جاڭا ماۋسىم جاڭالىقتارى

7 قىركۇيەك كۇنى ەلورداداعى «استانا وپەرا» تەاترىنىڭ كامەرالىق زالىندا ءىV كونتسەرت ماۋسىمىنىڭ اشىلۋ سالتاناتى وتەدى. كەش بەلگىلى قازاقستاندىق مۋزىكانت ەلدار ساپاراەۆتىڭ جەتەكشىلىگىمەن جانە كامەرالىق وركەستردىڭ قاتىسۋىمەن وتەدى. كامەرالىق زالدىڭ جەتەك­شىسى ءارى كونتسەرتتىڭ ءجۇر­گىزۋشىسى, مۋزىكاتانۋشى مار­جان جاكە­نوۆانىڭ ايتۋىنشا, جاڭا ماۋ­سىمنىڭ كونتسەرتى توسىن سىيلار مەن قىزىقتى باعدار­لامالارعا تولى بولماق. «ال­داعى كونتسەرت ماۋسىمىندا «استانا وپە­­رانىڭ» جۇلدىز­دارى, ياعني, وپە­رانىڭ جەتەكشى سوليستەرى, تالانتتى اسپاپشىلار, سونداي-اق, رەسەيدىڭ ەڭبەك سىڭىرگەن ءارتىسى, ايگىلى «ماسكەۋ شەبەرلەرى» كا­مەرالىق وركەسترىنىڭ ءبىرىنشى سكريپكاشىسى الەكسەي لۋن­دين, اۆس­تريالىق پيانينوشى شتەفان ماتياس لادەمان, باش­قۇرت ۆيو­لونچەلشى رۇستەم حا­­بي­بۋللين سەكىلدى شەبەرلەر ونەر كورسەتپەك. ءبىزدىڭ جاس كورەرمەندەرىمىزدى دە ءار جەك­سەنبى سايىن وتەتىن تۇساۋ­كەسەرلەر مەن تارتىمدى كون­تسەرتت­ەر كۇتىپ تۇر»,  دەدى مار­جان جاكەنوۆا بۇل تۋراسىندا. اشىلۋ سالتاناتىندا كو­رەر­مەن ءار كەزەڭنىڭ, ماسەلەن, باروككو, كلاسسيتسيزم جانە رومانتيزم داۋىرلەرىندەگى ۇلى كومپوزيتورلاردىڭ مۋ­زىكالىق شىعارمالارىنان سۋسىندايتىن بولادى. كورەرمەن نازارىنا ۆ.ا.موتسارتتىڭ, ي.س.باح­تىڭ, ف.شۋبەرتتىڭ تاماشا تۋىندىلارى ۇسىنىلادى. كونتسەرتكە ەلدار ساپاراەۆ ديريجەرلىك ەتەدى. ەلدار ساپا­راەۆ قازاقستاندىق كورەر­مەن ءۇشىن شەبەر ۆيولونچەلشى رەتىندە جاقسى تانىس, دەمەك, بۇل ونىڭ ديريجەر رەتىندەگى العاشقى دەبيۋتى بولماق. بۇگىنگى كۇنگە دەيىن ەلدار ساپاراەۆ شۆەيتساريا, حورۆاتيا, يتاليا جانە گەرمانيا سەكىلدى ەلدەردە وتكەن بىرنەشە حالىقارالىق بايقاۋلاردىڭ جۇلدەگەرى اتانىپ ۇلگەرگەن. ءلايلا ەدىلقىزى, «ەگەمەن قازاقستان»