«ىستىقكول تولقىنىندا» قالىقتاعان...

كوكشەتاۋعا جاقسى حابار جەتتى. قىرعىزستاننىڭ شولپان اتا قالاسىندا وتكەن ءىىى حالىقارالىق «ىستىقكول تولقىنىندا» بالالار شىعارماشىلىعى بايقاۋىندا «اققۋ» ۇلتتىق بي ءانسامبلى ءبىرىنشى ورىندى جەڭىپ الدى. ونەر ۇجىمى «دوستار» مəدەنيەت سارايىنىڭ جانىنان 2013 جىلى قۇرىلعان بولاتىن. ءانسامبلدىڭ شەبەرلىك شىڭداۋىنا ونىڭ العاشقى جەتەكشىسى بەكزات ءجۇسىپوۆا كوپ ەڭبەك ءسىڭىردى. اينالاسى ءۇش جىلدىڭ ىشىندە «اققۋ» حالىقتىق انسامبل اتانىپ وتىر. بيىل تəۋەلسىزدىكتىڭ 25 جىلدىعى اياسىندا ونەر ۇجىمىنا ت.جۇرگەنوۆ اتىنداعى ونەر اكادەمياسىنىڭ اعا وقىتۋشىسى المات قۇمارجانوۆ ساباق بەرىپ, «اقيىق سۇڭقار», «كيىز باسۋ», «سەرپىن» سياقتى پرولوگتار مەن فولكلورلىق-تۇرمىستىق بيلەردى جəنە ليريكالىق قىزدار ءبيىن مەڭگەرۋىنە ىقپال ەتتى. سونداي-اق, قازاقستان رەسپۋبليكاسىنىڭ ەڭبەك سىڭىرگەن ءارتىسى گۇلنəر سايتوۆانىڭ رەجيسسەرلىگىمەن كومپوزيتور نۇرعيسا تىلەن­ديەۆتىڭ كۇيىنە نەگىزدەلگەن قازاق ءبيىن رەپەرتۋارىنا قوسۋى دا ۇلكەن جەتىستىك سانالادى. – ءبىز حالىقارالىق ونەر بايقاۋىندا جوعارىدا اتالعان بيلەردىڭ بارلىعىن كور­سەتتىك, – دەيدى انسامبل جەتەكشىسى دينا قو­جاباەۆا. سونداي-اق, ۇلتتىق ناقىشتاعى «مەرەكە» جانە «بەلەس» ستيلدىك ءبيى ونەر دوداسىنىڭ ەكى كەزەڭىندە دە قازىلار القاسىنىڭ بيىك باعاسىنا يە بولدى. تارتىستى كونكۋرس­تا سىنعا ءتۇسىپ, قاناتتانعان ۇجىمىمىز الداعى كەزدە دە بيىك بەلەستەن كورىنەدى دەگەن سەنىمدەمىن. باقبەرگەن امالبەك, «ەگەمەن قازاقستان» اقمولا وبلىسى