قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى  №261

2016 جىلعى 8 ءساۋىر, استانا قالاسى «بالالارعا ارنالعان قوسىمشا ءبىلىم بەرۋ ۇيىمدارى تۇرلەرى قىزمەتىنىڭ ۇلگىلىك قاعيدالارىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2013 جىلعى 14 ماۋسىمداعى № 228 بۇيرىعىنا وزگەرىستەر ەنگىزۋ تۋرالى «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 5-بابىنىڭ 44-5) تارماقشاسىنا سايكەستەندىرۋ ماقساتىندا بۇيىرامىن: 1. «بالالارعا ارنالعان قوسىمشا ءبىلىم بەرۋ ۇيىمدارى تۇرلەرى قىزمەتىنىڭ ۇلگىلىك قاعيدالارىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2013 جىلعى 14 ماۋسىمداعى № 228 بۇيرىعىنا (بۇدان ءارى - قاعيدا) (قازاقستان رەسپۋبليكاسىنىڭ نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 8565 بولىپ تىركەلگەن, «ەگەمەن قازاقستان» گازەتىنىڭ 2013 جىلعى 21 تامىزداعى № 194 (28133) سانىندا جاريالانعان) مىناداي وزگەرىستەر ەنگىزىلسىن: كورسەتىلگەن بۇيرىقپەن بەكىتىلگەن بالالارعا ارنالعان قوسىمشا ءبىلىم بەرۋ ۇيىمدارى تۇرلەرى قىزمەتىنىڭ ۇلگىلىك قاعيدالارىندا: 2-تارماق مىناداي رەداكتسيادا جازىلسىن: «2. بالالارعا ارنالعان قوسىمشا ءبىلىم بەرۋ ۇيىمى – ءبىلىم الۋشىلاردىڭ, ونىڭ ىشىندە ەرەكشە ءبىلىم بەرۋ قاجەتتىلىگى بار بالالاردىڭ جەكە ادامنىڭ, قوعام مەن مەملەكەت مۇددەسىندەگى ءبىلىم بەرۋ جانە مادەني قاجەتتىلىكتەرىن قاناعاتتاندىرۋ ماقساتىندا قوسىمشا ءبىلىم بەرۋدىڭ ءبىلىم بەرۋ باعدارلامالارىن ىسكە اسىراتىن ءبىلىم بەرۋ ۇيىمى.»; 13 جانە14-تارماقتار مىناداي رەداكتسيادا جازىلسىن: «13. بالالار مۋزىكا مەكتەپتەرىندەگى, بالالار كوركەمونەر مەكتەپتەرىندەگى جانە بالالار ونەر مەكتەپتەرىندەگى ءبىلىم بەرۋ پروتسەسى «ءبىلىم تۋرالى» زاڭنىڭ 5- بابىنىڭ 7-1) تارماقشاسىنا سايكەس ءبىلىم بەرۋ سالاسىنداعى ۋاكىلەتتى ورگان بەكىتكەن ۇلگىلىك وقۋ جوسپارلارى مەن ءبىلىم بەرۋ باعدارلامالارى بويىنشا جۇرگىزىلەدى. 14. ساباق كەستەسىن بالالارعا ارنالعان قوسىمشا ءبىلىم بەرۋ ۇيىمىنىڭ اكىمشىلىگى ءبىلىم الۋشىلارعا قولايلى جاعداي جاساۋدى, ولاردىڭ جاس ەرەكشەلىكتەرىن, اتا-انالارىنىڭ قالاۋىن ەسكەرىپ, “حالىق دەنساۋلىعى جانە دەنساۋلىق ساقتاۋ جۇيەسى تۋرالى’’ 2009 جىلعى 18 قىركۇيەكتەگى قازاقستان رەسپۋبليكاسى كودەكسىنىڭ 144-بابىنىڭ 6-تارماعىنا سايكەس حالىقتىڭ سانيتاريالىق-ەپيدەميولوگيالىق سالاماتتىلىعى سالاسىنداعى مەملەكەتتىك ورگان بەكىتكەن ءبىلىم بەرۋ وبەكتىلەرىنە قويىلاتىن سانيتاريالىق-ەپيدەميولوگيالىق تالاپتارعا سايكەس جاسايدى جانە بەكىتەدى.»; 17 جانە 18-تارماقتار مىناداي رەداكتسيادا جازىلسىن: «17. قوسىمشا ءبىلىمنىڭ ءبىلىم بەرۋ باعدارلامالارىن ىسكە اسىراتىن بىرلەستىكتەردە وقۋ-تاربيە پروتسەسىن ۇيىمداستىرۋدىڭ نەگىزگى نىسانى ءبىر تاقىرىپتىق باعىتتاعى نەمەسە كەشەندى, كىرىكتىرىلگەن باعدارلامالار بويىنشا ساباقتار بولىپ تابىلادى. ساباقتار قوسىمشا ءبىلىمنىڭ ءبىلىم بەرۋ باعدارلامالارىنىڭ تالاپتارىنا قاراي وقۋ جىلى بويىنا نەمەسە قىسقا مەرزىمگە ۇيىمداستىرىلادى. 