ۇكىمەت باسشىسى ەاەو كەڭەسىنە قاتىسۋ ءۇشىن سوچيگە باردى

پرەمەر-مينيستر ەۋرازيالىق ەكونوميكالىق كەڭەس باسشىلارىنىڭ وتىرىسىنا قاتىسادى, دەپ حابارلادى pm.kz سوچيدە كەڭەس وتكىزۋ تۋرالى شەشىم ساۋدا, كەدەندىك ىنتىماقتاستىق, ەكونوميكا جانە قارجى ساياساتى, ەنەرگەتيكا جانە ينفراقۇرىلىم سالالارىنداعى ءوزارا ارەكەتتەستىك ماسەلەلەرى تۋرالى 2016 جىلدىڭ مامىر ايىندا وتكەن ەۋرازيالىق ۇكىمەتارالىق كەڭەس وتىرىسىندا قابىلداندى. ەۋرازيالىق ەكونوميكالىق وداق ەلدەرىنىڭ ۇكىمەت باسشىلارىنىڭ الدا وتەتىن كەڭەسىندە ەكونوميكالىق ينتەگراتسيانىڭ ماڭىزدى ماسەلەلەرى قاراستىرىلادى, سونىڭ ىشىندە ەاەو كەدەن كودەكسىن قابىلداۋدىڭ سوڭعى مەرزىمدەرى تۋرالى ماسەلە شەشىلەدى دەپ جوسپارلانۋدا. وتىرسىتا ەۋرازيالىق ەكونوميكالىق كەڭەس اۋماعىندا تاۋارلاردىڭ تاسىمالدانۋى, سونداي-اق ءدارى-دارمەكتەر اينالىمىن باقىلاۋ ماسەلەلەرى قاراستىرادى. قازاقستاننىڭ دۇنيەجۇزىلىك ساۋدا ۇيىمىنا قوسىلۋىنا بايلانىستى ەاەو كەدەندىك اۋماعىنداعى تاۋار اينالىمى ماسەلەلەرىنە ەرەكشە كوڭىل بولىنەدى. ايدار ورىسباەۆ