اقكولدەگى باسسەين كەشەنى دميتري ءبالانديننىڭ اتىن الادى

اقمولا وبلىسىننا قاراستى اققكول اۋدانىنىڭ ورتالىعىنداعى باسسەين كەشەنىنە وليمپيادا چەمپيونى دميتري ءبالانديننىڭ اتى بەرىلەتىن بولىپ شەشىم قابىلداندى. بۇل جونىندەگى ۇسىنىس جەرگىلىكتى جاستاردان شىعىپ وتىر. بەلسەندىلەردىڭ ءبىرى وسىنىڭ ءوزى قالانىڭ كىشكەنتاي تۇرعىندارىنىڭ مۇندا كوپتەپ كەلۋلەرىنە ۇلكەن سەرپىن بەرەتىن بولادى. باسسەيننىڭ ۇزىندىعى 25 مەتر بولسا, ەنى 8,5 مەتردى قۇرايدى. ول اۋدانداعى بىردەن-ءبىر وسىنداي سپورت مەكەنجايى بولىپ تابىلادى. مۇندا كۇن سايىن جۇزگە جۋىق ادام كەلەدى. بۇل جەردە ءبىر جارىم جىلدىڭ ىشىندە 600-دەن استام بالا ءجۇزۋدى الىپپەسىنەن باستاپ ۇيرەنىپ شىعىپتى. ولاردىڭ 30-عا جۋىعى وبلىس اتىنان رەسپۋبليكالىق جارىستارعا قاتىسىپ ءجۇر. «كۇنىنە كەمىندە 120 اۋەسقوي كەلەدى. جاس مولشەرلەرى ءارتۇرلى. جاسى دا بار, جاسامىسى دا بار. مۇندا سۋعا ءجۇزۋدى كاسىبي مەڭگەرگىسى كەلەتىندەر كوپ. شاكىرتتەرىمنىڭ الدى رەسپۋبليكالىق جارىستارعا قاتىسىپ ءجۇر. ەندى الەمدىك دوداعا تۇسسە دەيمىن», دەيدى جاتتىقتىرۋشى سەرگەي دەۆياتكو. باقبەرگەن امالبەك