اسىل تۇقىمدى مال وسىرىلەدى

وڭتۇستىك قازاقستان وبلىسىنىڭ اۋىل شارۋاشىلىعى سالاسىن دامىتۋدا الەۋەتى جوعارى. وسىنى ەسكەرگەن وبلىس اكىمى بەيبىت اتام­قۇلوۆ اۋىلشارۋاشىلىق سالاسىن رەفورمالاۋدىڭ نەگىزگى بەس باعىتى جۇزەگە اسىرىلاتىنىن ايت­قان بولاتىن. ونداعى بەسىنشى باعىت – ءاربىر اۋدا­ندى الەۋەتى مەن كلي­مات­تىق ەرەك­شەلىكتەرىنە قاراي دامى­تۋ. ياعني, سوزاق پەن بايدىبەك اۋدان­دارىنىڭ مال شارۋاشىلىعى سالاسىن ىلگەرىلەتۋ. بۇگىندە اتالعان جوسپاردى جۇزەگە اسىرۋ ماقساتىندا سوزاق اۋدانىندا بىرقاتار كەلىسسوزدەر جۇرگىزىلىپ, جاڭا جوبالار جۇزەگە اسۋدا.  ماسەلەن, اۋدان اكىمدىگى مەن ۋران وندىرەتىن فرانتسۋزدىق «ارەۆا» كومپانياسى جانە قازاق-فرانتسۋز «كاتكو» بك-مەن بىرلەسكەن اسىل تۇقىمدى مال ءوسىرۋ, بورداقىلاۋ جانە مال ونىمدەرىن وڭدەيتىن «سوز-اگرو» كورپوراتيۆتىك قورى قۇرىلدى. قۇرىلتايشىسى «ارەۆا نس-كاتكو-دەمەۋ» بولىپ تابىلاتىن كورپوراتيۆتىك قور بيزنەستىڭ الەۋمەتتىك جاۋاپكەرشىلىگى اياسىندا اۋداننىڭ اۋىل شارۋاشىلىعى سالاسىنا 400 ملن. تەڭگە ينۆەس­تيتسيا قۇيىپ وتىر. اۋداندىق اۋىل شارۋاشىلىعى جانە جەر قاتىناستارى ءبولىمىنىڭ باسشىسى ابۋباكىر ساحي ۇلىنىڭ ايتۋىنشا, اتالعان كورپوراتيۆكە 300 باس اسىل تۇقىمدى ءىرى قارا مەن 15 باس اسىل تۇقىمدى بۇقا الىنباق. «بۇگىندە كەشەننەن مال ورىسىنە جەر ءبولىنىپ, مال باسىن الۋعا 50 ملن. تەڭگە, ال كەشەن قۇرىلىسىنا 268 ملن. تەڭگە  قارجى ءبولىنىپ وتىر. جانە اۋىل شارۋاشىلىعىنا قا­جەت­تى تەحنيكالارعا 82 ملن. تەڭگە قار­جى جۇمسالىپ, جالپى 50 ادام جۇمىسپەن قامتىلاتىن بولادى», دەدى ابۋباكىر ساحي ۇلى. سونداي-اق, «سوز-اگرو» كورپو­را­تيۆتىك قورى الداعى ۋاقىت­تا قازاق ۇلتتىق اگرارلىق ۋنيۆەر­سيتەتىنىڭ عالىمدارىمەن بىرلەسە وتىرىپ, اۋدان كولەمىندە اۋىل شارۋا­شىلىعىن دامىتۋدى كوزدەپ وتىر. ەلميرا ابدەەۆا وڭتۇستىك قازاقستان وبلىسى