قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى  №94 

2016 جىلعى 28 قاڭتار,استانا قالاسى وقۋ جەتىستىكتەرىنە سىرتتاي باعالاۋ جۇرگىزۋ قاعيدالارىن بەكىتۋ تۋرالى «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 5-بابىنىڭ 12) تارماقشاسىنا سايكەس بۇيىرامىن: 1. قوسا بەرىلىپ وتىرعان وقۋ جەتىستىكتەرىنە سىرتتاي باعالاۋ جۇرگىزۋ قاعيدالارى بەكىتىلسىن. 2. «وقۋ جەتىستىكتەرىن سىرتتاي باعالاۋ نۇسقاۋلىعىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ مىندەتىن اتقارۋشىنىڭ 2012 جىلعى 6 ساۋىردەگى № 151 بۇيرىعىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە 2012 جىلعى 11 ساۋىردە № 7553 بولىپ تىركەلگەن, «ەگەمەن قازاقستان» 2012 جىلعى 18 ساۋىردەگى گازەتىنىڭ № 162-163 (27237) سانىندا جاريالانعان) كۇشى جويىلدى دەپ تانىلسىن. 3. ءبىلىم جانە عىلىم سالاسىنداعى باقىلاۋ كوميتەتى (س.ن. ءنۇسىپوۆ) بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىقتىڭ كوشىرمەسىن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن ون كۇنتىزبەلىك كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا, سونداي-اق قازاقستان رەسپۋبليكاسىنىڭ نورماتيۆتiك قۇقىقتىق اكتiلەرiنiڭ ەتالوندىق باقىلاۋ بانكiندە ورنالاستىرۋ ءۇشىن «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جولداۋدى; 3) وسى بۇيرىقتى قازاقستان رەسپۋبليكاسى ءبىلىم جانە عىلىم مينيسترلىگىنىڭ ينتەرنەت-رەسۋرسىنا ورنالاستىرۋدى; 4) قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن ون جۇمىس كۇن ىشىندە قازاقستان رەسپۋبليكاسى ءبىلىم جانە عىلىم مينيسترلىگىنىڭ زاڭ دەپارتامەنتىنە وسى 2-تارماقتىڭ 1), 2), 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 4. وسى بۇيرىقتىڭ ورىندالۋىن باقىلاۋ ءبىلىم جانە عىلىم سالاسىنداعى باقىلاۋ كوميتەتىنىڭ توراعاسى س.ن. نۇسىپوۆكە جۇكتەلسىن. 5. وسى بۇيرىق العاشقى رەت رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى ءبىلىم جانە عىلىم ءمينيسترى ا. ءسارىنجىپوۆ قازاقستان رەسپۋبليكاسى ءبىلىم جانە عىلىم ءمينيسترىنىڭ 2016 جىلعى 28 قاڭتارداعى №94 بۇيرىعىمەن بەكىتىلگەن وقۋ جەتىستىكتەرىنە سىرتتاي باعالاۋ جۇرگىزۋ قاعيدالارى 1. جالپى ەرەجەلەر 1. وسى قاعيدالار «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ (بۇدان ءارى - زاڭ) 