جۇمىس تابۋعا جارمەڭكە جاردەمىن تيگىزدى

استاناداعى «جاستار» سارايىندا بوس جۇمىس ورىندارىنىڭ كەزەكتى جارمەڭكەسى ءوتتى. وسى جولعى شارا ءبىلىم بەرۋ سالاسىنا ارنالدى. اتالعان شارا قاتىسقان 50-گە جۋىق جۇمىس بەرۋشى - بالاباقشالار, مەكتەپتەر مەن كوللەدجدەر ءوز ۆاكانسيالارىن ۇسىندى. بۇگىندە استانالىق ءبىلىم بەرۋ مەكەمەلەرى پەداگوگ مامانداردان باستاپ كوشە سىپىرۋشىعا دەيىن ادام ىزدەپ جاتىر. سونىڭ ىشىندە باستاۋىش سىنىپ مۇعالىمدەرى مەن تاربيەشىلەرگە سۇرانىس جوعارى بولىپ تۇر. بۇدان بولەك, پسيxولوگ, دەنەشىنىقتىرۋ, xيميا, بيولوگيا, تاريx, ماتەماتيكا, فيزيكا, العاشقى اسكەري دايىندىق مۇعالىمى, تاربيەشىنىڭ كومەكشىسى, لوگوپەد,  اعىلشىن ءتىلى, ورىس ءتىلى مەن قازاق ءتىلى مۇعالىمدەرىنىڭ بوس ورىندارى بار. جارمەڭكەگە قاتىسقان جۇمىس بەرۋشىلەرىدىڭ ىشىندە استاناداعى نازارباەۆ زياتكەرلىك مەكتەبى دە بولدى. اتالعان ءبىلىم بەرۋ مەكەمەسى دە ءپان مۇعالىمدەرىن ىزدەپ جاتىر. جۇمىسپەن قامتۋ ورتالىعىنىڭ باسشىسى ولجاس وماردىڭ ايتۋىنشا, الداعى ۋاقىتتا تاعى ءۇش جارمەڭكە وتكىزۋ كوزدەلگەن. بۇعان دەيىن بوس جۇمىس ورىندارىنىڭ 8 جارمەڭكەسى ۇيىمداستىرىلعان بولاتىن. سونىڭ قورىتىندىسى بويىنشا 312 ادام جۇمىس تاپتى. دەمەك, ءاربىر جارمەڭكە سايىن 39 ادام جۇمىسقا تۇرىپ جاتىر. «جاڭا وقۋ جىلى قارساڭىندا ءبىز كەزەكتى بوس جۇمىس ورىندارى جارمەڭكەسىن ءبىلىم بەرۋ سالاسىنا ارناۋدى ۇيعاردىق. جالپى, بيىل 12 جارمەڭكە وتكىزۋ جوسپارلانعان. بۇل – توعىزىنشى شارا.  الداعى ۋاقىتتا قالعان ءۇش جارمەڭكە ۇيىمداستىرىلادى»,-دەيدى و.ومار. ارمان اسقار