قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى  №45 

2016 جىلعى 19 قاڭتار, استانا قالاسى جالپى ءبىلىم بەرەتىن پاندەر بويىنشا حالىقارالىق وليمپيادالار مەن عىلىمي جوبالار كونكۋرستارىنا (عىلىمي جارىستارعا) قاتىسۋشىلار قۇرامىن قالىپتاستىرۋ قاعيدالارىن بەكىتۋ تۋرالى «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 5-بابىنىڭ 29-2) تارماقشاسىنا سايكەس بۇيىرامىن: 1. قوسا بەرىلىپ وتىرعان جالپى ءبىلىم بەرەتىن پاندەر بويىنشا حالىقارالىق وليمپيادالارعا مەن عىلىمي جوبالار كونكۋرستارىنا (عىلىمي جارىستارعا) قاتىسۋشىلار قۇرامىن قالىپتاستىرۋ قاعيدالارى بەكىتىلسىن. 2. مەكتەپكە دەيىنگى جانە ورتا ءبىلىم, اقپاراتتىق تەحنولوگيالار دەپارتامەنتى (ج.ا. جونتاەۆا) زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) وسى بۇيرىقتىڭ كوشىرمەسىن قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا, سونداي-اق قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىندە ورنالاستىرۋ ءۇشىن «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا جولداۋدى; 3) وسى بۇيرىقتى قازاقستان رەسپۋبليكاسى ءبىلىم جانە عىلىم مينيسترلىگىنىڭ ينتەرنەت-رەسۋرسىندا ورنالاستىرۋدى; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن ون جۇمىس كۇنى ىشىندە قازاقستان رەسپۋبليكاسى ءبىلىم جانە عىلىم مينيسترلىگىنىڭ زاڭ دەپارتامەنتىنە وسى بۇيرىقتىڭ 2-تارماعىنىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ ءبىلىم جانە عىلىم ۆيتسە-ءمينيسترى ە.ن. يمانعاليەۆكە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ءبىلىم جانە عىلىم ءمينيسترى ا. ءسارىنجىپوۆ قازاقستان رەسپۋبليكاسىنىڭ ءبىلىم جانە عىلىم ءمينيسترىنىڭ 2016 جىلعى 19 قاڭتارداعى №45 بۇيرىعىمەن بەكىتىلگەن جالپى ءبىلىم بەرەتىن پاندەر بويىنشا حالىقارالىق وليمپيادالار مەن عىلىمي جوبالار كونكۋرستارىنا (عىلىمي جارىستارعا) قاتىسۋشىلار قۇرامىن قالىپتاستىرۋ قاعيدالارى 1. جالپى ءتارتىبى 1. وسى جالپى ءبىلىم بەرەتىن پاندەر بويىنشا حالىقارالىق وليمپيادالار مەن عىلىمي جوبالار كونكۋرستارىنا (عىلىمي جارىستارعا) قاتىسۋشىلار قۇرامىن قالىپتاستىرۋ قاعيدالارى (بۇدان ءارى - قاعيدالار) «ءبىلىم تۋرالى» 2007 جىلعى 27 شىلدەدەگى قازاقستان رەسپۋبليكاسى زاڭىنىڭ 5-بابىنىڭ 29-2) تارماقشاسىنا (بۇدان ءارى – زاڭ) سايكەس ازىرلەنگەن جانە ءبىلىم الۋشىلاردى كورسەتىلگەن حالىقارالىق زياتكەرلىك جارىستارعا قاتىسۋشىلار قۇرامىنا ىرىكتەۋ ءتارتىبىن انىقتايدى. 