5-بابىنىڭ 12) تارماقشاسىنا سايكەس ازىرلەندى جانە ورتا جانە جوعارى ءبىلىم بەرۋ ۇيىمدارىندا وقۋ جەتىستىكتەرىنە سىرتتاي باعالاۋ (بۇدان ءارى - وجسب) ۇيىمداستىرۋ جانە جۇرگىزۋ ءتارتىبىن: 1) باستاۋىش مەكتەپتە – وقۋ جەتىستىكتەرىن مونيتورينگتەۋ ماقساتىندا ىرىكتەلىپ; 2) نەگىزگى مەكتەپتە – وقۋ جەتىستىكتەرىن مونيتورينگتەۋ جانە وقۋ پروتسەسىن ۇيىمداستىرۋدىڭ تيىمدىلىگىن باعالاۋ ماقساتىندا ىرىكتەلىپ; 3) جالپى ورتا مەكتەپتە – وقۋ جەتىستىكتەرىنىڭ دەڭگەيىن باعالاۋ ماقساتىندا; 4) جوعارى ءبىلىم بەرۋدە – وقىتۋ باعىتتارى بويىنشا وقۋ باعدارلاماسىن يگەرۋدى مونيتورينگتەۋ ماقساتىندا ىرىكتەلىپ ايقىندايدى. 2. وسى قاعيدالاردا مىناداي ۇعىم پايدالانىلادى: 1) تەست سپەتسيفيكاتسياسى – بۇل تەستتىڭ جالپى سيپاتتاماسى, تاپسىرمانىڭ سانى مەن مازمۇنى, بەلگىلەنگەن ەمتيحان ءۇشىن ناقتى ءپان بويىنشا تەستىلەۋدىڭ ۋاقىتى سيپاتتالعان قۇجات. 3. قاعيدالار مەنشىك نىساندارى مەن ۆەدومستۆولىق باعىنىستىلىعىنا, ۇلگىلەرى مەن تۇرلەرىنە قاراماستان ورتا جانە جوعارى ءبىلىم بەرۋ ۇيىمدارىنا تاراتىلادى. 4. ورتا جانە جوعارى ءبىلىم بەرۋ ۇيىمدارىنداعى وجسب-نىڭ مىندەتتەرى: 1) ءبىلىم الۋشىلاردىڭ ءبىلىم ساپاسىنىڭ مەملەكەتتىك جالپىعا مىندەتتى ءبىلىم بەرۋدىڭ ستاندارتتارى تالاپتارىنا سايكەستىگىن ايقىنداۋ; 2) وقۋ پروتسەسىن ۇيىمداستىرۋدىڭ تيىمدىلىگىن باعالاۋ; 3) ءبىلىم بەرۋ ۇيىمدارى كورسەتەتىن ءبىلىم بەرۋ قىزمەتىنىڭ ساپاسىنا سالىستىرمالى تالداۋ جاساۋ بولىپ تابىلادى. 5. وجسب ناتيجەلەرىن رەيتينگتىك زەرتتەۋلەر جۇرگىزەتىن ۇيىمدار پايدالانۋى مۇمكىن جانە قازاقستان رەسپۋبليكاسىنداعى ءبىلىم بەرۋ جۇيەسىنىڭ جاعدايى مەن دامۋى تۋرالى ۇلتتىق بايانداماعا ەنگىزىلەدى. 6. تەستىلەۋ وقىتۋ تىلىندە وتەدى. 7. وجسب جۇرگىزىلەتىن ورتا ءبىلىم بەرۋ ۇيىمدارىنىڭ جانە جوعارى ءبىلىمدى ماماندىقتاردىڭ جانە جوعارى وقۋ ورىندارىنىڭ (بۇدان ءارى – بازالىق جوو) تىزبەسىن زاڭنىڭ 55-بابىنىڭ 6-تارماعىنا سايكەس ءبىلىم بەرۋ سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) جىل سايىن ايقىندايدى. 8. تاپسىرمالار سانى مەن مازمۇنى, سونداي-اق تەستىلەۋگە بولىنەتىن ساعات سانى ءار ءپان بويىنشا تەستتىڭ سپەتسيفيكاتسياسىنا سايكەس ايقىندالادى. تەست سپەتسيفيكاتسياسىن ۋاكىلەتتى ورگان ازىرلەپ بەكىتەدى. 