روبوتتار بيلەۋدەن رەكورد جاسادى

قىتايدىڭ شالدۋن پروۆينتسياسىندا وتكەن ارنايى فەستيۆالدا 1007 روبوت ءبىر مەزگىلدە بىردەي بي بيلەپ, گيننەستىڭ رەكوردتار كىتابىنا ەندى. روبوتتار ءبيى جالعىز ءموبيلدى قۇرىلعى ارقىلى باسقارىلعان. زاماناۋي اۋەن قوسىلعاننان كەيىن جانسىز تەمىرلەر ءبىر مينۋت بيلەپ, ادامداردىڭ ءبارى بىردەي جاساي المايتىن كۇردەلى قيمىلداردى جاساپتى. – اۋەننىڭ ىرعاعىنان جا­ڭىلىپ باسقا روبوتتاردىڭ قي­مىلىنا ىلەسە الماي قالعاندارى, ءتىپتى, الاڭدا قۇلاپ قالعان روبوتتار دا بولدى. رەكورد ادىلەتتى بولۋى ءۇشىن ولاردى ساناقتان سى­زىپ تاستاۋعا تۋرا كەلدى. ءايت­پەسە, كورسەتكىش بۇدان دا جاق­سىراق بولار ەدى, – دەيدى شارانى ۇيىمداستىرۋشىلار. بيلەيتىن روبوتتاردىڭ بۇعان دەيىنگى رەكوردى دا قىتايدا تىركەلگەنىن ايتا كەتۋ كەرەك. بىل­تىر ءدال وسى پروۆينتسيادا وتكەن فەستيۆالدا 540 روبوت بيلەگەن. الايدا, ول روبوتتار باسقا كومپانياعا تيەسىلى ەكەن. ياعني, بيىل مىڭنان استام روبوتتى بيلەتكەن كومپانيا بولسا ءوزىنىڭ روبوت تەحنولوگياسى نارىعىنداعى باسەكەلەسىنەن ەسە قايتارىپتى. ارنۇر اسقار, «ەگەمەن قازاقستان»