2. وسى قاعيدالاردا مىناداي انىقتامالار قولدانىلادى: 1) جالپى ءبىلىم بەرەتىن پاندەر بويىنشا حالىقارالىق عىلىمي جوبالار كونكۋرستارى (عىلىمي جارىستار) – ءبىلىم الۋشىلار عىلىمي جوبا تۇرىندە قورعايتىن, زەرتتەۋ, ەكسپەريمەنت, تۇجىرىمداما جاساۋ جانە تەوريانى پراكتيكا بارىسىندا زەرتتەۋ ارقىلى جالپى ءبىلىم بەرەتىن پاندەر بويىنشا العان عىلىمي بىلىمدەرىن انىقتاۋعا مۇمكىندىك بەرەتىن حالىقارالىق زياتكەرلىك جارىستاردىڭ نىسانى; 2) جالپى ءبىلىم بەرەتىن پاندەر بويىنشا حالىقارالىق وليمپيادالار –قاتىسۋشىلاردىڭ دەرەكتى ماتەريالدى مەڭگەرۋ بويىنشا ءبىلىمىن, شىعارماشىلىق تۇرعىدان ويلاۋىن انىقتاۋمەن قاتار, العان ءبىلىمىن پراكتيكادا قولدانا بىلۋگە مۇمكىندىك بەرەتىن بەلگىلى ءبىلىم بەرۋ سالاسىندا حالىقارالىق زياتكەرلىك جارىستار وتكىزۋ نىسانى; 3) جەڭىمپازدار – ءبىرىنشى, ەكىنشى نەمەسە ءۇشىنشى دارەجەلى ديپلومدارمەن, قۇرمەت گراموتالارىمەن ماراپاتتالعان زياتكەرلىك جارىستاردىڭ قاتىسۋشىلارى; 4) قاتىسۋشىلاردىڭ قۇراما كومانداسىنىڭ مۇشەلەرى – نەگىزگى ورتا جانە جالپى ورتا ءبىلىم بەرەتىن ۇيىمداردىڭ سوڭعى 2 جىلدا وليمپيادالار مەن عىلىمي جوبالار كونكۋرستارىنا (عىلىمي جارىستارعا) قاتىسقان, جالپى ءبىلىم بەرەتىن پاندەر بويىنشا بەلگىلى جەتىستىكتەرگە جەتىپ, عىلىم نەگىزدەرى اياسىندا جەتىستىكتەرى بار 9-11 (12)-سىنىپ وقۋشىلارى; 5) قۇراما كوماندا مۇشەلەرىنىڭ جەتەكشىلەرى - جارىس وتەتىن جەرگە دەيىن جانە كەرى الىپ قايتۋ جولىندا, جالپى ءبىلىم بەرەتىن پاندەر بويىنشا حالىقارالىق وليمپيادالار مەن عىلىمي جوبالار كونكۋرستارىنىڭ (عىلىمي جارىستاردىڭ) ءوتۋ ارىسىندا قاتىسۋشىلاردىڭ ءومىر قاۋىپسىزدىگىن, سونداي-اق, زياتكەرلىك جارىستارعا قاتىسۋشىلاردىڭ دايىندىق دەڭگەيلەرىن قامتاماسىز ەتەتىن جاۋاپتى تۇلعا. 3. جالپى ءبىلىم بەرەتىن پاندەر بويىنشا حالىقارالىق وليمپيادالار مەن عىلىمي جوبالار كونكۋرستارىنا (عىلىمي جارىستارعا) قاتىسۋشىلاردىڭ قۇرامىنا قۇراما كوماندا مۇشەلەرى جانە ولاردىڭ جەتەكشىلەرى كىرەدى (قاجەتىنە قاراي عىلىمي جەتەكشىلەر, باقىلاۋشىلار, حالىقارالىق وليمپيادا كوميتەتتەرىنىڭ مۇشەلەرى ەنگىزىلەدى). 