9. ءبىلىم بەرۋ ۇيىمدارىندا وجسب-نى وتكىزۋ قاعيدالارىنىڭ ساقتالۋىن باقىلاۋدى قازاقستان رەسپۋبليكاسى ءبىلىم جانە عىلىم مينيسترلىگىنىڭ (بۇدان ءارى - مينيسترلىك) جانە مينيسترلىكتىڭ ءبىلىم جانە عىلىم سالاسىنداعى باقىلاۋ كوميتەتىنىڭ ءبىلىم سالاسىنداعى باقىلاۋ دەپارتامەنتتەرىنىڭ ۋاكىلەتتى وكىلدەرى (بۇدان ءارى - بسبد) جۇزەگە اسىرادى. 10. مينيسترلىكتىڭ جانە بسبد-نىڭ ۋاكىلەتتى وكىلدەرى: 1) وجسب-نى وتكىزۋ جونىندەگى ۇيىمداستىرۋ جۇمىسىن; 2) وجسب ماسەلەلەرى جونىندەگى ءبىلىم الۋشىلاردىڭ اراسىندا اقپاراتتىق-تۇسىندىرمە جۇمىسىن; 3) وجسب وتكىزۋ كەزىندە مەتالل ىزدەگىشتەردى, موبيلدىك قۇرىلعىلاردىڭ دىبىسىن باساتىن قوندىرعىلاردى جانە بەينەباقىلۋىشتى پايدالانۋ جۇمىسىن ۇيلەستىرەدى. 11. وجسب وتكىزۋ كەزىندە مينيسترلىكتىڭ جانە بسبد-نىڭ ۋاكىلەتتى وكىلدەرى ءبىلىم الۋشىلارمەن تەستىلەۋ ماتەريالدارىن تولتىرۋ جانە ءراسىمدى وتكىزۋ ءتارتىبىن ءتۇسىندىرۋ جۇمىسىن جۇرگىزەدى. تەستىلەنۋشىلەرگە: 1) ءبىر ورىننان ەكىنشى ورىنعا اۋىسۋعا; 2) مينيسترلىكتىڭ جانە بسبد-نىڭ ۋاكىلەتتى وكىلدەرىنىڭ رۇقساتىنسىز تەستىلەۋ ماتەريالدارىن اشۋعا; 3) تەستىلەۋ ماتەريالدارىن باسقا وقۋشىنىڭ ماتەريالدارىمەن ايىرباستاۋعا; 4) كالكۋلياتوردى, انىقتامالىق ادەبيەتتەردى (مەندەلەەۆ جانە تۇزداردىڭ ەرىگىشتىگى كەستەسىنەن باسقاسىن), ەلەكتروندىق جازبا كىتاپشالارىن, تۇزەتۋ سۇيىقتىعىن جانە موبيلدىك بايلانىس قۇرالدارىن پايدالانۋعا; 5) باسقا ءبىلىم الۋشىلارمەن سويلەسۋگە جانە كوشىرۋگە, شپارگالكا جانە باسقا دا انىقتامالىق ماتەريالداردى قولدانۋعا; 6) مينيسترلىكتىڭ جانە بسبد ۋاكىلەتتى وكىلدەرىنىڭ رۇقساتىنسىز اۋديتوريادان شىعۋعا رۇقسات ەتىلمەيدى. تەستىلەۋگە كىرگىزۋ بارىسىندا بوگدە ادامدى انىقتاعان جاعدايدا مينيسترلىكتىڭ جانە بسبد-نىڭ ۋاكىلەتتى وكىلدەرى بىرلەسىپ, بوگدە ادامنىڭ قاتىسۋىمەن ءتيىستى اكتىنى جاسايدى, بوگدە ادام مەن ءبىلىم الۋشىنىڭ ءوزى تەستىلەۋگە جىبەرىلمەيدى, ناتيجەلەرى جويىلادى; تەستىلەنۋشى وسى قاعيدانى بۇزعان جاعدايدا مينيسترلىكتىڭ جانە بسبد-نىڭ ۋاكىلەتتى وكىلى تەستىلەنۋشىنى اۋديتوريادان شىعارۋ تۋرالى شەشىم شىعارىپ, تەستىلەۋ ناتيجەلەرىن جويادى. 