وزەكتى ماسەلەلەر تالقىلانعان كەزدەسۋ

ەۋرازيالىق ەكونوميكالىق وداقتىڭ ۇكىمەتارالىق كەڭەسىنىڭ وتىرىسىنا قاتىسۋ ءۇشىن رەسەيدىڭ سوچي قالاسىنا بارعان قازاقستان پرەمەر-ءمينيسترى كارىم ءماسىموۆ كەشە رەسەي ۇكىمەتىنىڭ توراعاسى دميتري مەدۆەدەۆپەن كەزدەستى. وسى ساپارىنىڭ الدىندا ك.ءماسىموۆ رەسەيلىك ارىپتەسىمەن كەز­دەسۋدە قازاقستانداعى جۇرت­شىلىقتى كوپتەن مازالاپ جۇرگەن ماڭىزدى ماسەلە – كەنەسارى حان مەن كەيكى باتىردىڭ باستارىن ەلگە قايتارۋ جايىن قوزعايتىنىن حابارلاعان ەدى. پرەمەر-مينيستر ايتقانىندا تۇردى. رەسەي ۇكى­مەتىنىڭ توراعاسى بۇل ماسەلەنى انىقتاپ, ءوتىنىشتى ورىنداۋ ءۇشىن قاجەتتى تاپسىرمالار بەرەتىنىن ايتتى. «مەن اۋىزشا جانە ەگەر قاجەت بولسا, جازباشا تاپسىرما بەرىپ, بۇل ماسەلەنىڭ انىق-قا­نى­عىن انىقتايمىن», – دەدى د.مەد­ۆەدەۆ. كەزدەسۋ بارىسىندا, سونداي-اق, استانادا وتەتىن XIII وڭىرارالىق ىنتىماقتاستىق فورۋمىنا قاتىس­تى ماسەلەلەر دە تالقىلاندى. اتاپ ايتقاندا, باتىس ەۋروپا – باتىس قىتاي سەكىلدى ءىرى كولىك جوبالارىن جۇزەگە اسىرۋ بارىسى ءسوز بولدى. جايىق ترانسشەكارالىق وزەنىنە قاتىستى تاقىرىپقا باسا نازار اۋدارىلدى. قازاقستان پرەمەر-ءمينيسترى بۇل ماسەلە جونىندە ۇكىمەتارالىق كەلىسىمگە قول قويۋدى ۇسىندى. سونىمەن قاتار, لوگيستيكا, شەكارا ماڭى ىنتىماقتاستىعى جانە ناقتى ەكونوميكا سالاسىنداعى باسقا دا ماڭىزدى ماسەلەلەر تال­قىعا سالىندى. «ەگەمەن-اقپارات»