۋ تاۋەكەلىن قوسا العاندا, كليەنتتەردىڭ تاۋەكەلدەرىن جانە كورسەتىلەتىن قىزمەتتەردى قىلمىستىق ماقساتتاردا پايدالانۋ تاۋەكەلدەرىن ەسكەرەتىن, اج/تق تاۋەكەلىن باسقارۋ باعدارلامانى; كليەنتتەردى سايكەستەندىرۋ باعدارلامانى; كليەنتتەردىڭ كۇردەلى, ەرەكشە ءىرى جانە باسقا دا ەرەكشە وپەراتسيالارىن زەردەلەۋدى قوسا العاندا, كليەنتتەردىڭ وپەراتسيالارىنا مونيتورينگ جۇرگىزۋ جانە ولاردى زەردەلەۋ باعدارلامانى; قارجى مونيتورينگى سۋبەكتىلەرىنىڭ قىزمەتكەرلەرىن اج/تقق ماسەلەلەرى بويىنشا دايارلاۋ جانە وقىتۋ باعدارلامانى; ىبق-نا سايكەس قارجى مونيتورينگى سۋبەكتىلەرى ازىرلەۋى مۇمكىن وزگە دە باعدارلامانى قامتيدى. 9. ەگەر اج/تقق تۋرالى زاڭناماعا وزگەرىستەر مەن (نەمەسە) تولىقتىرۋلار ەنگىزىلگەن جاعدايدا, سۋبەكتىلەر ولار كۇشىنە ەنگەن ۋاقىتتان باستاپ 30 كۇنتىزبەلىك كۇن ىشىندە ىبق-نا ءتيىستى وزگەرىستەر مەن تولىقتىرۋلار ەنگىزەدى. 2. اج/تقق ماقساتىندا ىشكى باقىلاۋدى ۇيىمداستىرۋ باعدارلاماسى 10. اج/تقق ماقساتىندا ىشكى باقىلاۋدى ۇيىمداستىرۋ باعدارلاماسى: 1) اج/تقق ماقساتىندا ىشكى باقىلاۋدى جۇزەگە اسىرۋ بارىسىندا سۋبەكتىلەر قىزمەتىنىڭ سيپاتتاماسىن قوسا العاندا ىشكى باقىلاۋدى ۇيىمداستىرۋ تارتىبىنەن; 2) اقشامەن جانە (نەمەسە) وزگە دە م ۇلىكپەن وپەراتسيا جاساۋدان باس تارتۋ ءتارتىبى زاڭنىڭ 5-بابى 3-تارماعىنىڭ 1), 2), 2-1), 4) جانە 6) تارماقشالارىندا كوزدەلگەن شارالاردى قولدانۋ مۇمكىن بولماعان جاعدايدا, كليەنتپەن ىسكەرلىك قاتىناسقا تىيىم سالۋ جانە توقتاتۋ جونىندەگى شارالاردى قابىلداۋ, زاڭنىڭ 5-بابى 3-تارماعىنىڭ 6) تارماقشاسىندا كوزدەلگەن شارالاردى قابىلداۋ مۇمكىن بولماعان جاعدايدا جەكە نەمەسە زاڭدى تۇلعاعا ىسكەرلىك قاتىناستاردى ورناتۋدان باس تارتۋ ءتارتىبى; 3) زەردەلەۋگە جاتاتىن كۇردەلى, ەرەكشە ءىرى جانە باسقا دا ەرەكشە وپەراتسيالاردى سۋبەكتىلەردىڭ كۇدىكتى وپەراتسيا رەتىندە تانۋ تارتىبىنەن; 4) ۋاكىلەتتى ورگانعا مالىمەتتەردى, اقپاراتتى جانە قۇجاتتاردى جىبەرۋ ءۇشىن قولدانىلاتىن اۆتوماتتاندىرىلعان اقپاراتتىق جۇيەلەر جانە باعدارلامالىق قامىتۋ جۇمىسىنىڭ نۇسقامالارى مەن