12. وجسب وتكىزۋ كەزىندە جەرگىلىكتى اتقارۋشى ورگاندار مەن بازالىق جوو-لاردىڭ رەكتورلارى: 1) وجسب ماسەلەلەرى بويىنشا جۇرتشىلىق اراسىندا اقپاراتتىق-تۇسىندىرمە جۇمىسىن جۇرگىزەدى; 2) مەديتسينالىق پەرسونال جۇمىسىن قامتاماسىز ەتەدى; 3) ەلەكترمەن جابدىقتاۋدىڭ جانە تەلەكوممۋنيكاتسيانىڭ ۇزدىكسىز جۇمىس ىستەۋىن ۇيىمداستىرۋدى قامتاماسىز ەتەدى; 4) كەزەكشىلەر قۇرامىن قالىپتاستىرادى; 5) كەزەكشىلەردىڭ تەستىلەۋگە كەلۋىن قامتاماسىز ەتەدى; 6) قوعامدىق ءتارتىپ كۇزەتىن, تەستىلەۋگە جىبەرۋ كەزىندە مەتالل ىزدەگىشتەردى, ۇيالى تەلەفون دىبىسىن باساتىن قوندىرعىلاردى جانە بەينەباقىلۋىشتى قولدانۋدى ۇيىمداستىرادى; 7) وجسب وتەتىن مەكەمەنى تەستىلەۋ باستالعانشا جارىلعىش زاتتاردىڭ بار-جوعىن انىقتاۋ ءۇشىن تەكسەرۋدى جۇزەگە اسىرادى; 8) مينيسترلىك وكىلدەرىنىڭ جۇمىسى ءۇشىن جاعداي جاسايدى; 9) تەستىلەۋ باستالعانعا دەيىن سانيتاريالىق-گيگيەنالىق نورمالاردىڭ ساقتالۋىنا, تىيىم سالىنعان زاتتاردىڭ (اقپاراتتىق جانە انىقتامالىق ماتەريالدار, ەلەكتروندىق كىتاپشالار, كالكۋلياتورلار, ءموبيلدى قۇرىلعىلار مەن فوتواپپاراتتار) بارلىعىنا (جوقتىعىنا) تەستىلەۋگە ارنالعان جاعداي جاسايدى; مينيسترلىكتىڭ جانە بسبد-نىڭ ۋاكىلەتتى وكىلدەرى بىرلەسىپ مۇگەدەك بىتىرۋشىلەر, دامۋ مۇمكىندىكتەرى شەكتەۋلى, كورۋ قابىلەتى ناشار (كورمەيتىن, ناشار كورەتىن), ەستۋ قابىلەتى ناشار (ەستىمەيتىن, ناشار ەستيتىن), وزدىگىنەن ءجۇرىپ-تۇرۋ فۋنكتسياسى بۇزىلعان مۇگەدەكتەر جانە قانت ديابەتىمەن اۋراتىن بىتىرۋشىلەر ءۇشىن جەكە اۋديتوريا ءبولۋ تۋرالى شەشىم قابىلدايدى. 2. جالپى ورتا ءبىلىم بەرۋ ۇيىمدارىندا وجسب-نى جۇرگىزۋ ءتارتىبى 13. جالپى ورتا ءبىلىم بەرۋ ۇيىمدارىندا وجسب 4, 9-سىنىپتاردا جۇرگىزىلەدى. 14. وجسب تەستىلەنۋشىلەر ءبىلىم الىپ جاتقان ءبىلىم بەرۋ ۇيىمدارىنىڭ بازاسىندا جۇرگىزىلەدى. 15. وجسب قاعاز تاسىمالداعىشتى, قازىرگى زامانعى اقپاراتتىق تەحنولوگيالاردى قولدانا وتىرىپ كەشەندى تەستىلەۋ نىسانىندا جۇرگىزىلەدى. 16. جالپى ورتا ءبىلىم بەرۋ ۇيىمدارىنداعى وجسب-نى جۇرگىزۋ ءۇشىن تاپسىرمالار جالپى ءبىلىم بەرەتىن وقۋ باعدارلامالارىنىڭ نەگىزىندە ازىرلەنەدى, ولاردىڭ مازمۇنى كورسەتىلگەن باعدارلامالاردىڭ شەڭبەرىنەن شىقپاۋى ءتيىس. ءبىلىم الۋشىلاردىڭ پاندىك بىلىمدەرى مەن فۋنكتسيونالدىق ساۋاتتىلىقتارى: ماتەماتيكالىق ساۋاتتىلىق, وقۋ ساۋاتتىلىعى, عىلىمي-جاراتىلىستانۋ ساۋاتتىلىعى, اقپاراتتىق-كوممۋنيكاتسيالىق ساۋاتتىلىعى باعالانادى. 