قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى №99 

2016 جىلعى 29 قاڭتار, استانا قالاسى عىلىمي جانە (نەمەسە) عىلىمي-تەحنيكالىق قىزمەت سۋبەكتىلەرىن بازالىق قارجىلاندىرۋ بويىنشا بولىنەتىن بيۋدجەتتىك باعدارلامالاردى ءبولۋ قاعيدالارىن بەكىتۋ تۋرالى قازاقستان رەسپۋبليكاسى بيۋدجەت كودەكسىنىڭ 33-بابىنىڭ 3-تارماعىنا سايكەس بۇيىرامىن: 1. قوسا بەرىلىپ وتىرعان بيۋدجەتتىك قاراجاتتى ءبولۋ باعدارلاماسى بويىنشا عىلىمي جانە (نەمەسە) عىلىمي-تەحنيكالىق قىزمەت سۋبەكتىلەرىن بازالىق قارجىلاندىرۋ بويىنشا قاراجاتتى ءبولۋ ەرەجەلەرى بەكىتىلسىن. 2. قازاقستان رەسپۋبليكاسى ءبىلىم جانە عىلىم مينيسترلىگىنىڭ عىلىم كوميتەتى (س.ە.جولداسباەۆ) زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسى ادىلەت مينيسترلىگىنە مەملەكەتتىك تىركەۋگە ەنگىزۋدى; 2) وسى بۇيرىقتىڭ كوشىرمەسىن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىنا جانە «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا, سونداي-اق ونى العاننان كەيىن بەس جۇمىس كۇنى ىشىندە قازاقستان رەسپۋبليكاسىنىڭ نورماتيۆتىك-قۇقىقتىق اكتىلەرىنىڭ ەتالوندىق باقىلاۋ بانكىنە ورنالاستىرۋ ءۇشىن «قازاقستان رەسپۋبليكاسى ادىلەت مينيسترلىگى رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جولداۋدى; 3) وسى بۇيرىق قازاقستان رەسپۋبليكاسى ءبىلىم جانە عىلىم مينيسترلىگىنىڭ ينتەرنەت-رەسۋرسىنا ورنالاستىرۋدى; 4) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن بەس جۇمىس كۇنى ىشىندە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ءبىلىم جانە عىلىم مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ءبىلىم جانە عىلىم ۆيتسە-ءمينيسترى ت.و.بالىقباەۆقا جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن بەس جۇمىس كۇنى وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ءبىلىم جانە عىلىم ءمينيسترى ا.ءسارىنجىپوۆ «كەلىسىلدى» قازاقستان رەسپۋبليكاسى قارجى ءمينيسترى ____________ب. سۇلتانوۆ 26 اقپان 2016 جىل قازاقستان رەسپۋبليكاسى ءبىلىم جانە عىلىم ءمينيسترىنىڭ 2016 جىلعى 29 قاڭتارداعى №99 بۇيرىعىمەن بەكىتىلدى عىلىمي جانە (نەمەسە) عىلىمي-تەحنيكالىق قىزمەت سۋبەكتىلەرىن بازالىق قارجىلاندىرۋ بويىنشا بولىنەتىن بيۋدجەتتىك باعدارلامالاردى ءبولۋ قاعيدالارى 1. جالپى ەرەجەلەر 1. وسى عىلىمي جانە (نەمەسە) عىلىمي-تەحنيكالىق قىزمەت سۋبەكتىلەرىن بازالىق قارجىلاندىرۋ بويىنشا بولىنەتىن بيۋدجەتتىك باعدارلامالاردى ءبولۋ قاعيدالارى (بۇدان ءارى – قاعيدا) قازاقستان رەسپۋبليكاسى بيۋدجەت كودەكسىنىڭ 33-بابىنىڭ 3-تارماعىنا سايكەس ازىرلەنگەن جانە بيۋدجەتتىك باعدارلامانىڭ ءارتۇرلى اكىمشىلەرىنىڭ اراسىندا عىلىمي جانە (نەمەسە) عىلىمي-تەحنيكالىق قىزمەت سۋبەكتىلەرىن بازالىق قارجىلاندىرۋ بويىنشا بولىنەتىن بيۋدجەتتىك باعدارلامالاردى ءبولۋ ءتارتىبىن ايقىندايدى. 