رەگلامەنتتەرىن قوسا العاندا ۋاكىلەتتى ورگانعا قارجى مونيتورينگىنە جاتاتىن وپەراتسيالار تۋرالى مالىمەتتەر مەن اقپاراتتى, جەكە نەمەسە زاڭدى تۇلعامەن ىسكەرلىك قاتىناستار ورناتۋدان باس تارتۋ, كليەنتپەن ىسكەرلىك قاتىناستاردى توقتاتۋ, اقشامەن جانە (نەمەسە) وزگە م ۇلىكپەن وپەراتسيا جۇرگىزۋدەن باس تارتۋ فاكتىلەرىن بەرۋ تارتىبىنەن; 5) كليەنتتىڭ دەرەكناماسىن جانە ونىمەن حات-حابار الماسۋدى قوسقاندا, كليەنتتى تيىسىنشە تەكسەرۋ ناتيجەلەرى بويىنشا الىنعان قۇجاتتار مەن مالىمەتتەردى, قارجى مونيتورينگىنە جاتاتىن اقشامەن جانە (نەمەسە) وزگە م ۇلىكپەن وپەراتسيالار, سونىمەن قاتار كۇدىكتى وپەراتسيالار تۋرالى قۇجاتتار مەن مالىمەتتەردى, سونداي-اق بارلىق كۇردەلى, ەرەكشە ءىرى جانە باسقا دا ەرەكشە وپەراتسيالاردى زەردەلەۋ ناتيجەلەرىن قۇجاتتىق تىركەۋ جانە ساقتاۋ تارتىبىنەن قۇرالادى. ەسكەرتۋ. قارجى مونيتورينگىنە جاتاتىن جانە ۋاكىلەتتى ورگانعا بەرىلەتىن وپەراتسيالاردى قۇجاتتىق تىركەۋ نومىرلەنگەن, تىگىلگەن, باسشىنىڭ قولى جانە مورىمەن بەكىتىلگەن قارجى مونيتورينگىنە جاتاتىن وپەراتسيالار تۋرالى مالىمەتتەرىنىڭ ەسەبى جۋرنالىندا جازىلادى. قارجى مونيتورينگىنە جاتاتىن وپەراتسيالار تۋرالى مالىمەتتەرىنىڭ ەسەبى جۋرنالىندا: اقپاراتتى ۋاكىلەتتى ورگانعا بەرۋ ءنومىرى مەن كۇنى; حاتتامانى جىبەرۋ نەگىزى; ۋاكىلەتتى ورگاننىڭ قم-1 نىسانىن قابىلداۋى/قابىلداماۋى تۋرالى حابارلاما ءنومىرى مەن كۇنى. 11. ىشكى باقىلاۋدى ۇيىمداستىرۋ باعدارلاماسىنا سايكەس سۋبەكتىلەردىڭ فۋنكتسيالارى: 1) ىبق-نا وزگەرىستەر مەن (نەمەسە) تولىقتىرۋلار ەنگىزۋ; 2) زاڭعا سايكەس قارجى مونيتورينگىنە جاتاتىن وپەراتسيالار تۋرالى مالىمەتتەر مەن اقپاراتتى ۋاكىلەتتى ورگانعا بەرۋدى ۇيىمداستىرۋ جانە باقىلاۋ; 3) كليەنت وپەراتسيالارىن كۇدىكتى رەتىندە تانۋ تۋرالى شەشىمدەر قابىلداۋ; 4) كليەنت وپەراتسيالارىن كۇردەلى, ەرەكشە ءىرى جانە باسقا دا ەرەكشە وپەراتسيالارعا جاتقىزۋ تۋرالى شەشىمدەر قابىلداۋ; 5) كليەنت وپەراتسيالارىن توقتاتۋ نە جۇرگىزۋدەن باس تارتۋ جانە ۋاكىلەتتى ورگانعا جولداۋ قاجەتتىلىگى تۋرالى شەشىمدەر قابىلداۋ; 6) كليەنتتەرمەن