4. جالپى ءبىلىم بەرەتىن پاندەر بويىنشا حالىقارالىق وليمپيادالار مەن عىلىمي جوبالار كونكۋرستارىنا (عىلىمي جارىستارعا) قاتىسۋشىلاردىڭ جالپى ساندىق قۇرامى حالىقارالىق وليمپيادالار مەن عىلىمي جوبالاردىڭ (عىلىمي جارىستاردىڭ) ۇيىمداستىرۋ كوميتەتتەرىنىڭ شاقىرۋى نەگىزىندە قالىپتاستىرىلادى. 5. حالىقارالىق زياتكەرلىك جارىستار جالپى ءبىلىم بەرەتىن پاندەر بويىنشا وليمپيادالار مەن عىلىمي جوبالار كونكۋرستارىنا (عىلىمي جارىستارعا) بولىنەدى. جالپى ءبىلىم بەرەتىن پاندەر بويىنشا حالىقارالىق وليمپيادالار ىشتەي نەمەسە قاشىقتىق رەجيمىندە وتكىزىلەدى. 2. ىشتەي وتكىزىلەتىن جالپى ءبىلىم بەرەتىن پاندەر بويىنشا حالىقارالىق وليمپيادالارعا قاتىسۋشىلاردىڭ قۇرامىن قالىپتاستىرۋ ءتارتىبى 6. ىشتەي وتكىزىلەتىن جالپى ءبىلىم بەرەتىن پاندەر بويىنشا حالىقارالىق وليمپيادالارعا قاتىسۋشىلاردىڭ قۇرامى ناقتى وليمپيادانىڭ تالاپتارىن ەسكەرە وتىرىپ 8-11(12)-سىنىپتاردىڭ وقۋشىلارى اراسىنان, جاسوسپىرىمدەردىڭ جالپى ءبىلىم بەرەتىن پاندەر بويىنشا حالىقارالىق وليمپيادالارى ءۇشىن 7-9-سىنىپ وقۋشىلارىنان قۇرالادى. 7. جالپى ءبىلىم بەرەتىن پاندەر بويىنشا حالىقارالىق وليمپيادالارعا قاتىسۋشىلاردىڭ قۇرامىن قالىپتاستىرۋ ماقساتىندا وقۋ-دايىندىق جيىندارى نەمەسە وبلىستىق, استانا, الماتى قالالارىنىڭ ءبىلىم باسقارمالارى, دەربەس, رەسپۋبليكالىق ءبىلىم بەرۋ ۇيىمدارى, جوعارى وقۋ ورىندارىنىڭ جانىنداعى جەكەمەنشىك ءبىلىم بەرۋ ۇيىمدارى, حالىقارالىق مەكتەپتەر, وقۋ-ساۋىقتىرۋ ورتالىقتارى دەڭگەيىندە ءبىلىم الۋشىلاردى ىرىكتەۋ وتەدى. 8. جالپى ءبىلىم بەرەتىن پاندەر بويىنشا وقۋ-دايىندىق جيىندارىن ءبىلىم بەرۋ سالاسىنداعى ۋاكىلەتتى ورگان وتكىزەدى. وقۋ-دايىندىق جيىندارىنا قاتىسۋشىلار: 1) اعىمداعى وقۋ جىلىندا جالپى ءبىلىم بەرەتىن پاندەر بويىنشا رەسپۋبليكالىق وليمپيادالاردىڭ قورىتىندى كەزەڭىنىڭ جەڭىمپازى اتانعان 8-11 (12) سىنىپ وقۋشىلارى; 2) سوڭعى ەكى جىلدا ءتيىستى بەيىندىك پاندەر بويىنشا جالپى ءبىلىم بەرەتىن پاندەردەن رەسپۋبليكالىق وليمپيادالاردىڭ قورىتىندى كەزەڭدەرىنىڭ جەڭىمپازدارى بولىپ تابىلاتىن اعىمداعى وقۋ جىلىنىڭ ورتا ءبىلىم بەرۋ ۇيىمدارىنىڭ تۇلەكتەرى; 3) تيىستى بەيىندىك ءپان بويىنشا سوڭعى ەكى جىلدا وقۋ-دايىندىق جيىندارىنا قاتىسۋشىلار. جالپى ءبىلىم بەرەتىن پاندەر بويىنشا حالىقارالىق وليمپيادالارعا قاتىسۋشىلار قۇرامىنا قوسۋ ءۇشىن بىردەي بالل جيناعان جاعدايدا باسىمدىق پاندىك حالىقارالىق وليمپيادالاردىڭ جەڭىمپازدارى, 7-9 سىنىپ وقۋشىلارىنا بەرىلەدى. 