مەكتەپكە جول جارقىن بولسىن

ءداستۇرلى «مەكتەپكە جول» اكتسياسى جەتىسۋ جەرىندە دە باستالىپ كەتتى. سەبەبى, بۇلدىرشىندەردىڭ ءبىرى ءبىلىم ورداسىنىڭ تابال­دى­رى­عىن اتتاۋعا اسىقسا, ءبىرى كۇنكورىس قامى ءۇشىن بازار جاعا­لاپ, تاعى ءبىرى – القاپتاردا ءجۇر. اتا-انامىزدا بار ەكەن دەپ زا­ماناۋي قۇرالداردان باس كوتەر­مەي­تىنى ءوز الدىنا. ايتەۋىر, بۇگىن­دە الەۋمەتتىك تەڭسىزدىك ەتەك جا­يىپ بارا جاتقانى انىق. سولاي ەكەن دەپ بيلىك قول قۋسىرىپ قاراپ وتىر­عان جوق. الماتى وب­لىس­تىق اكىم­­دىگىندە ەلباسىنىڭ وقۋ­شى­لار­­دىڭ مەكتەپكە تولىق بارۋىن قام­تا­ماسىز ەتۋ تۋرالى تاپسىرماسىنا سايكەس, تاقىرىپ اياسىندا جيىن بولدى. ونى الماتى وب­­لى­­سى اكىمىنىڭ ورىنباسارى باقتيار ونەرباەۆ اشىپ, جۇرگىزىپ وتىردى. «اعىمداعى جىلدىڭ 1 تامىز-30 قىركۇيەك ارالىعىندا «مەك­تەپكە جول» ءداستۇرلى رەسپۋب­ليكالىق قايىرىمدىلىق اكتسياسى تاۋەلسىزدىكتىڭ 25 جىلدىعىنا وراي «باقىتتى بالالىق شاق مە­كەنى» ۇرانىمەن جەتىسۋ جەرىن­دە دە باستالىپ, قاناتىن جاي­دى. اكتسيانىڭ ماقساتى – كوپ بالالى وتباسىنان شىققان وقۋشىلارعا, جەتىم بالالارعا, اتا-انا قامقور­لىعىنسىز قالعان بالالار­عا قولداۋ كورسەتۋ جانە ءتۇرلى الەۋ­مەتتىك سەبەپتەر بويىنشا مەكتەپكە بالالاردىڭ بارا الماۋىنىڭ الدىن الۋ. 2015-2016 وقۋ جىلىندا 51 237 بالاعا 427 ملن. 500 مىڭ تەڭگە كولەمىندە كومەك كور­سەتىلگەن ەدى. سونىڭ ىشىندە 46 392 بالاعا 375 ملن. 8 مىڭ تەڭگەگە دەمەۋشىلەر وقۋ قۇرالدارى مەن مەكتەپ فورمالارىن ساتىپ الىپ بەرگەن بولاتىن. ال اعىمداعى جىلى جالپى 55 مىڭ بالاعا كومەك كورسەتىلەيىن دەپ وتىر. نەگىزى, بيىل دا وبلىس اكىمى اماندىق باتالوۆتىڭ «مەكتەپكە جول» اكتسياسىن وتكىزۋ تۋرالى ارنايى وكىمى شىقتى», دەدى ءوڭىر باسشىسىنىڭ ورىنباسارى. بۇل كۇندەرى ءبىلىم بەرۋ سالاسى مەن ىشكى ىستەر ورگانى قىزمەت­كەر­لەرى جانە ەرىكتى اتا-انالار بىرلەسە تۇنگى كلۋبتار مەن شارۋا قوجالىقتارىنىڭ القاپتارىن, سايا­جايلاردى ارالاپ وقۋشىلاردىڭ وقۋدان كەشىكپەۋىنە ىقپال ەتۋدە. راس, قالامىن, كىتاپ-داپتەرىن, ءتىپتى كومپيۋتەرىن دايىنداپ وتىرعان بالالار جەتەرلىك. بۇل وقۋعا دەگەن ىنتانى, ۇقىپتىلىقتى, العا ۇمتىلۋشىلىقتى بىلدىرەتىن فاكتور. ايتكەنىمەن, سانانى بيلەي­تىن وزگە دە جايتتاردى جاسىرا المايمىز. دەي وتىرىپ, ءبىلىم كۇنى جاقىنداعاندا بايبالام سال­عاننان ەش نارسە وزگەرمەيتىنىن قايتا بي­لىك­تىڭ جايلاپ بولسا دا يگى قادام جاساعانىن قولداۋ قاجەت. قۇپ­تارلىعى سول – بالالاردىڭ قۇ­قىق­تارىن قورعاۋ, ىشكى ىستەر, ەڭبەك جانە حالىقتى الەۋمەتتىك قور­عاۋ ورگاندارىمەن, كەنت, اۋىل اكىمدەرىمەن, جاستار, بالالار جانە ۇكىمەتتىك ەمەس ۇيىمدارمەن, اتا-انالارمەن بىرلەسە وتىرىپ, ءار ەلدى مەكەندە قيىن بالا­لار توبىنا جاتاتىن, ونىڭ ىشىندە قاراۋسىز, قاداعالاۋسىز قالعان جانە جاعدايى جوق وتباسىلار مەن ميگرانتتار بالالارىن, سون­داي-اق وزگە دە سەبەپتەرمەن جۇيەلى تۇردە ساباققا بارمايتىندار­دى انىقتاۋ ءۇشىن رەيدتەردى ءجۇر­گىزىلۋدە. ەكىنشىدەن, اكتسيانىڭ باسىندا جانە سوڭىندا «بالالاردى مەكتەپكە جيناۋعا كومەكتەس», «وقۋ­شىعا مەكتەپكە بارار جول­دى تابۋعا كومەكتەس», «بار­لىق بالالار مەكتەپتە وقۋعا ءتيىس», «مەن مەكتەپتى تاڭداي­مىن» دەگەن شارا اياسىندا قايى­رىم­دىلىق كورسەتۋشىلەر نەمەسە مەتسەناتتار فەستيۆالى ۇيىمداستىراتىنىن بيلىك ايتىپ وتىر. ۇشىنشىدەن, اكتسيا قورىتىندىلارى اۋدان, قالا اكىمدىگى جانىنداعى كامەلەتكە تولماعانداردىڭ ىستەرى جونىندەگى ۆەدومستۆوارالىق كوميسسيانىڭ وتىرىستارىندا قارالاتىنى دا كوپ جايدى اڭعارتادى. نۇربول الدىباەۆ, «ەگەمەن قازاقستان» تالدىقورعان