ىسكەرلىك قاتىناستار ورناتۋ, جالعاستىرۋ نە توقتاتۋ تۋرالى شەشىمدەر قابىلداۋ; 7) كليەنتكە (ونىڭ وكىلىنە) جانە بەنەفيتسيارلىق مەنشىك يەسىنە قاتىستى قابىلدانعان شەشىمدەردى قۇجاتتىق تىركەۋ; 8) ىشكى باقىلاۋ قاعيدالارىن ىسكە اسىرۋ بارىسىندا الىنعان دەرەكتەر نەگىزىندە كليەنتتىڭ دەرەكناماسىن قالىپتاستىرۋ; 9) تاۋەكەلدەردى باسقارۋ جانە ىشكى باقىلاۋ جۇيەسىن جەتىلدىرۋ جونىندە شارالار قابىلداۋ; 10) كليەنتتىڭ دەرەكناماسىن جانە ونىمەن حات-حابار الماسۋدى قوسا العاندا, كليەنتتى تيىسىنشە تەكسەرۋ ناتيجەلەرى بويىنشا الىنعان قۇجاتتار مەن مالىمەتتەر, قارجى مونيتورينگىنە جاتاتىن اقشامەن جانە (نەمەسە) وزگە م ۇلىكپەن وپەراتسيالار جانە كۇدىكتى وپەراتسيالار تۋرالى قۇجاتتار مەن مالىمەتتەر, سونداي-اق بارلىق كۇردەلى, ەرەكشە ءىرى جانە باسقا دا ەرەكشە وپەراتسيالاردى زەردەلەۋ ناتيجەلەرى كليەنتپەن ىسكەرلىك قاتىناستاردى توقتاتقان كۇننەن باستاپ كەمiندە بەس جىل ساقتاۋدى قامتاماسىز ەتۋ; 11) اج/تقق تۋرالى زاڭناماعا سايكەس وزگە قىزمەتتەر. 12. سۋبەكتىلەر جۇكتەلگەن فۋنكتسيالارعا سايكەس: 1) ءوز قىزمەتىن جۇزەگە اسىرۋ بارىسىندا الىنعان اقپاراتتى قۇپيا ساقتاۋدى قامتاماسىز ەتەدى; 2) اج/تقق تۋرالى زاڭنامانى ورىنداۋىن باقىلاۋدى جۇزەگە اسىرۋ ءۇشىن ءتيىستى مەملەكەتتىك ورگاندارعا اقپارات بەرەدى; 3) زاڭنىڭ 10-بابىنىڭ 3-1-تارماعىنا سايكەس ۋاكىلەتتى ورگانعا ونىڭ سۇراتۋى بويىنشا قاجەتتى اقپاراتتى, مالىمەتتەر مەن قۇجاتتاردى ۇسىنادى. 13. سۋبەكت كليەنتتەر مەن وزگە دە تۇلعالارعا وسى زاڭعا سايكەس وسىنداي كليەنتتەر تۋرالى جانە ولار جاسايتىن وپەراتسيالار تۋرالى اقپاراتتى, مالىمەتتەر مەن قۇجاتتاردى ۋاكىلەتتى ورگانعا بەرگەنى تۋرالى حابارلاۋعا قۇقىلى ەمەس. 3. اج/تق تاۋەكەلىن باسقارۋ باعدارلاماسى 14. اج/تق تاۋەكەلىن باسقارۋ باعدارلاماسى كليەنتتىڭ وپەراتسياسىن جۇزەگە اسىراتىن تۇلعانىڭ تاۋەكەل دەڭگەيىن بەرۋ ارقىلى اج/تق بايلانىستى كليەنتتىڭ اقشامەن جانە (نەمەسە) وزگە م ۇلىكپەن وپەراتسيالارىن جۇرگىزۋ تاۋەكەلىنە باعا بەرۋدى كوزدەيدى. ەسكەرتۋ. تاۋەكەل دەڭگەيلەرى قولدا بار مالىمەتتەر نەگىزىندە