9. حالىقارالىق وليمپيادالارعا قاتىسۋ ءۇشىن وقۋ-دايىندىق جيىندارىنا وقۋشىلار قۇرامىن قالىپتاستىرۋ ءبىلىم بەرۋ ۇيىمدارى باسشىلارىنىڭ ۇسىنىستارىن ەسكەرە وتىرىپ, ءبىلىم بەرۋ سالاسىنىڭ ۋاكىلەتتى ورگانى انىقتايدى. 10. وقۋ-دايىندىق جيىندارىن وتكىزۋدى وقۋ-دايىندىق جيىندارىنىڭ جەتەكشىلەرى جۇزەگە اسىرادى. 11. جالپى ءبىلىم بەرەتىن پاندەر بويىنشا وقۋ-دايىندىق جيىندارىنىڭ جەتەكشىلەرى, ءتيىستى پاندەر بويىنشا وليمپيادا تاپسىرمالارىن قۇراستىرۋدا جانە حالىقارالىق وليمپيادالارعا قاتىسۋدا تاجىريبەلەرى بار, وتاندىق جانە شەتەلدىك جوعارى وقۋ ورىندارىنىڭ وقىتۋشىلارى تاعايىندالادى. 12. جالپى ءبىلىم بەرەتىن پاندەر بويىنشا وقۋ-تانىمدىق جيىندارىنىڭ ءبىرىنشى كەزەڭىنىڭ قاتىسۋشىلارىن جوعارى بالل جيناعان جالپى ءبىلىم بەرەتىن پاندەر بويىنشا رەسپۋبليكالىق وليمپياداسىنىڭ قورىتىندى كەزەڭىنىڭ قازىلار القاسىنىڭ قۇرامى جالپى ءبىلىم بەرەتىن پاندەر بويىنشا رەسپۋبليكالىق وليمپيادانىڭ جەڭىمپازدارى مەن جۇلدەگەرلەرىنىڭ قۇرامىنان, وتكەن وقۋ جىلدارىنىڭ وقۋ-دايىندىق جيىندارىندا جوعارى بالل جيناعان قاتىسۋ­شىلار, ىشتەي جانە قاشىقتىقتان وتكەن حالىقارالىق وليمپيادالاردىڭ جەڭىمپازدارىنىڭ اراسىنان انىقتايدى. 13. وقۋ-دايىندىق جيىندارىنىڭ ءبىرىنشى كەزەڭىنە قاتىسۋشىلاردىڭ ساندىق قۇرامى حالىقارالىق ۇيىمداستىرۋ كوميتەتى بەلگىلەگەن حالىقارالىق وليمپياداعا قاتىسۋشىلاردىڭ سانىنا سايكەس ءۇش ەسە ۇلعايتىلعان سانىمەن انىقتالادى. 14. جالپى ءبىلىم بەرەتىن پاندەر بويىنشا وقۋ-دايىندىق جيىندارىنىڭ ۇزاقتىعى كۇنتىزبەلىك 12 كۇننەن 14 كۇنگە دەيىنگى ۋاقىتتى قۇرايدى. 15. وبلىستىق, استانا, الماتى قالالارىنىڭ ءبىلىم باسقارمالارى, دەربەس, رەسپۋبليكالىق ءبىلىم بەرۋ ۇيىمدارى, جوعارى وقۋ ورىندارىنىڭ جانىنداعى جەكەمەنشىك ءبىلىم بەرۋ ۇيىمدارى, حالىقارالىق مەكتەپتەر, وقۋ-ساۋىقتىرۋ ورتالىقتارى وتكىزەتىن وقۋشىلاردى ىرىكتەۋ قورىتىندىسى حاتتاما تۇرىندە رەسىمدەلىپ, ءوتىنىم تۇرىندە ءبىلىم بەرۋ سالاسىنداعى ۋاكىلەتتى ورگانعا جىبەرىلەدى. 