بيزنەس اشۋعا گرانتتار ۇسىنىلماق

استانادا جاڭا كاسىپ اشقان ازاماتتارعا وتەۋسىز جانە قايتارىمسىز گرانت بەرىلەدى, بۇل جايىندا استانا قالاسى اكىمدىگىنىڭ سايتى حابارلادى. «بيزنەستىڭ جول كارتاسى - 2020» بيزنەستى قولداۋ مەن دامىتۋدىڭ بىرىڭعاي باعدارلاماسى اياسىندا جەكە كاسىپ اشىپ, گرانتقا يە بولۋعا تاعى ءبىر مۇمكىندىك اشىلدى. اشىق كونكۋرس اياسىنداعى گرانتتار كاسىپكەرلەرگە, مۇگەدەك جاندارعا جانە 50-دەن اسقان ازاماتتارعا ۇسىنىلادى. وتىنىمدەر 10 تامىزدان -  9 قىركۇيەككە دەيىن استانا قالاسىنىڭ كاسىپكەرلىك جانە ونەركاسىپ باسقارماسىندا قابىلدانادى. مەملەكەتتىك گرانتتار ەكونوميكانىڭ باسىم باعىتتارىندا جاڭا بيزنەس-يدەيالاردى ىسكە اسىرۋ ءۇشىن وتەۋسىز جانە قايتارىمسىز نەگىزدە بەرىلەدى. كاسىپكەر ۇسىنىلىپ وتىرعان گرانت كولەمىنىڭ كەمىندە 10 پايىزى مولشەرىندە جوبانى بىرگە قارجىلاندىرۋى ءتيىس بولادى. گرانت قاراجاتىن نەگىزگى قۇرالدار مەن ماتەريالداردى, ماتەريالدىق ەمەس اكتيۆتەردى, تەحنولوگيالاردى, فرانشيزاعا قۇقىقتاردى ساتىپ الۋعا, سونداي-اق زەرتتەۋ جۇمىستارىمەن جانە  جاڭا تەحنولوگيالاردى ەنگىزۋمەن بايلانىستى شىعىندارعا جۇمسالىنادى. كاسىپكەر گرانتتى جىلجىمايتىن م ۇلىك, جەر ۋچاسكەسى جانە جالعا الۋ ءۇشىن تولەم رەتىندە پايدالانا المايدى. ءبىر كاسىپكەر ءۇشىن گرانتتىڭ ەڭ جوعارعى سوماسى 3 ميلليون تەڭگە. سونىمەن قاتار كاسىپكەر العان قارجىنى يگەرىپ, جاڭا جۇمىس ورنىن قۇرۋى ءتيىس. ايمان مۇقىشەۆا