قالىپتاستىرىلادى. تاۋەكەلدەردى باعالاۋ قورىتىندىلارى قۇجاتتىق تىركەلەدى جانە ءتيىستى مەملەكەتتىك ورگانداردىڭ جانە سۋبەكتى مۇشە بولىپ تابىلاتىن قارجى ەمەس ۇيىمداردىڭ تالاپتارى بويىنشا ۇسىنىلادى. كليەنتكە بەرىلگەن تاۋەكەلدەر دەڭگەيى قاجەتتىلىگى بويىنشا, الايدا جىلىنا كەمىندە ءبىر رەت قايتا قارالۋى ءتيىس. 15. اج/تق تاۋەكەلىن باسقارۋ باعدارلاماسىندا تاۋەكەلدىڭ جوعارى دەڭگەيى: 1) مىناداي: فاتف ۇسىنىمدارىن ورىندامايتىن جانە (نەمەسە) جەتكىلىكتى ورىندامايتىن; جەمقورلىق نەمەسە وزگە قىلمىستىق ارەكەتتەرى جوعارى دەڭگەيدەگى; بىرىككەن ۇلتتار ۇيىمى ء(ارى – بۇۇ) سالاتىن سانكتسيالارعا, ەمبارگو جانە سول سياقتى شارالارعا ۇشىراعان; تەرروريستىك (ەكسترەميستىك) ارەكەتتەردى قارجىلاندىراتىن نەمەسە قولداۋ كورسەتەتىن جانە بەلگىلەنگەن تەرروريستىك (ەكسترەميستىك) ۇيىمدارى بار مەملەكەتتەن (اۋماقتان) كەلگەن كليەنتتەرگە ىسكەرلىك قاتىناستارى مەن مامىلەلەرىنە. ەسكەرتۋ. وسىنداي مەملەكەتتەرگە (اۋماقتارعا) بۇۇ-نىڭ جانە حالىقارالىق ۇيىمداردىڭ مالىمەتتەرى بويىنشا سىلتەمەلەر ۋاكىلەتتى ورگاننىڭ رەسمي ينتەرنەت-رەسۋرسىندا جاريالانادى. 2) مىناداي جاعدايلاردا كليەنتكە: كليەنت شەتەلدiك جاريا لاۋازىمدى تۇلعا بولىپ تابىلعان; كليەنت جاريا حالىقارالىق ۇيىمنىڭ لاۋازىمدى تۇلعاسى بولىپ تابىلعان; كليەنت شەتەلدiك جاريا لاۋازىمدى تۇلعانىڭ مۇددەسىنە (پايداسىنا) ارەكەت ەتەتىن تۇلعا بولىپ تابىلعان; كليەنت شەتەلدiك جاريا لاۋازىمدى تۇلعانىڭ زايىبى, جاقىن تۋىسى بولىپ تابىلعان; كليەنت (ونىڭ وكىلى), كليەنتتىڭ كونتراگەنتى وپەراتسيا بويىنشا نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 6058 تىركەلگەن «قىلمىستىق جولمەن الىنعان كىرىستەردى زاڭداستىرۋعا (جىلىستاتۋعا) جانە تەرروريزمدى قارجىلاندىرۋعا قارسى ءىس-قيمىل تۋرالى» قازاقستان رەسپۋبليكاسى زاڭىنىڭ ماقساتتارى ءۇشىن وففشورلىق ايماقتار تىزبەسىن بەكىتۋ تۋرالى» قازاقستان رەسپۋبليكاسى قارجى ءمينيسترىنىڭ م. ا. 2010 جىلعى 10 اقپانداعى № 52 بۇيرىعىمەن (بۇدان ءارى – بۇيرىق) بەكىتىلگەن وففشورلىق ايماقتار تىزبەسىنە ەنگەن مەملەكەتتە نەمەسە