16. جالپى ءبىلىم بەرەتىن پاندەر بويىنشا حالىقارالىق وليمپيادالارعا قاتىسۋشىلار قۇرامىن قالىپتاستىرۋدا وقۋ-دايىندىق جيىندارىنىڭ ناتيجەلەرى, وتىنىمدەر, جالپى ءبىلىم بەرەتىن پاندەر بويىنشا رەسپۋبليكالىق وليمپيادانىڭ قورىتىندى كەزەڭنىڭ ناتيجەسى, الدىنداعى جىلداردىڭ جانە اعىمداعى جىلدىڭ حالىقارالىق وليمپيادالار ناتيجەلەرى, ءبىلىم الۋشىلاردىڭ حالىقارالىق وليمپيادادا جوعارى ناتيجەگە جەتەلەيتىن ادامگەرشىلىك, ىسكەرلىك قاسيەتتەرى ەسەپكە الىنادى. 17. تىزبەسىن زاڭنىڭ 5-بابىنىڭ 29-1) تارماقشاسىنا سايكەس ءبىلىم بەرۋ سالاسىنداعى ۋاكىلەتتى ورگان ايقىندايتىن (بۇدان ءارى – تىزبە) ىشتەي وتكىزىلەتىن جالپى ءبىلىم بەرەتىن پاندەر بويىنشا حالىقارالىق وليمپيادالارعا قاتىسۋشىلاردىڭ قۇرامى ءبىلىم بەرۋ سالاسىنداعى ۋاكىلەتتى ورگاننىڭ بۇيرىعىمەن بەكىتىلەدى. 18. ءار جالپى ءبىلىم بەرەتىن ءپان بويىنشا حالىقارالىق وليمپياداعا قاتىسۋشىلار مەن جەتەكشىلەردىڭ ساندىق قۇرامىن ءتيىستى حالىقارالىق وليمپيادانى وتكىزۋ قاعيدالارىنا سايكەس ۇيىمداستىرۋ كوميتەتى انىقتايدى. 3. قاشىقتىق رەجيمىندە وتكىزىلەتىن جالپى ءبىلىم بەرەتىن پاندەر بويىنشا حالىقارالىق وليمپيادالارعا قاتىسۋشىلاردىڭ قۇرامىن قالىپتاستىرۋ ءتارتىبى 19. قاشىقتىق رەجيمىندە وتكىزىلەتىن جالپى ءبىلىم بەرەتىن پاندەر بويىنشا حالىقارالىق وليمپيادالارعا قاتىسۋشىلاردىڭ قۇرامى ناقتى وليمپيادانىڭ تالاپتارىن ەسكەرە وتىرىپ, جالپى ءبىلىم بەرەتىن پاندەر بويىنشا رەسپۋبليكالىق (وبلىستىق) وليمپيادالاردىڭ ءۇشىنشى كەزەڭىنىڭ جەڭىمپازدارى قاتارىنان نەمەسە حالىقارالىق وليمپيادانىڭ رەسمي سايتىنا ءوز بەتىنشە تىركەلگەن جانە ىرىكتەۋ كەزەڭىنەن وتكەن جالپى ورتا ءبىلىم بەرۋ ۇيىمدارىنىڭ 9-11(12)-سىنىپتارىنىڭ وقۋشىلارىنان جەكە نەمەسە كوماندا قۇرامىندا قالىپتاستىرىلادى. 20. ىرىكتەۋ كەزەڭىنە قاتىسۋشى وقۋشىلار ءوز بەتىنشە نەمەسە كوماندالار سانى شەكتەلمەيدى. 21. قاشىقتىقتان وتكىزىلەتىن جالپى ءبىلىم بەرەتىن پاندەر بويىنشا وليمپيادانىڭ ىرىكتەۋ كەزەڭىنىڭ قورىتىندىسى بويىنشا جوعارى بالل جيناعان ءبىلىم الۋشىلار نەمەسە كوماندالار جالپى ءبىلىم بەرەتىن پاندەر بويىنشا حالىقارالىق وليمپياداعا قاتىسۋشىلار رەتىندە ىرىكتەلىپ الىنادى. 