وتاندىق ءونىم وزىق دەپ تانىلدى

قازاقستان بۇگىندە ءوز ءونىم­دەرىمەن ەلىمىزدى قامتاما­سىز ەتۋمەن قاتار, سىرتقا ەكس­پورتتاۋمەن دە اينالىسىپ كەلەدى. ماسەلەن, ەلىمىزدە قۇس ەتىن وندىرەتىن فابريكا ءوز ونىمدەرىن تالاپقا ساي وندىرۋدە. بۇگىنگى كۇندە قۇس ەتىن ءوندىرىپ وتىرعان 6-7 كاسىپورىن بولسا,  كۇركەتاۋىق وسىرۋمەن ازىرگە ءبىر شارۋاشىلىق قانا اينالىسۋدا. 2010 جىلى جۇمىسىن باستاعان «ورداباسى قۇس» فابريكاسى  بيىل تمد ەلدەرىنىڭ اراسىندا ۇزدىك دەپ تانىلىپ وتىر. ەلىمىزدە كۇركەتاۋىق ەتىنە دەگەن سۇرانىس تا ارتقان. كۇنىنە 350-400 قۇس بورداقىلانىپ, ءونىم بەرەدى. «ءبىز ءۇشىن ساپا باستى ماسەلە قۇستاردىڭ جەم-شوبىنە باسا ءمان بەرەمىز, ول ءۇشىن  وزىمىزدە وندىرىلگەن بيداي ونىمدەرىن, جۇگەرى داندەرىن, سويا, پىستەنى پايدالانۋ ارقىلى ساپالى ءونىم دايىنداپ وتىر­مىز, دەيدى, كاسىپورىن باسشىسى مۇرات  تاعاەۆ.  بيىلعى جىلى 10 جارىم مىڭ توننا ءونىم الۋدى جوسپارلاعان كاسىپورىن 2020 جىلعا دەيىن ءونىمدى ەكى ەسەگە دەيىن ارتتىرۋدى كوزدەپ وتىر. شەتەلدە ەت وندىرۋدە ەتتىڭ كولەمىن ۇلعايتۋ ءۇشىن ءتۇرلى قوسپالار قوسىپ جاسالىنادى, بۇل ادام اعزاسىنا وتە زيان. سىرت­تان كەلگەن ساپاسىز تاۋارلاردىڭ سىن كوتەرمەيتىنىن ەسكەرسەك,  حا­لىقتىڭ دەنساۋلىعىنا پايدالى تابيعي ءوز  ءونىمىمىز العا شىعارى ءسوزسىز. كۇركەتاۋىق ەتىنىڭ قۇرامىن­دا اقۋىز بەن فوسفوردىڭ كوپ مولشەردە بولۋىنا بايلانىستى ديەتالىق تاعام ءتۇرى بولىپ تابىلادى. ناتري, كاليگە باي كۇركەتاۋىق ەتىنىڭ  قان اينالى­مىن جاقسارتاتىن دا قاسيەتى بار.  وسىنداي ەمدىك قاسيەتى بار, تابىسى مول ءونىمدى الۋ ءۇشىن زاۋىت­تا يزرايلدىك تەحنولوگيا­مەن جابدىق­تالعان اۆتوماتتى جۇيە­لەر ىسكە قوسىلعان.  بۇگىندە كاسىپ اشامىن دەگەن ءار ازاماتقا ۇكىمەت قولداۋ كورسەتىپ, سۋبسيديا بەرىپ,  قارجىلىق كومەك الۋعا تومەن پايىزدى نەسيە دە ۇسىنىپ وتىر. وسى ورايدا, ەلباسىنىڭ شاعىن جانە ورتا كاسىپكەرلىكتى دامىتۋعا بارىنشا جاعداي جا­ساپ وتىرعانى «100 ناقتى قادام» ۇلت جوسپارىندا دا ناقتى كورى­نىس تاپقان بولاتىن.  شاعىن جانە ورتا كاسىپكەرلىك ءۇشىن اكىمشىلىك كەدەرگىلەر جويىلۋدا, مەملەكەتتىك باسقارۋ, ءبىلىم بەرۋ مەن دەنساۋلىق ساقتاۋ سالاسى جەتىلدىرىلۋدە. وسى شارالاردىڭ ءبارى دە مەملەكەتكە, قوعامعا, ءبىز­دىڭ ەكونوميكامىزعا قوسىمشا توزىمدىلىك بەرەدى. – مەملەكەت سىزدەردىڭ بيز­نەس­تەرىڭىزدى دامىتىپ, اياققا نىق تۇرۋلارىڭىزعا بارلىق جاع­داي­دى جاسادى. قۋاتتى ەل بولۋ – باسەكەگە قابىلەتتى بولۋ دەگەن ءسوز. «قازاقستاندا جاسالعان» ءاربىر بۇيىمدا ءتورت قاسيەت – ساپالى, ىڭعايلى, ادەمى جانە ارزان بولۋى كەرەك. سوندا عانا ءىسىمىز ءونىمدى, زاتىمىز ءوتىمدى بولادى, – دەپ اتاپ كورسەتكەن بولاتىن ەلباسى ن.نازارباەۆ. ايمان مۇقىشەۆا