2. عىلىمي جانە (نەمەسە) عىلىمي-تەحنيكالىق قىزمەت سۋبەكتىلەرىن بازالىق قارجىلان­دىرۋ بويىنشا قاراجاتتار 130 «عىلىمي جانە (نەمەسە) عىلىمي-تەحنيكالىق قىزمەت سۋبەكتىلەرىن بازالىق قارجىلاندىرۋ» بولىنەتىن بيۋدجەتتىك قاراجاتتى ءبولۋ باعدارلاماسى ء(ارى قاراي – بولىنەتىن بيۋدجەتتىك باعدارلاما) بويىنشا رەسپۋبليكالىق بيۋدجەتتە كوزدەلەدى. بولىنەتىن بيۋدجەتتىك باعدارلامانىڭ اكىمشىسى قازاقستان رەسپۋبليكاسى ءبىلىم جانە عىلىم مينيسترلىگى (بۇدان ءارى – بولىنەتىن بيۋدجەتتىك باعدارلامانىڭ اكىمشىسى) بولىپ تابىلادى. 3. عىلىمي جانە (نەمەسە) عىلىمي-تەحنيكالىق قىزمەت سۋبەكتىلەرىن بازالىق قارجى­لاندىرۋ بويىنشا بولىنەتىن بيۋدجەتتىك باعدارلاما عىلىمي ينفراقۇرىلىمدى جانە م ۇلىكتى, ونىڭ ىشىندە عيمارات, جابدىق جانە ماتەريالداردى, اكىمشىلىك جانە قىزمەت كورسەتەتىن قىزمەت­كەرلەردىڭ ەڭبەگىنە اقى تولەۋدى, سونداي-اق مەملەكەتتىك عىلىمي ۇيىمداردى, مەملەكەتتىكپەن تەڭەستىرىلگەن عىلىمي ۇيىمداردى, مەملەكەتتىك جوعارى وقۋ ورىندارىنىڭ, داۋىس بەرۋ اكتسيالارىنىڭ (جارعى كاپيتالىنا قاتىسۋ ۇلەستەرى) ەلۋ جانە ودان دا جوعارى پايىزى مەملەكەتكە تيەسىلى جوعارى وقۋ ورىندارىن, سونداي-اق داۋىس بەرۋ اكتسيالارىنىڭ ەلۋ جانە ودان دا جوعارى پايىزى (جارعى كاپيتالىنا قاتىسۋ ۇلەستەرى) تىكەلەي نەمەسە جاناما تۇردە زاڭدى تۇلعالارعا تيەسىلى, داۋىس بەرۋ اكتسيالارىنىڭ ەلۋ جانە ودان دا جوعارى پايىزى (جارعى كاپيتالىنا قاتىسۋ ۇلەستەرى) مەملەكەتكە تيەسىلى جوعارى وقۋ ورىندارىن اعىمداعى قامتاماسىز ەتۋگە ارنالعان بازالىق قارجىلاندىرۋ نورمالارى بويىنشا جۇمسالاتىن شىعىستاردى قامتيدى. 2. بيۋدجەتتىك باعدارلامالاردىڭ ءارتۇرلى اكىمشىلەرى اراسىندا بولىنەتىن بيۋدجەتتىك باعدارلامالاردى ءبولۋ ءتارتىبى 4. بولىنەتىن بيۋدجەتتىك باعدارلاما بويىنشا قاراجاتتى ءبولۋ ءۇشىن رەسپۋبليكالىق بيۋدجەتتىك باعدارلامالار اكىمشىلەرى بولىنەتىن بيۋدجەتتىك باعدارلامالاردىڭ اكىمشىسىنە قازاقستان رەسپۋبليكاسى قارجى مينيسترiنiڭ 2014 جىلعى 24 قاراشاداعى № 511 بۇيرىعىمەن بەكىتىلگەن (نورماتيۆتىك قۇقىقتىق اكتiلەردi مەملەكەتتiك تiركەۋ تىزىلىمىندە № 10007 بولىپ تىركەلگەن) بيۋدجەتتىك ءوتىنىمدى جاساۋ جانە ۇسىنۋ قاعيدالارىنا (بۇدان ءارى – بيۋدجەتتىك ءوتىنىمدى جاساۋ جانە ۇسىنۋ قاعيدالارى) سايكەس بيۋدجەتتىك ءوتىنىم جولدايدى. 