قازاقستان رەسپۋبليكاسى قارجى مينيسترلىگىنىڭ بۇيرىعى №126 

بۇيىرامىن: «مۇناي ونiمدەرiنiڭ جەكەلەگەن تۇرلەرiن ءوندiرۋدi جانە ولاردىڭ اينالىمىن مەملەكەتتىك رەتتەۋ تۋرالى» 2011 جىلعى 20 شىلدەدەگى قازاقستان رەسپۋبليكاسىنىڭ زاڭى 8-بابىنىڭ 12-1) تارماقشاسىنا سايكەس: 1. قوسا بەرىلىپ وتىرعان مۇناي ونىمدەرىن وندىرۋشىلەردىڭ وندىرىستىك وبەكتىلەرىنىڭ, مۇناي ونىمدەرى بازالارىنىڭ رەزەرۆۋارلارىن جانە اۆتوجانارماي قۇيۋ ستانتسيالارىن (جىلجىمالى ۇلگىدەگى اۆتوجانارماي قۇيۋ ستانتسيالارىنان باسقا) ەسەپكە الاتىن باقىلاۋ اسپاپتارىمەن جاراقتاندىرۋ قاعيدالارى مەن تالاپتارى بەكىتىلسىن. 2. قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى (د.ە.ەرعوجين): 1) وسى بۇيرىقتىڭ قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلۋىن; 2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ مەرزىمدى باسپا باسىلىمدارىندا جانە «ادىلەت» اقپاراتتىق–قۇقىقتىق جۇيەسىندە رەسمي جاريالانۋعا جىبەرۋ; 3) وسى بۇيرىق قازاقستان رەسپۋبليكاسى ادىلەت مينيسترلىگىنەن الۋ كۇنىنەن كەيىن بەس جۇمىس كۇن ىشىندە ونىڭ قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن قازاقستان رەسپۋبليكاسى ادىلەت مينيسترلىگىنىڭ «رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جىبەرۋ; 4) وسى بۇيرىقتىڭ قازاقستان رەسپۋبليكاسى قارجى مينيسترلىگىنىڭ ينتەرنەت–رەسۋرسىندا ورنالاستىرىلۋىن قامتاماسىز ەتسىن. 3. وسى بۇيرىق العاشقى رەسمي جاريالانعان كۇنىنەن وتكەننەن كەيىن قولدانىسقا ەنگىزىلەدى. قازاقستان رەسپۋبليكاسىنىڭ قارجى ءمينيسترى ب.سۇلتانوۆ «كەلىسىلگەن» قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى_________ ا. يسەكەشەۆ 18 ناۋرىز 2016 جىل قازاقستان رەسپۋبليكاسى قارجى ءمينيسترىنىڭ 2016 جىلعى 16 ناۋرىزداعى № 126 بۇيرىعىمەن بەكىتىلگەن مۇناي ونىمدەرىن وندىرۋشىلەردىڭ وندىرىستىك وبەكتىلەرىنىڭ, مۇناي ونىمدەرى بازالارىنىڭ رەزەرۆۋارلارىن جانە اۆتوجانارماي قۇيۋ ستانتسيالارىنىڭ (جىلجىمالى ۇلگىدەگى اۆتوجانارماي قۇيۋ ستانتسيالارىنان باسقا) ەسەپكە الاتىن باقىلاۋ اسپاپتارىمەن جاراقتاندىرۋ قاعيدالار مەن تالاپتار 1. جالپى ەرەجەلەر 1. وسى مۇناي ونىمدەرىن وندىرۋشىلەردىڭ وندىرىستىك وبەكتىلەرىنىڭ, مۇناي ونىمدەرى بازالارىنىڭ رەزەرۆۋارلارىن جانە اۆتو­جانارماي قۇيۋ ستانتسيالارىنىڭ (جىلجىمالى ۇلگىدەگى اۆتوجانارماي قۇيۋ ستانتسيالارىنان باسقا) ەسەپكە الاتىن باقىلاۋ اسپاپتارىمەن جاراقتاندىرۋ قاعيدالارى مەن تالاپتارى قازاقستان رەسپۋبليكاسىنىڭ 2011 جىلعى 20 شىلدەدەگى «مۇناي ونىمدەرىنىڭ جەكەلەگەن تۇرلەرىن ءوندىرۋدى جانە ولاردىڭ اينالىمىن مەملەكەتتىك رەتتەۋ تۋرالى» زاڭىنىڭ 8-بابىنىڭ 12-1)تارماقشاسىنا سايكەس ازىرلەنگەن جانە مۇناي ونىمدەرىن وندىرۋشىلەردىڭ وندىرىستىك وبەكتىلەرىنىڭ, مۇناي ونىمدەرى بازالارىنىڭ رەزەرۆۋارلارىن جانە اۆتوجانارماي قۇيۋ ستانتسيالارىن (جىلجىمالى ۇلگىدەگى اۆتوجا­نارماي قۇيۋ ستانتسيالارىنان باسقا) ەسەپكە الاتىن باقىلاۋ اسپاپتارىمەن جاراقتاندىرۋ ءتارتىبى مەن تالاپتارىن انىقتايدى. 