اۋماقتا تىركەلگەن نەمەسە قىزمەتىن جۇزەگە اسىرعان; كليەنت زاڭنىڭ 12-بابىنا سايكەس تەرروريزمدى جانە ەكسترەميزمدى قارجىلاندىرۋمەن بايلانىستى ۇيىمدار مەن تۇلعالاردىڭ تىزبەسىنە ەنگەن; كليەنت ازاماتتىعى جوق بولىپ تابىلعان; كليەنت قازاقستان رەسپۋبليكاسىندا تىركەلگەن نەمەسە كەلگەن مەكەنجايى بولماعان قازاقستان رەسپۋبليكاسىنىڭ ازاماتى بولىپ تابىلعان; كليەنت رەزيدەنت ەمەس بولىپ تابىلعان; كليەنتپەن ىسكەرلىك قاتىناس ەرەكشە (مىسالى, سۋبەكتى مەن كليەنتتىڭ اراسىندا تۇسىنىكسىز گەوگرافيلياق اراقاشىقتىق بار) جاعدايلاردا جۇزەگە اسىرىلعان; كليەنتتىڭ قىزمەتى قولما-قول اقشا قارقىندى اينالىمىمەن بايلانىستى; كليەنت بەرگەن مالىمەتتەردى تەكسەرۋ كەزىندە سۋبەكتىلەردە قيىندىقتار پايدا بولعان; كليەنت اسىعىس وپەراتسيا جۇرگىزۋدى تالاپ ەتكەن; سۋبەكتىلەردىڭ پايدالانىلۋى ادەتتەگى تاجىريبەسىنەن ايرىقشالاناتىن ستاندارتتى ەمەس نەمەسە ەسەپ ايىرىسۋدىڭ ادەتتەگىدەن كۇردەلى سحەمالارىن جۇرگىزۋدى تالاپ ەتكەن; كليەنت جاڭا, سونداي-اق قودا بار ونىمدەرگە بەرۋدىڭ جاڭا تەتىكتەرىن, جاڭا جانە دامىپ كەلە جاتقان تەحنولوگيالاردى قوسا العاندا جاڭا ونىمدەردى جانە جاڭا ىسكەرلىك تاجىريبەنى قولدانعان; كليەنت قارجى مونيتورينگى راسىمدەرىنەن جالتارۋعا باعىتتالعان ءىس-قيمىل جاساعان; كليەنت وپەراتسيالارى بۇرىن كۇدىكتى دەپ تانىلعان; اج/تق-دىڭ جوعارى تاۋەكەلىمەن بايلانىستى كليەنت تۋرالى وزگە اقپارات بولعان جاعدايدا; 3) وپەراتسيالار: قولما-قول ەسەپ ايىرىسۋدى قوسا العاندا جاسىرىن بانك شوتتارىمەن نەمەسە جاسىرىن, ويلاپ تابىلعان ەسىمدەردى قولدانۋمەن بايلانىستى; ايقىن ەكونوميكالىق ءمانى جوق نەمەسە انىق قويىلعان زاڭدى ماقساتى جوق; كليەنتكە ءتان ەمەس جيىلىكپەن جۇرگىزىلگەن; ەرەكشە ءىرى سوماعا جۇرگىزىلگەن; اج/تق-دىڭ جوعارى تاۋەكەلى تۋرالى اقپارات بار بولعان جاعدايدا بەرىلەدى. اج/تق تاۋەكەلىنىڭ جوعارى دەڭگەيى بەرىلگەن كليەنتتەرگە زاڭنىڭ 5-بابى 7-تارماعىنا سايكەس كليەنتتەردى تيىسىنشە تەكسەرۋدىڭ كۇشەيتىلگەن شارالارى قولدانىلادى. اج/تق تاۋەكەلىنىڭ تومەن دەڭگەيى بەرىلگەن كليەنتتەرگە زاڭنىڭ 5-بابى 7-تارماعىنا سايكەس كليەنتتەردى تيىسىنشە تەكسەرۋدىڭ تومەندەتىلگەن شارالارى قولدانىلادى. 