5. بولىنەتىن بيۋدجەتتىك باعدارلامانىڭ اكىمشىسى بيۋدجەتتىك ءوتىنىمدى جاساۋ جانە ۇسىنۋ قاعيدالارىنا سايكەس رەسپۋبليكالىق بيۋدجەتتىك كوميسسيانىڭ (بۇدان ءارى – ربك) قاراۋىنا كەيىننەن ەنگىزۋ ءۇشىن بولىنەتىن بيۋدجەتتىك باعدارلاما بويىنشا جيىنتىق بيۋدجەتتىك ءوتىنىمدى بيۋدجەتتىك جوسپارلاۋ جونىندەگى ورتالىق ۋاكىلەتتى ورگانعا جولدايدى. 6. رەسپۋبليكالىق بولىنەتىن بيۋدجەتتىك باعدارلامالارىنىڭ اكىمشىلەرى اراسىندا بولۋگە بولىنەتىن بيۋدجەتتىك باعدارلاما بويىنشا رەسپۋبليكالىق بيۋدجەت تۋرالى زاڭدا كوزدەلگەن بيۋدجەتتىك قاراجاتتار جاتادى. 7. رەسپۋبليكالىق بيۋدجەتتىك باعدارلامالاردىڭ اكىمشىلەرى اراسىندا بولىنەتىن بيۋدجەتتىك باعدارلامالاردىڭ قاراجاتتارىن ءبولۋ بولىنەتىن بيۋدجەتتىك باعدارلاما اكىمشىسىنىڭ بۇيرىعى (بۇدان ءارى – بۇيرىق) نەگىزىندە ربك-نىڭ قورىتىندىسىن ەسكەرە وتىرىپ جۇزەگە اسىرىلادى. 8. بۇيرىقتا رەسپۋبليكالىق بيۋدجەتتىك باعدارلاما اكىمشىلەرىنىڭ اتاۋلارى جانە اعىمداعى قارجى جىلىنا بولىنگەن قارجىلاندىرۋ سومالارى كورسەتىلەدى. 9. بۇيرىق رەسپۋبليكالىق بيۋدجەت تۋرالى زاڭعا قول قويعان كۇننەن باستاپ 15 جۇمىس كۇنى ىشىندە ازىرلەنەدى. 10. رەسپۋبليكالىق بيۋدجەتتى ناقتىلاۋ كەزىندە بولىنەتىن بيۋدجەتتىك باعدارلاما بويىنشا قارجىلاندىرۋ كولەمدەرى وزگەرگەن جاعدايدا بۇيرىققا ءتيىستى وزگەرىستەر ەنگىزىلەدى. 11. عىلىمي جانە (نەمەسە) عىلىمي-تەحنيكالىق قىزمەت سۋبەكتىلەرىن بازالىق قارجىلاندىرۋ بويىنشا قاراجات قارجىلىق جىل ىشىندە پايدالانىلماعان نەمەسە جارتىلاي يگەرىلمەگەن جاعدايدا رەسپۋبليكالىق بيۋدجەتتىك باعدارلاما اكىمشىلەرى بيۋدجەتتىك ءوتىنىمدى جاساۋ جانە ۇسىنۋ قاعيدالارىنا سايكەس رەسپۋبليكالىق بيۋدجەت سوڭعى رەت ناقتىلاعانعا دەيىن بولىنەتىن بيۋدجەتتىك باعدارلامانىڭ اكىمشىسىنە بيۋدجەتتىك ءوتىنىم جولدايدى. 12. بيۋدجەت شىعىندارىنا سەكۆەستر جاساۋ كەزىندە بيۋدجەتتىك باعدارلاما قاراجاتىن قىسقارتۋ رەسپۋبليكالىق بيۋدجەتتىك باعدارلاما اكىمشىلەرىنىڭ بيۋدجەتتىك باعدارلامالارى بويىنشا جۇزەگە اسىرىلادى. 13. بولىنەتىن بيۋدجەتتىك باعدارلامانىڭ تىكەلەي ناتيجەلەرى بولىنەتىن بيۋدجەتتىك باعدارلامانىڭ ەسەبىنەن قاراجات العان رەسپۋبليكالىق بيۋدجەتتىك باعدارلاما اكىمشىسىنىڭ بيۋدجەتتىك باعدارلاماسىندا كورسەتىلەدى. 14. بولىنەتىن بيۋدجەتتىك باعدارلامانىڭ تۇپكىلىكتى ناتيجەلەرى بولىنەتىن بيۋدجەتتىك باعدارلاماسى اكىمشىسىنىڭ بيۋدجەتتىك باعدارلاماسىندا كورىنىس تابادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 5 ناۋرىزدا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13398 بولىپ ەنگىزىلدى.