2. مۇناي ونىمدەرىن وندىرۋشىلەردىڭ وندىرىستىك وبەكتىلەرىنىڭ, مۇناي ونىمدەرى بازالارىنىڭ رەزەرۆۋارلارىن جانە اۆتوجانارماي قۇيۋ ستانتسيالارىنىڭ (جىلجىمالى ۇلگىدەگى اۆتوجانارماي قۇيۋ ستانتسيالارىنان باسقا) ەسەپكە الاتىن باقىلاۋ اسپاپتارىمەن جاراقتاندىرۋ ءتارتىبى. 2. مۇناي ونىمدەرىنىڭ ساندىق جانە ساپالىق (تىعىزدىق) سيپاتتاماسىن ولشەيتىن ەسەپكە الاتىن باقىلاۋ اسپاپتارىنا (بۇدان ءارى – ەابا) ولشەم بىرلىگىن قامتاماسىز ەتۋ سالاسىنداعى قازاقستان رەسپۋبليكاسى زاڭناماسىنا ساي قولدانۋعا رۇقسات بەرىلگەن ولشەۋلەردى ورىنداۋ ادىستەمەسىنە سايكەس مۇناي ونىمدەرىنىڭ كولەمىن ولشەۋ جانە (نەمەسە) ەسەپتەۋدى قامتاماسىز ەتەتىن ولشەۋ قۇرىلعىلارى جاتادى. 3. قولدانۋعا ولشەم بىرلىگىن قامتاماسىز ەتۋ جۇيەسىنىڭ مەملەكەتتىك تىزىلىمىندە تىركەلگەن جانە ولشەم بىرلىگىن قامتاماسىز ەتۋ سالاسىنداعى قازاقستان رەسپۋبليكاسى زاڭناماسىنا ساي قولدانۋعا رۇقسات بەرىلگەن ەابا رۇقسات ەتىلەدى. 4. ەابا مۇناي ونىمدەرىن ەسەپتەۋ كولەمى (توننامەن) بويىنشا, ءونىم كولەمىن ولشەۋ تومەندەگىلەر ارقىلى جۇزەگە اسىرىلادى: 1) تۇسكەن, وتكىزىلگەن جانە تيەلگەن مۇناي ونىم­دەرىنىڭ كولەمىن انىقتايتىن مۇناي ونىمدەرىن قا­بىلداۋ (اعىزۋ) جانە قۇيۋدا مۇناي ونىمدەرىن ەبا; 2) رەزەرۆۋارداعى ساقتالعان, قالدىقتاردا بار مۇناي ونىمدەرىنىڭ كولەمىن ەسەپتەۋ جانە (نەمەسە) تىعىزدىعىن, دەڭگەيىن انىقتايتىن رەزەرۆۋارداعى مۇناي ونىمدەرىنىڭ ەابا. مۇناي ونىمدەرىن تەمىرجول, اۆتوكولىك تسيستەرنالارىنان, قۇبىر جەلىسىنەن قابىلداۋ (اعىزۋ), قۇيۋ ءتۇرلى ۇلگىدەگى ەابا ارقىلى جۇ­زە­گە اسىرىلادى. ەابا مۇناي ونىمدەرىن وندىرۋشىلەر, مۇناي ونىمدەرى بازاسىنىڭ وندىرىستىك وبەكتىلەرىنىڭ تەحنولوگيالىق سىزبانۇسقاسىنا ساي تەحنولوگيالىق قۇبىر جەلىسىنە قوندىرىلادى. اۆتوجانارماي قۇيۋ ستانتسيالارىنداعى ەابا (جىلجىمالى ۇلگىدەگى اۆتوجانارماي قۇيۋ ستانتسيالارىنان باسقا) رەزەرۆۋاردا قوندىرىلادى. مۇناي ونىمدەرىن وندىرۋشىلەرى ءۇشىن ەابا قۇيۋ ەستاكاداسىنا اپاراتىن تەحنولوگيالىق قۇبىر جولدارىنا ورناتىلادى. رەزەرۆۋارلىق پاركتە (رەزەرۆۋاردا) ساقتا­لىپ تۇرعان رەزەرۆۋارلىق قوردى ولشەۋ سىيىم­دىلىق شەگىن ارقىلى جانە تاۋارلىق رەزەرۆۋاردا قوندىرىلعان تولىقتاي سىيىمدىلىق شاماسى بويىنشا مۇناي ونىمدەرىن قۇيۋدى قاشىقتان باقىلاۋ ءۇشىن ءتۇرلى ۇلگىدەگى ەابا قۇرىلعىلارىمەن جۇزەگە اسىرىلادى. مۇناي ونىمدەرىن وندىرۋشىلەردىڭ رەزەرۆۋارلارىندا تىعىزدىق ولشەگىشتەرىن ورناتپاي, مۇناي ونىمدەرىنىڭ ماسساسىن انىقتاۋعا مۇمكىندىك بەرەتىن ەابا-نى ورناتۋعا جول بەرىلەدى. رەزەرۆۋارداعى مۇناي ونىمدەرى كولەمىن ولشەۋ گوست مەملەكەتارالىق ستاندارتتارىنىڭ تالاپتارىنا ساي نەمەسە ولار بولماعان جاعدايدا قر مس ۇلتتىق ستاندارتتارىنىڭ تالاپتارىنا ساي مۇناي ونىمدەرىنىڭ كولەمىن ولشەۋدىڭ ارەكەتتەگى ادىستەرى نەگىزىندە ەابا انىقتالادى. 