قۇرىلىسشىلارعا قۇرمەت

شامامەن 170 كۇننەن سوڭ الماتى قالاسى «ۋنيۆەرسيادا-2017» سپورت­تىق ويىندارى سالتاناتىن قار­سى الادى. قۇرىلىسشىلار كۇنى  قۇرمەتىنە وراي  وتكىزىلگەن مەرەكەلىك جيىندا قالا اكىمى باۋىرجان باي­بەكتىڭ بۇل الەمدىك سپورت جارى­سىنىڭ ءمانى مەن ماعىناسىنا ەرەكشە توقتالۋىنىڭ سىرى دا سوندا جاتقان ەدى. قازاقستان «ۋنيۆەرسيادا-2017» سپورتتىق ويىندارىنا 950 ميلليون­داي اقش دوللارىن جۇمسايتىنى بۇعان دەيىن بەلگىلى بولعان جايت. وسىناۋ قاراجاتقا وڭتۇستىكتەگى باس شاھاردا مۇز سارايى مەن ەكى مۇز ايدىنىن, ستۋدەنتتەر مەن وليم­پيادالىق قالاشىقتاردى, الما­تى اۋەجايىنداعى حالىقارالىق تەر­مينال قۇرىلىسىن سالىپ ءبىتىرۋ كوزدەلگەن. ۇلكەن شارا­عا قاراجاتتىڭ مەيلىنشە از جۇمسا­لۋىنا الماتىداعى 2011 جىلعى وتكەن ازيا ويىندارى كەزىندە تۇر­عىزىلعان سپورت عيماراتتارىنىڭ ەداۋىر سەپتىگىن تيگىزگەنى دە اقيقات. بۇگىنگى تاڭدا جوعارىدا ايتىلعان نەگىزگى قۇرىلىس نىساندارى سالىنىپ ءبىتىپ, پايدالانۋعا بەرىلدى. قالا اكىمى ولاردىڭ بىرقاتارىن ءوزى باس بولىپ قابىلدادى دا. الماتىدا اسا ماڭىزدى وتە ۇلكەن ەكى جول ايرىعىنىڭ قۇرىلىسى اياق­تالاتىن كۇن دە تاياۋ. مۇنىڭ سىر­تىندا كۇن ساۋلەلى شاھاردا كۇن ساناپ كوككە بوي كوتەرگەن جاڭا عي­ماراتتار مەن تۇرعىن ءۇي كەشەندەرى­نىڭ ءوزى قانشاما! الماتى قالالىق قۇرىلىسشىلار كاسىپوداعىنىڭ توراعاسى سەرىكحان كەنجەبەكوۆ بىلاي دەيدى: – الماتى قۇرىلىسىندا 40 جىلدان بەرى ەڭبەك ەتىپ كەلەمىن. مەنىڭ بىلەتىنىم, قالا قۇرىلىسى 2007-2008 جىلدارى ازداپ سايابىرسىعانىمەن, ەشۋاقىتتا اۋەلگى وزىنە ءتان ەكپىنىنەن جاڭىلعان ەمەس. كاسىپوداق قۇرامىنا كىرەتىن 5000 قۇرىلىسشى – ولاردىڭ اراسىندا مەترو, سپورت عيماراتتارى, مەتالل قۇرىلعىلارى مەن تۇرعىن ءۇي عيماراتىندا ەڭبەك ەتەتىندەر بار. ءبىر سوزبەن ايتقاندا, ءبىزدىڭ قۇ­رى­لىسشىلارىمىز الدىڭعى بۋىن اعالاردىڭ ەڭبەك ءداستۇرىن لايىقتى جالعاستىرىپ كەلەدى. جامبىل اتىنداعى فيلارمونيادا مەرەكە قۇرمەتىنە ساي لايىقتى ماراپاتتاۋلارعا يە بول­عان قۇرىلىسشىلارعا ارناپ قا­زاقستاننىڭ بەلگىلى ونەر شەبەرلەرى ءان مەن جىردان شاشۋ شاشتى. تالعات ءسۇيىنباي, «ەگەمەن قازاقستان» الماتى سۋرەتتى تۇسىرگەن نۇرمانبەت قيزاتوۆ