4. كليەنتتەردى سايكەستەندىرۋ باعدارلاماسى 16. كليەنتتەردى سايكەستەندىرۋ باعدارلاماسى كليەنت جۇزەگە اسىرعان وپەراتسيالاردى قارجىلاندىرۋ كوزى تۋرالى مالىمەتتەردى قوسا العاندا كليەنت (ونىڭ وكىلى) جانە بەنەفيتسيارلىق مەنشىك يەسى تۋرالى مالىمەتتەردى, انىقتاۋ, بۇرىن الىنعاندى جاڭارتۋ بويىنشا شارالاردى سۋبەكتىلەردىڭ جۇرگىزۋى بولىپ تابىلادى جانە: 1) زاڭنىڭ 5-بابىنىڭ تالاپتارىنا سايكەس كليەنتتى (ونىڭ وكىلىن) جانە بەنەفيتسيارلىق مەنشىك يەسىن تيىسىنشە تەكسەرۋ جونىندەگى شارالاردى ساقتاۋ; 2) زاڭنىڭ 5-بابى 3-تارماعىنىڭ 6) تارماقشاسىنا سايكەس كليەنت (ونىڭ وكىلى) جانە بەنەفيتسيارلىق مەنشىك يەسى تۋرالى مالىمەتتەردىڭ دۇرىستىعىن تەكسەرۋ; 3) زاڭنىڭ 12-بابىنا سايكەس تەرروريزمدى جانە ەكسترەميزمدى قارجىلاندىرۋمەن بايلانىستى ۇيىمدار مەن تۇلعالاردىڭ تىزبەسىمەن كوزدەلگەندەي كليەنتكە (ونىڭ وكىلىنە) جانە بەنەفيتسيارلىق مەنشىك يەسىنە قاتىستى ولاردىڭ تەرروريزمدى جانە ەكسترەميزمدى قارجىلاندىرۋمەن بايلانىسىنىڭ بارىن نەمەسە جوعىن تەكسەرۋ; 4) زاڭنىڭ 8-بابىنىڭ تالاپتارىنا سايكەس كليەنتتiڭ شەتەلدiك جاريا لاۋازىمدى تۇلعاعا, ونىڭ وتباسى مۇشەلەرىنە جانە جاقىن تۋىستارىنا جاتاتىنىن جانە (نەمەسە) قاتىستىلىعىن تەكسەرۋ; 5) سايكەسىنشە تىركەۋى, تۇراتىن جەرى جانە ورنالاسقان جەرى بار كليەنتتەردى انىقتاۋ: فاتف ۇسىنىدارىن ورىندامايتىن جانە (نەمەسە) جەتكىلىكتى ورىندامايتىن مەملەكەتتە (اۋماقتا) نە اج/تقق تۋرالى زاڭنىڭ 4-بابى 4-تارماعى 4) تارماقشاسىنا سايكەس كورسەتىلگەن مەملەكەتتە (كورسەتىلگەن اۋماقتا) تىركەلگەن بانكتەگى شوتتاردى پايدالانۋشى; بۇيرىقپەن بەكىتىلگەن وففشورلىق ايماقتاردا; 6) بولجامدالاتىن ماقساتتار مەن ىسكەرلىك قاتىناستار سيپاتىن بەلگىلەۋ. ەسكەرتۋ. تاۋەكەل دەڭگەيى جوعارى كليەنت ءۇشىن بولجامدالاتىن ماقساتتار مەن ىسكەرلىك قاتىناستار سيپاتىن بەلگىلەۋ كەزىندە جاسالاتىن وپەراتسيالاردىڭ قىزمەت ءتۇرى مەن قارجىلاندىرۋ كوزى تۋرالى قوسىمشا مالىمەتتە سۇراتادى. تاۋەكەلدىڭ تومەن دەڭگەيى بەرىلگەن كليەنت ءۇشىن بولجامدالاتىن ماقساتتار مەن ىسكەرلىك قاتىناستار سيپاتىن بەلگىلەۋ كليەنت وپەراتسيالارىنىڭ نەگىزگى سيپاتىندا انىقتالادى. 