شەتەلدىك ءبىر توپ عالىمدار 2014-2015 جىلدارىعى كورسەتكىشتەرى بويىنشا, الەمدەگى حالىقتىڭ تۇرمىس دەڭگەيى مەن ەكونوميكالىق ءوسۋى جوعارى الەمدەگى ەڭ باي 10 مەملەكەتتى انىقتاپ شىعاردى. ەندى سول مەملەكەتتەر شوعىرىمەن تانىس بولىڭىزدار
كاتار. عالىمداردىڭ زەرتتەۋىنشە, كاتار ەلى الەمدەگى ەڭ باي مەملەكەتتەردىڭ كوشىن باستاعان. بۇل ەلدىڭ جەر كولەمى شاعىن بولسا دا, حالقىنىڭ تۇرمىس دەڭگەيى وتە جوعارى. جەر شارىندا مۇنايدى كوپ وندىرەتىن وسى ەل ەكەن. جان باسىنا شاققانداعى ىشكى جالپى ءونىم 145 مىڭ دوللاردان اسادى.
ليۋكسەمبۋرگ – ەۋروپا ەلدەرى بويىنشا ىشكى جالپى ءونىمى وتە جوعارى مەملەكەت. حالىقتىڭ ءومىر ءسۇرۋ دەڭگەيى جاقسى. مۇنداعى ءاربىر تۇرعىننىڭ جىلدىق تابىسى 90 332 اقش دوللارىن قۇرايدى.
سينگاپۋر. زەرتتەۋشىلەر بۇل قالا-مەملەكەتتى ەڭ باي ەلدەردىڭ ۇشتىگىنە ەڭگىزگەن. ويتكەنى, ول ازياداعى ىشكى ەكونوميكالىق نارىعى دامىعان ەلدەردىڭ كوشىن باستاپ كەلەدى. سينگاپۋرلىقتاردىڭ جىلدىق تابىسى – 78 761 دوللار.
يرلانديا – ەۋروپاداعى ەكونوميكاسى دامىعان ەلدەردىڭ ەكىنشى ساتىسىندا تۇر. ول الەم بويىنشا 4 ورىنعا تابان تىرەدى. مۇنداعى تۇرعىننىڭ ىشكى تابىسى 45 مىڭ دوللاردان اسىپ تۇسەدى.
بىرىككەن اراب امىرلىكتەرىندەگى حالىقتىڭ جىلدىق تابىسى 63 180 دوللاردى قۇراعانىمەن, وعان 5-ساتىسى بەرىلگەن. ءباا نەگىزگى ەكونوميكالىق تابىسى مۇناي ءوندىرۋ بولىپ تابىلادى.
اقش. زەرتتەۋشىلەر بۇل ەلگە 6 ورىندى بەلگىلەپتى. ولاردىڭ پىكىرىنشە, حالىقتىڭ جالاقىسى مەن زەينەت اقىسى وتە جوعارى مولشەردە. تۇرعىنداردىڭ تابىسى – 53 مىڭ دوللار.
كۋۆەيت. اراب ەلدەرىنىڭ ىشىندە مۇناي قورى ەڭ باي مەملەكەت بولعاندىقتان, حالىقتىڭ جىلدىڭ تابىسى – 70 785 دوللار. سوعان قاراماستان كۋۆەيت ءتىزىمنىڭ 7 ساتىسىندا ورنالاسىپتى.
نيدەرلاند – ەۋروپاداعى ەكونوميكاسى دامىعان ەلدەردىڭ ءبىرى. مۇنداعى حالىقتىڭ جان باسىنا شاققانداعى تابىسى 40 مىڭ اقش دوللارىن قۇرايدى.
اۆستريا. بۇل ەلدىڭ حالقى جىلىنا 40 مىڭ دوللارعا تەڭ تابىس تابادى. سوندىقتان دا اۆستريا ۇزدىك 10 ەلدىڭ تىزىمىندە تۇر.
شۆەتسيا ەڭ باي 10 ەلدى تۇيىندەيدى. ەۋروپانىڭ سولتۇستىك-شىعىسىندا ورنالاسقان مەملەكەتىڭ حالقى جىلىنا 44 مىڭ دوللار تابادى.
تالعات رايىمبەك
دەرەك, فوتو: thewebpirate.net