22. تىزبەسىن زاڭنىڭ 5-بابىنىڭ 29-1) تارماقشاسىنا سايكەس ءبىلىم بەرۋ سالاسىنداعى ۋاكىلەتتى ورگان ايقىندايتىن قاشىقتىقتان وتكىزىلەتىن ءار جالپى ءبىلىم بەرەتىن پاندەر بويىنشا حالىقارالىق وليمپيادالارعا قاتىسۋشىلاردىڭ قۇرامى ءبىلىم بەرۋ سالاسىنداعى ۋاكىلەتتى ورگاننىڭ بۇيرىعىمەن بەكىتىلەدى. 4. جالپى ءبىلىم بەرەتىن پاندەر بويىنشا حالىقارالىق عىلىمي جوبالار كونكۋرستارىنا (عىلىمي جارىستارعا) قاتىسۋشىلاردىڭ قۇرامىن قالىپتاستىرۋ ءتارتىبى 23. جالپى ءبىلىم بەرەتىن پاندەر بويىنشا حالىقارالىق عىلىمي جوبالار كونكۋرستارىنا (عىلىمي جارىستارعا) قاتىسۋشىلاردىڭ قۇرامى ورتا ءبىلىم بەرۋ ۇيىمدارىنىڭ 9-11(12) سىنىپ وقۋشىلارىنان قۇرالادى. 24. جالپى ءبىلىم بەرەتىن پاندەر بويىنشا حالىقارالىق عىلىمي جوبالار كونكۋرستارىنا (عىلىمي جارىستارعا) قاتىسۋشىلاردىڭ قۇرامىن قالىپتاستىرۋ وبلىستاردىڭ, استانا جانە الماتى قالالارىنىڭ ءبىلىم باسقارمالارىنىڭ, دەربەس, رەسپۋبليكالىق ءبىلىم بەرۋ ۇيىمدارىنىڭ, جوعارى وقۋ ورىندارى جانىنداعى جەكە ءبىلىم بەرۋ ۇيىمدارىنىڭ, حالىقارالىق مەكتەپتەردىڭ, وقۋ-ساۋىقتىرۋ ورتالىقتارىنىڭ وسى قاعيدالارعا قوسىمشاعا سايكەس نىسان بويىنشا جالپى ءبىلىم بەرەتىن پاندەر بويىنشا حالىقارالىق عىلىمي جوبالار كونكۋرستارىنا (عىلىمي جارىستارعا) قاتىسۋ­شىلاردىڭ قۇرامىن قالىپتاستىرۋ ءۇشىن رەسمي تۇردە ۇسىنعان كانديداتتاردىڭ ءوتىنىمى نەگىزىندە جۇزەگە اسىرىلادى. 25. جالپى ءبىلىم بەرەتىن پاندەر بويىنشا حالىقارالىق عىلىمي جوبالار كونكۋرستارىنا (عىلىمي جارىستارعا) قاتىسۋشىلاردىڭ قۇرامىنا ەنەتىن وڭىرلىك كانديداتتار: 1) اعىمداعى وقۋ جىلىنىڭ 15 قىركۇيەگىنە دەيىن www.daryn.kz سايتىندا عىلىمي جوباسىنىڭ تاقىرىبىن تىركەگەن; 2) تىزبەگە ەنگەن جالپى ءبىلىم بەرەتىن پاندەر بويىنشا حالىقارالىق عىلىمي جوبالار كونكۋرستارىنىڭ (عىلىمي جارىستاردىڭ) جەڭىمپازدارى (قاتىسۋشىلارى); 3) تىزبەگە ەنگەن ءتيىستى جالپى ءبىلىم بەرەتىن ءپان بويىنشا اعىمداعى وقۋ جىلىنىڭ رەسپۋبليكالىق عىلىمي جوبالار كونكۋرستارىنىڭ قورىتىندى كەزەڭىنىڭ جەڭىمپازدارى (قاتىسۋشىلارى); 4) تىزبەگە ەنگەن ءتيىستى جالپى ءبىلىم بەرەتىن ءپان بويىنشا اعىمداعى وقۋ جىلىنىڭ رەسپۋبليكالىق عىلىمي جوبالار كونكۋرستارىنىڭ ءۇشىنشى (وبلىستىق) كەزەڭنىڭ جەڭىمپازى/جۇلدەگەرى بولىپ تابىلاتىن 9-11 (12) سىنىپ وقۋشىسى بولۋى ءتيىس. 