جازيرانىڭ جانى دا جومارت

ءبىز جازيرا جاپپارقۇلدىڭ اكەسى ءابدىراحمان قۇدايقۇلوۆ اعامەن جەدەل تىلدەسىپ ۇلگەردىك. ريو تورىندە ەلىمىزدىڭ ابىرويىن اسىرىپ, مەرەيىن ءوسىرىپ جىبەرگەن اۋىر اتلەت جازيرا جاپپارقۇلدىڭ ارىس قالا­سى اۋماعىنداعى ماقتالى اۋىلىنداعى ءۇيىن تابۋ قيىن­عا تۇسپەدى. مەكتەپتىڭ تۇبىنە ورنالاسقان سول باتىر قىز تۋعان شاڭىراققا كەلگەنىمىزدە كىشىگىرىم توي ۇستىنەن تۇستىك. – وليمپيادانى تىكەلەي ەفيردەن كوردىك. ۇيگە كورشىلەرىم مەن اعايىندارىم كەلىپ, قولداۋ كورسەتتى, – دەدى ول. – قىزىمنىڭ جەڭىسكە جەتكەن كەزىندەگى قۋانعانىمدى سوزبەن ايتىپ جەتكىزە المايمىن. قاتتى تولقىدىم. اناسى ءبىر ورنىندا وتىرماي, ۇيگە كىرىپ-شىعىپ ءجۇردى. ءبارى بىتكەننەن كەيىن تەلەفونىم شىرىلدادى. السام – جازيرا. «كوكە, كورگەن شىعارسىزدار, ءبارى جاقسى. ەلگە سالەم ايتىڭىز», دەدى. – شىنى كەرەك, مەن دە, اناسى دا جازيرانىڭ زىلتەمىرشى بولۋىنا قارسى بولدىق. دەگەنمەن, ءۇش كۇن بارىپ كورسىن, ۇناسا جالعاستىرسىن دەدىم. ءسويتىپ, ۇلكەن سپورتتاعى جولى باستالدى. بۇلا كۇشى ءوز اتاسى جاپپارقۇل مەن ناعاشىسى امەتبەك اتادان دارىدى دەپ ويلايمىن. اتاسى جاپپارقۇل مەن اجەسى ۇمىتشاقتىڭ ارۋاعى ءبىر اۋناپ تۇسكەن شىعار. قىزىم تاپقان تابىسىن وتباسى يگىلىگىنە جۇمسايدى. وتكەن جىلى «كولىگىم بار» دەپ قارسى بول­عانىما قاراماي, ماعان جاڭا اۆتوكولىك اپەردى. جازيرامنىڭ ءبىزدىڭ اۋلەتتىڭ عانا ەمەس, قازاق ەلىنىڭ باتىر قىزىنا اينالعانىنا قۋانىشتىمىن. دەنى ساۋ بولسىن, – دەدى ءجۇزى مەيىرىمگە تولعان اكە. «الما اعاشىنان الىسقا ۇزا­مايدى» دەمەكشى, جازيرانىڭ سپورت جۇلدىزىنا اينالۋىنا اتا-اناسىنىڭ دا قاتىستارى بار ەكەن. 43 جىلداي تەمىرجول سالاسىندا ەڭبەك ەتكەن ءابدىراحمان اعا جاس كەزىندە فۋتبولدى جاقسى ويناپتى. تاڭعالدىرعان جاڭالىق, وقۋشى كەزىندە جازيرانى كەي ساتتەرى ءوز اناسى دا جاتتىقتىرىپتى. ول تۋرالى ءسوز قوزعاعان تولاعاي قىزدىڭ اناسى كۇلايحان قۇدايقۇلوۆا: «جازيراشىمنىڭ ەرەكشە قىز بولاتىنىن بوسانعان كەزىمنەن ءبىلدىم. دارىگەرلەر: «مىنا قىزدان جۇرت تاڭعالاتىن مىقتى ادام شىعادى», دەدى. ايتقاندارى