7) تاۋەكەلدەردى باسقارۋ باعدارلاماسىنا سايكەس كليەنتكە بەرىلگەن تاۋەكەل دەڭگەيىنە بايلانىستى كليەنتتى تيىسىنشە تەكسەرۋ شارالارىن قولدانۋ; 8) كليەنتتى سايكەستەندىرۋ ناتيجەلەرى بويىنشا الىنعان مالىمەتتەردى, كليەنت (ونىڭ وكىلى) جانە بەنەفيتسيارلىق مەنشىك يەسى تۋرالى سايكەستەندىرۋ مالىمەتتەرىنىڭ وزگەرۋىنە بايلانىستى, الايدا جىلىنا كەمىندە ءبىر رەت مالىمەتتەردى جاڭارتۋ راسىمدەرىن قوسادى. ەسكەرتۋ. تاۋەكەلدىڭ جوعارى دەڭگەيى بەرىلگەن كليەنت مالىمەتتەردى جاڭارتۋ جارتى جىلدا ءبىر رەتتەن كەم ەمەس. تاۋەكەل دەڭگەيى تومەن كليەنت مالىمەتتەر ءۇشىن مالىمەتتەردى جاڭارتۋ ەكى جىلدا ءبىر رەتتەن كەم ەمەس. كليەنتكە ىسكەرلىك قاتىناستاردى ورناتۋدان جانە اقشامەن جانە (نەمەسە) وزگە م ۇلىكپەن وپەراتسيا جاساۋدان باس تارتىلعان جاعدايدا, اج/تقق تۋرالى زاڭنىڭ 3-بابىنىڭ 3-تارماعىنىڭ 1), 2), 2-1), 4) جانە 6) تارماقشالارىندا كوزدەلگەن شارالاردى قابىلداۋ مۇمكىن بولماعان جاعدايدا, سۋبەكتىلەر ۋاكىلەتتى ورگاندارعا قم-1 نىسانى بويىنشا وسىنداي باس تارتۋ فاكتىسى جونىندە حابارلاما جىبەرەدى. زاڭنىڭ 5-بابى 3-تارماعىنىڭ 6) تارماقشاسىندا كوزدەلگەن شارالاردى قولدانۋ مۇمكiن بولماعان جاعدايدا, سونداي-اق كليەنت جاسايتىن وپەراتسيالاردى زەردەلەۋ پروتسەسىندە كليەنت ىسكەرلىك قاتىناستاردى اج/تق ماقساتىندا پايدالانىلانادى دەگەن كۇدىك تۋىنداعان جاعدايدا, سۋبەكتىلەر كليەنتپەن ىسكەرلىك قاتىناستاردى توقتاتۋعا قۇقىلى. ەگەر ىسكەرلىك قاتىناستار جوعارىدا كورسەتىلگەن نەگىزدەر بويىنشا توقتالسا, سۋبەكتىلەر ۋاكىلەتتى ورگانعا قم-1 نىسانى بويىنشا حابارلاما جولدايدى. 5. كليەنتتەردىڭ كۇردەلى, ەرەكشە ءىرى جانە باسقا دا ەرەكشە وپەراتسيالارىن زەردەلەۋدى قوسا العاندا, كليەنتتەردىڭ وپەراتسيالارىنا مونيتورينگ جۇرگىزۋ جانە ولاردى زەردەلەۋ باعدارلاماسى 17. سۋبەكتىلەر مىناداي وپەراتسيالاردى انىقتاۋدى قامتيتىن, كليەنتتەردىڭ كۇردەلى, ەرەكشە ءىرى جانە باسقا دا ەرەكشە وپەراتسيالارىن زەردەلەۋدى قوسا العاندا, كليەنتتەردىڭ وپەراتسيالارىنا مونيتورينگ جۇرگىزۋ جانە ولاردى زەردەلەۋ باعدارلاماسىن ازىرلەيدى: 1) زاڭنىڭ 4-بابىنىڭ 1 جانە 2-تارماقتارىندا كورسەتىلگەن; 2) زاڭنىڭ 4-بابىنىڭ 3-تارماعىندا كورسەتىلگەن; 3) زاڭنىڭ 4-بابىنىڭ 4-تارماعىندا كورسەتىلگەن. 