مىسىعى بارلار مۇڭايعىش بولادى

Facebook قولدانۋشىلاردىڭ اراسىندا زەرتتەۋ جۇرگىزگەن امەريكالىق عالىمدار ۇيىندە مىسىعى بار ادامدار باسقالارمەن سالىستىرعاندا مۇڭايعىش بولاتىنىنا, ءجيى جابىرقاپ جۇرەتىنىنە كوز جەتكىزىپتى. 1 600 ادامنىڭ الەۋمەتتىك جەلىدەگى اككاۋنتىنا تالداۋ جاساعان عالىمداردىڭ پايىمداۋىنشا, مىسىق اسىرايتىن ادامداردىڭ كوپشىلىگى جالعىزباستى بولىپ كەلەدى. كەرىسىنشە, ۇنەمى كوڭىلدى جۇرەتىن, دوستارى, تۋىستارى كوپ ادامداردىڭ كوبى يت اسىرايتىن بولىپ شىققان. – مىسىق اسىرايتىندار الەۋمەتتىك جەلىدە كو­ڭىلسىز, نەگاتيۆكە تولى جازبالاردى ءجيى جازاتىنىن باي­قادىق. ءيتتى جاقسى كورەتىندەردىڭ جازباسىنا قا­راساڭىز, ولاردىڭ وزدەرىنە سەنىمدى, ومىرگە ءدان ريزا ەكەنى كورىنىپ تۇرادى, – دەيدى زەرتتەۋشىلەر. تاعى ءبىر ايتا كەتەرلىگى, مىسىق اسىرايتىنداردى قوناققا سيرەك شاقىرادى ەكەن. سول سەبەپتى, ولار ۇيلەرىنەن كوپ شىقپايدى, ءتورت اياقتى سەرىگىن قۇشاقتاپ, ۋاقىتىنىڭ باسىم بولىگىن تەلەديداردىڭ نەمەسە كومپيۋتەردىڭ الدىندا وتكىزەدى. ال يت جەتەكتەگەندەر قوناقتان دا قالمايدى, ەشكىم شاقىرماعاننىڭ وزىندە سەرىگىن جەتەكتەپ الىپ ءوزى سەرۋەندەيدى. ارنۇر اسقار, «ەگەمەن قازاقستان»