5. ەابا قوندىرعى ورنى رۇقسات ەتىلمەگەن مۇمكىندىكتىڭ الدىن الۋ ءۇشىن قۇزىرەتتى ورگاننىڭ جانە (نەمەسە) پلومبا سالىنعان ورىندى, ءنومىر نەمەسە پلومبا بەدەرلەمەسىن كورسەتۋ ارقىلى اكت جاسالىنعان ونىڭ اۋماقتىق بولىمشەسىنىڭ لاۋازىمدى تۇلعاسى ارقىلى پلومبالانادى. 3. مۇناي ونىمدەرىن وندىرۋشىلەردىڭ وندىرىستىك وبەكتىلەرىنىڭ, مۇناي ونىمدەرى بازالارىنىڭ رەزەرۆۋارلارىن جانە اۆتوجانارماي قۇيۋ ستانتسيالارىنىڭ (جىلجىمالى ۇلگىدەگى اۆتوجانارماي قۇيۋ ستانتسيالارىنان باسقا) ەسەپكە الاتىن باقىلاۋ اسپاپتارىمەن جاراقتاندىرۋ تالاپتارى. 6. ەابا كەلەسى تالاپتارعا جاۋاپ بەرەدى: 1) دەرەكتەردى تابىستاۋ قۇرىلعىلارى ارقىلى (عالامتور جەلىسى, تەلەفون جەلىسى بويىنشا) مۇناي ونىمدەرىن وندىرۋشىلەردىڭ وندىرىستىك وبەكتىلەرىنىڭ, مۇناي ونىمدەرى بازالارىنىڭ رەزەرۆۋارلارى مەن اۆتوجانارماي قۇيۋ ستانتسيالارىندا (جىلجىمالى ۇلگىدەگى اۆتوجانارماي قۇيۋ ستانتسيالارىنان باسقا) بەكىتىلگەن دەرەكتەردىڭ وپەراتورى مۇناي ونىمدەرىنىڭ ءوندىرىسىن جانە (نەمەسە) اينا­لىمىنىڭ كولەمى تۋرالى اقپاراتتىق جۇيە ارقىلى تەلەكوممۋنيكاتسيالىق كانالدار بويىنشا دەرەكتەردى تابىستاۋ مۇمكىندىگىمەن قامتاماسىز ەتۋدە; 2) بەلگىلەنگەن رەجيمدە ولشەۋدىڭ جول بەرىلەتىن ولقىلىعىنان اسپايتىن جانە گوست مەملەكەتارالىق ستاندارتتارى نەمەسە ول بولماعان جاعدايدا قر مس ۇلتتىق ستاندارتتارى تالاپتارىنا ساي پايدالانۋ رەجيمى مەن تالاپتارى ساي ولقىلىقپەن ولشەۋدى ورىنداۋدى قامتاماسىز ەتۋدە; 3) اقپاراتتىق الماسۋ حاتتامالارىنا ساي ولشەنگەن كورسەتكىشتەر بولىگىنىڭ سىرتقى اۆتوماتتاندىرىلعان جۇيەسى ءۇشىن العاشقى دەرەكتەردى قالىپتاستىرۋدى قامتاماسىز ەتۋدە; 4) رۇقسات ەتىلمەگەن مۇمكىندىكتەن (كود, كىلت, پلومبا, گولوگرافيالىق جاپسىرما) قاۋىپسىزدىك جۇيەسىنىڭ بولۋ مۇمكىندىگىنە يە بولۋى; 5) ەلەكترلىك قۋات بەرۋ جۇيەسىندە (كەرنەۋدى سوندىرگىش, ۇزدىكسىز قۋات كوزى جانە ت.ب.) بوگەت, ىركىلۋدەن قورعانىش قۇرالدارىمەن قامتاماسىز ەتىلۋى ءتيىس), ال اپاتتىق ىركىلىس كەزىندە – مۇناي ونىمدەرىن وندىرۋشىلەر ءۇشىن ەلەكترمەن جابدىقتاۋداعى اۆتونومدى جۇمىس ۇزاقتىعى ءبىر ساعاتتان كەم ەمەس, مۇناي ونىمدەرىنىڭ بازاسى مەن اۆتوجانارماي قۇيۋ ستانتسيالارىندا تاۋلىكتەن كەم ەمەس بولۋى; 6) تەحنيكالىق قۇجات, پايدالانۋ تۋرالى نۇسقا­ما مەن پايدا بولۋى تۋرالى قۇجاتىنىڭ بولۋى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 19 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13607 بولىپ ەنگىزىلدى.