كەلدى. كەيدە جازيرا بىردەڭەگە رەنجىسە, جاتتىقتىرۋشىسى دۇيسەبەك قۇرمانوۆ اعايدى تىڭ­داماي كەتەتىن. بىردە باپكەرگە جات­تىعۋلارىن جازىپ بەرۋىن, مۇنداي كەزدە ءوزىم باس-كوز بولاتىنىمدى ايتتىم. ءسويتىپ, ونىڭ جازۋى بويىنشا ءوزىم دە جاتتىقتىرىپ ءجۇردىم», – دەدى اعىنان اقتارىلا. اپكەسى ەلميرا قۇدايقۇلوۆا كىشكەنتاي كەزىندە جازيراعا ءوزى قاراعانىن ايتسا, جەزدەسى ءاليحان سىرلىباەۆ وتە قايىرىمدى ەكەنىنە توقتالدى. – شەتەلدەن كەلگەن سايىن باۋ­ىر­­­لا­رىنا, ءىنى-سىڭلىلەرىنە سىي­لىق اكەلۋدى ۇمىتقان ەمەس. ول ءبىر­نەشە جىل بۇرىن مارقۇم بولىپ كەتكەن باجامىزدىڭ قىزى, جيەن ءسىڭلىسى ءالفيانىنىڭ ەم-دومىنا كومەكتەسىپ, قىمبات ءدارى-دارمەكتەرىن اپەرىپ ءجۇردى, – دەدى ول. جازيرا 4-سىنىپقا دەيىن وقىعان №372 مەكتەپتىڭ ديرەكتورى تاجىگۇل ەسىلبەكوۆا مەن ونىڭ ورىنباسارى الىبەك قازى­بەكوۆ وقۋشىلار ءدۇلدۇل ءاپ­كە­لەرىمەن كەزدەسۋگە دايىندالىپ جاتقانىن جەتكىزدى. تولاعاي قىزدى ۇلكەن سپورتقا ۇكىلەپ قوس­قان العاشقى جاتتىقتىرۋشىسىنا كەزدەس­تىك. جەتپىستەن اسقان قاريا­نىڭ ءشا­كىرتى جەڭىسىنە قاتتى قۋان­عانى, تولقىعانى اڭعارىلىپ تۇر. ول ءوزى ءبىراز باپتاعاننان كەيىن جازيرانى شىمكەنتكە بىلىكتى باپكەرلەر قولىنا قالاي اتتاندىرىپ سالعانىن ايتىپ بەردى. – باتامدى بەرىپ, راشيد تولە­گە­نوۆكە تاپسىردىم. ول جازي­رانى ءوز ۇيىنە ورنالاستىردى. قى­زىمىز سينگاپۋردەگى جاس­وسپى­رىمدەر وليمپياداسىندا چەم­پيو­ن اتانعاندا, توبەم كوككە جەتتى. الماتى مەن حيۋستونداعى الەم چەمپيوناتتارىندا كۇمىس جۇلدە الدى. بۇل جەڭىسىنە اۋەلى اللا, سوسىن اتا-اناسى, بارشا باپكەرلەرى جانە ەل­دىڭ اق تىلەگى سەبەپ بولدى دەپ ويلايمىن, – دەدى ەڭبەك سىڭىرگەن جات­تىقتىرۋشىسى دۇيسەبەك اق­ساقال. ءبىز بارعاندا ءابدىراحمان اعانىڭ ۇيىندە قوي سويىلىپ, قۋىرداق دايىن­دالىپ جاتتى. قۇتتى بولسىن ايتىپ كەلىپ-كەتىپ جاتقان جانداردا ەسەپ جوق. اعامىزدىڭ تەلەفونى دا تىنىم تاپپادى. ەلدىڭ قۋاناتىنداي, شاتتاناتىنداي ءجونى بار. سەبەبى, جازيرانىڭ جەڭىسى – بارشا قازاقتىڭ جەڭىسى! عابيت ساپاربەكوۆ وڭتۇستىك قازاقستان وبلىسى سۋرەتتى تۇسىرگەن قايسار شەرىم