18. ساباقتار قوسىمشا ءبىلىمنىڭ ءبىلىم بەرۋ باعدارلاماسىنا سايكەس توپپەن, جەكە نەمەسە بىرلەستىكتىڭ تولىق قۇرامىمەن جۇرگىزىلەدى. ءبىرىنشى وقۋ جىلىندا ءاربىر توپتاعى بالالار سانى 10-نان 15-كە دەيىن, ەكىنشى جانە كەلەسى جىلدارى 8-دەن 12-گە دەيىن, سىناق جانە زەرتتەۋ توپتارىندا 6-دان 8-گە دەيىن بولۋى ءتيىس.»; 20-تارماق مىناداي رەداكتسيادا جازىلسىن: «20. ەرەكشە ءبىلىم بەرۋ قاجەتتىلىگى بار بالالاردى وقىتۋ بارىسىندا توپتىڭ قۇرامى 3-6 ادامدى قۇرايدى.»; 27-تارماق مىناداي رەداكتسيادا جازىلسىن: «27. بالالارعا ارنالعان قوسىمشا ءبىلىم بەرۋ ۇيىمدارى ءبىلىم الۋشىلاردىڭ دارىنىن جانە كاسىپتىك باعدارلانۋىن دامىتۋ ماقساتىندا عىلىمي, زەرتتەۋ ۇيىمدارىمەن بىرلەسىپ جۇمىس جۇرگىزەدى, زاڭناماعا سايكەس ەكسپەريمەنتتىك, عىلىمي-زەرتتەۋ, شىعارماشىلىق جۇمىستار جۇرگىزۋ ءۇشىن ولاردىڭ بازاسىندا ءبىلىم الۋشىلاردىڭ عىلىمي بىرلەستىكتەرىن, زەرتحانالارىن قۇرادى. ەكسپەريمەنتتىك جانە زەرتتەۋ توپتارى وبلىستىق قوسىمشا ءبىلىم بەرۋ ۇيىمدارىندا دا اشىلادى.»; 30-تارماقتىڭ ءبىرىنشى بولىگى مىناداي رەداكتسيادا جازىلسىن: «30. بالالار مۋزىكا مەكتەپتەرىندە, بالالار شىعارماشىلىق مەكتەپتەرىندە جانە ونەر مەكتەپتەرىندە قوسىمشا ءبىلىمنىڭ ءبىلىم بەرۋ باعدارلامالارىن يگەرۋ قورىتىندى مەملەكەتتىك اتتەستاتتاۋمەن اياقتالادى.». 2. مەكتەپكە دەيىنگى جانە ورتا ءبىلىم, اقپاراتتىق تەحنولوگيالار دەپارتامەنتى (ج.ا. جونتاەۆا) زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىقتى مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن «ادىلەت» اقپاراتتىق-قۇقىقتىق جۇيەسىندە جانە مەرزىمدى باسپا باسىلىمدارىندا رەسمي جاريالاۋ ءۇشىن ەلەكتروندىق تاسىمالداعىشتا ەلتاڭبالى مورمەن كۋالاندىرىلعان قاعاز داناسىن قوسا بەرە وتىرىپ جولداۋدى; 3) تىركەلگەن وسى بۇيرىقتى العان كۇننەن باستاپ بەس جۇمىس كۇنى ىشىندە ونىڭ قازاقستان رەسپۋبليكاسى ءبىلىم جانە عىلىم مينيسترلىگىنىڭ مورىمەن راستالعان جانە وسى بۇيرىققا قول قويۋعا ۋاكىلەتتى ادامنىڭ ەلەكتروندىق تسيفرلىق قولتاڭباسىمەن كۋالاندىرىلعان باسپا جانە ەلەكتروندىق تۇردەگى كوشىرمەلەرىن قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋ ءۇشىن جولداۋدى; 4) وسى بۇيرىقتى قازاقستان رەسپۋبليكاسى ءبىلىم جانە عىلىم مينيسترلىگىنىڭ رەسمي ينتەرنەت-رەسۋرسىندا ورنالاستىرۋدى; 5) قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن ون جۇمىس كۇنى ىشىندە قازاقستان رەسپۋبليكاسى ءبىلىم جانە عىلىم مينيسترلىگىنىڭ زاڭ دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتى وبلىستاردىڭ, استانا جانە الماتى قالالارىنىڭ ءبىلىم باسقارمالارى ءبىلىم بەرۋ ۇيىمدارىنىڭ نازارىنا جەتكىزسىن. 4. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ءبىلىم جانە عىلىم ۆيتسە-مينيسترىنە جۇكتەلسىن. 5. وسى بۇيرىق العاشقى رەسمي جاريالانعاننان كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ءبىلىم جانە عىلىم ءمينيسترى ە.ساعاديەۆ بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 12 مامىردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13700 بولىپ ەنگىزىلدى.