ريو-2016: جانىبەك ءالىمحان ۇلى 1/4 فينالدا ەكس-قازاقستاندىقپەن تۇسەدى

ريو-دە-جانەيرو وليمپيالىق ويىندارىندا 75 كيلوعا دەيىنگى سالماقتا ونەر كورسەتىپ جاتقان قازاقستاندىق بوكسشى جانىبەك ءالىمحان ۇلىنىڭ 1/4 فينالدا كىممەن جۇدىرىق سىلتەسەتىنى بەلگىلى بولدى. بۇل جولى ءبىزدىڭ باعلاننىڭ قارسىلاسى ازەربايجان قۇراماسىنىڭ ءۇمىتى كامران شاحسۋۆارلى (سۋرەتتە) بولىپ شىقتى. ول اقتوبە قالاسىندا تۋىپ-وسكەن بوكسشى. كەزىندە قازاقستان چەمپيوناتتارىنا دا قاتىسقان. ەكى رەت قولا جۇلدەگەر اتانعان. 2011 جىلى سەرىك قوناقباەۆ تۋرنيرىندە توپ جاردى. ال 2013 جىلى تاريحي وتانىنا ورالدى. وندا بارعاسىن ەلدىڭ چەمپيونى بولدى. مۇنىڭ الدىندا 25 جاستاعى كامران رەسەيلىك ارتەم چەبوتارەۆتى 2:1 (29:28, 29:28, 28:29) ەتىپ ۇتقان بولاتىن. ءبىر ايتا كەتەتىن جايت, ورىس بوكسشىسىنىڭ دا قازاققا قاتىسى بار. ونىڭ اناسى قازاق قىزى, ساراتوۆ ءوڭىرىنىڭ تۋماسى. جانىبەكتىڭ مۇنىڭ الدىندا الجيرلىك يلياس ءابباديدى ادەمى ۇتقانىن كوز كوردى. ەندى ءالىمحان ۇلى – شاحسۋۆارلى شايقاسىندا جەڭگەنى مەدالگە دە قول جەتكىزەدى. بۇل ۇرىس 15 تامىز كۇنى وتەدى. ول 22:00 ساعاتتا «حابار» تەلەارناسىنان تىكەلەي ەفيردە كورسەتىلەدى. دامير قوجامقۇل