18. سۋبەكت كليەنتكە اج/تق تاۋەكەلىنىڭ جوعارى دەڭگەيىن بەرگەن جاعدايدا, جوسپارلانعان نەمەسە جۇرگىزىلگەن وپەراتسيالاردىڭ سەبەپتەرىن انىقتاۋ ماقساتىندا كليەنتتىڭ اتالعان سۋبەكتە وتكىزىلگەن بارلىق وپەراتسيالاردى قوسىمشا زەردەلەيدى جانە تەكسەرۋدى تالاپ ەتەتىن وپەراتسيالاردىڭ سيپاتىن انىقتايدى. سۋبەكت كليەنتكە اج/تق تاۋەكەلىنىڭ تومەن دەڭگەيىن بەرگەن جاعدايدا كليەنتتىڭ اعىمداعى وپەراتسياسىن زەردەلەيدى. 19. كليەنتتەردىڭ وپەراتسيالارىنا مونيتورينگ جۇرگىزۋ جانە ولاردى زەردەلەۋ باعدارلاماسىن ىسكە اسىرۋ اياسىندا الىنعان مالىمەتتەر قۇجاتتىق تىركەلەدى جانە كليەنتتىڭ دەرەكناماسىنا ەنگىزىلەدى. 20. زاڭنىڭ 4-بابى 1, 2 جانە 3-تارماقتارىندا كورسەتىلگەن كليەنتتىڭ انىقتالعان وپەراتسيالارى تۋرالى مالىمەتتەر مەن اقپاراتتار ۋاكىلەتتى ورگانعا قم-1 نىسانى بويىنشا ۇسىنىلادى. 21. سۋبەكتىلەر مىندەتتى زەردەلەۋگە جاتاتىن وپەراتسيالار تۋرالى حابارلامانى وسىنداي وپەراتسيا كۇدىكتى رەتىندە تانىلعان كۇننەن كەيىنگى كەلەسى جۇمىس كۇنىنەن كەشiكتiرمەي ۋاكىلەتتى ورگانعا ۇسىنادى. 6. اج/تقق ماسەلەلەرى بويىنشا دايارلاۋ جانە وقىتۋ باعدارلاماسى 22. قازاقستان رەسپۋبليكاسىنىڭ نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 10001 تىركەلگەن «قارجى مونيتورينگى سۋبەكتىلەرىن جۇمىسكەرلەردى دايارلاۋ جانە وقىتۋ بويىنشا قويىلاتىن تالاپتاردى بەكىتۋ تۋرالى» قازاقستان رەسپۋبليكاسى قارجى ءمينيسترىنىڭ 2014 جىلعى 28 قاراشاداعى № 533 بۇيرىعىمەن بەكىتىلگەن اج/تقق ماسەلەلەرى بويىنشا دايارلاۋ جانە وقىتۋ باعدارلاماسى جۇمىسكەرلەردى دايارلاۋ جانە وقىتۋ بويىنشا قويىلاتىن تالاپتارعا سايكەس ازىرلەنەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 2 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12981 بولىپ ەنگىزىلدى.