17. وجسب 4-سىنىپتاردا 2 ءپان: ماتەماتيكا جانە ادەبيەتتىك وقۋ بويىنشا جۇرگىزىلەدى. 18. وجسب 9-سىنىپتاردا قازاق ءتىلى جانە باسقا جالپىعا مىندەتتى پاندەر بويىنشا جۇرگىزىلەدى, ونىڭ تىزبەسى مەن سانىن جىل سايىن ۋاكىلەتتى ورگان ايقىندايدى. 19. وجسب 11-سىنىپتاردا ۇلتتىق بىرىڭعاي تەستىلەۋ تۇرىندە 5 ءپان بويىنشا جۇرگىزىلەدى. 20. وجسب شەڭبەرىندە ءبىلىم الۋشىلاردىڭ ءبىلىم ساپاسىنا ىقپال ەتۋشى فاكتورلاردى انىقتاۋ ماقساتىندا مەكتەپ اكىمشىلىگى جانە مۇعالىمدەرى, وقۋشىلارى اراسىندا ساۋالناما جۇرگىزىلەدى. 21. وجسب ناتيجەلەرى ءبىلىم بەرۋ ۇيىمدارىنىڭ نازارىنا تەستىلەۋ اياقتالعاننان كەيىن كۇنتىزبەلىك 3 كۇن ىشىندە جەتكىزىلەدى. 22. وجسب-نىڭ ناتيجەلەرىن وڭدەۋ مينيسترلىكتىڭ «ۇلتتىق بىرىڭعاي تەستىلەۋ ورتالىعى» رمقك-نىڭ فيليالدارىندا جۇرگىزىلەدى. 3. جوعارى ءبىلىم بەرۋ ۇيىمدارىندا وجسب-نى جۇرگىزۋ 23. جوعارى ءبىلىم بەرۋدىڭ كاسىپتىك وقۋ باعدارلامالارىن ىسكە اسىراتىن ءبىلىم بەرۋ ۇيىمدارىندا وجسب وقۋدىڭ بارلىق نىسانىنداعى سوڭعى كۋرس ستۋدەنتتەرى ءۇشىن جۇرگىزىلەدى. 24. جوعارى ءبىلىم بەرۋ ۇيىمدارىندا وجسب وتكىزۋ ءۇشىن ماماندىقتار بويىنشا ۇلگىلىك وقۋ جوسپارلارىندا قاراستىرىلعان پاندەر بويىنشا تەست تاپسىرمالارى پايدالانىلادى. 25. جوعارى ءبىلىم بەرۋ ۇيىمدارىندا وجسب 4 ءپان: ەكى - بازالىق, ەكى - بەيىندى بويىنشا جۇرگىزىلەدى. 26. ءبىلىم بەرۋ ۇيىمىنىڭ ءبىلىم الۋشىسى تەستىلەۋگە كەلگەندە رۇقسات قاعازى جانە جەكە كۋالاندىراتىن قۇجاتى وزىمەن بىرگە بولۋى ءتيىس. 27. وجسب تەستىلەۋگە جاتاتىن قاتىسۋشى ءبىلىم الۋشىلار كونتينگەنتى قۇرامىنىڭ 100 پايىز قاتىسۋشى بولعاندا جۇرگىزىلەدى. 28. وجسب قورىتىندىلارىن وڭدەۋ بازالىق جوعارى وقۋ ورىندارىندا جۇرگىزىلەدى. 29. جوعارى ءبىلىم بەرۋ ۇيىمدارىنداعى وجسب ناتيجەلەرى ءبىلىم الۋشىلاردىڭ نازارىنا تەستىلەۋ اياقتالعاننان كەيىن 24 ساعات ىشىندە جەتكىزىلەدى. 30. وجسب قورىتىندىلارى تۋرالى اقپارات ۋاكىلەتتى ورگاننىڭ ينتەرنەت-رەسۋرسىندا ورنالاستىرىلادى. 31. وجسب ناتيجەلەرىن ۋاكىلەتتى ورگان ءبىلىم بەرۋ سالاسىنداعى زاڭنامانى قاداعالاۋ بارىسىندا جۇرگىزىلگەن تەكسەرۋ كەزىندە تاۋەكەلدەردى باعالاۋ جۇيەسىنىڭ ولشەمشارتى رەتىندە پايدالانادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 26 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13287 بولىپ ەنگىزىلدى.