26. جالپى ءبىلىم بەرەتىن پاندەر بويىنشا حالىقارالىق عىلىمي جوبالار كونكۋرستارىنا (عىلىمي جارىستارعا) قاتىسۋشىلار قۇرامىنا وڭىرلىك كانديداتتاردى ىرىكتەۋ كەزىندە: 1) بىرىنشى كەزەكتە - تىزبەگە ەنگەن جالپى ءبىلىم بەرەتىن پاندەر بويىنشا حالىقارالىق عىلىمي جوبالار كونكۋرستارىنىڭ (عىلىمي جارىستاردىڭ) جەڭىمپازدارى (قاتىسۋشىلارى); 2) ەكىنشى كەزەكتە - تىزبەگە ەنگەن ءتيىستى جالپى ءبىلىم بەرەتىن ءپان بويىنشا اعىمداعى وقۋ جىلىنىڭ رەسپۋبليكالىق عىلىمي جوبالار كونكۋرستارىنىڭ قورىتىندى كەزەڭىنىڭ جەڭىمپازدارى (قاتىسۋشىلارى); 3) ۇشىنشى كەزەكتە - تىزبەگە ەنگەن ءتيىستى جالپى ءبىلىم بەرەتىن ءپان بويىنشا اعىمداعى وقۋ جىلىنىڭ رەسپۋبليكالىق عىلىمي جوبالار كونكۋرستارىنىڭ ءۇشىنشى (وبلىستىق) كەزەڭنىڭ جەڭىمپازدارى باسىمدىلىققا يە بولادى. 27. عىلىمي جوبالاردىڭ تاقىرىپتارىن www.daryn.kz سايتىندا تىركەۋ وبلىستاردىڭ, استانا جانە الماتى قالالارىنىڭ ءبىلىم باسقارمالارىنىڭ, دەربەس, رەسپۋبليكالىق ءبىلىم بەرۋ ۇيىمدارىنىڭ, جوعارى وقۋ ورىندارى جانىنداعى جەكە ءبىلىم بەرۋ ۇيىمدارىنىڭ, حالىقارالىق مەكتەپتەردىڭ, وقۋ-ساۋىقتىرۋ ورتالىقتارىنىڭ رەسمي تۇردە ۇسىنعان وتىنىمدەرى نەگىزىندە جۇزەگە اسىرىلادى. وتىنىمدە: وقۋشىنىڭ تەگى, اتى, اكەسىنىڭ اتى (بولعان جاعدايدا); ورتا ءبىلىم بەرەتىن ۇيىمنىڭ اتاۋى, سىنىپ, وقىتۋ ءتىلى; عىلىمي جوبانىڭ تاقىرىبى; عىلىمي جەتەكشىنىڭ تەگى, اتى, اكەسىنىڭ اتى (بولعان جاعدايدا), عىلىمي اتاعى مەن دارەجەسى, لاۋازىمى, جۇمىس ورنى; سەكتسيا اتاۋى; بەيىندى ءپانى كورسەتىلۋى ءتيىس. 28. تىزبەسىن زاڭنىڭ 5-بابىنىڭ 29-1) تارماقشاسىنا سايكەس ءبىلىم بەرۋ سالاسىنداعى ۋاكىلەتتى ورگان ايقىندايتىن جالپى ءبىلىم بەرەتىن پاندەر بويىنشا حالىقارالىق عىلىمي جوبالار كونكۋرستارىنا (عىلىمي جارىستارعا) قاتىسۋشىلار قۇرامى ءبىلىم بەرۋ سالاسىنداعى ۋاكىلەتتى ورگاننىڭ بۇيرىعىمەن بەكىتىلەدى. 29. ءبىلىم بەرۋ سالاسىنداعى ۋاكىلەتتى ورگان جالپى ءبىلىم بەرەتىن پاندەر بويىنشا حالىقارالىق عىلىمي جوبالار كونكۋرستارىنا (عىلىمي جارىستارعا) قاتىسۋشىلاردىڭ قۇرامىن قالىپتاستىرۋ كەزىندە رەسپۋبليكالىق عىلىمي جوبالار كونكۋرستارىنىڭ ءۇشىنشى (وبلىستىق) كەزەڭىنىڭ, ءتورتىنشى (قورىتىندى) كەزەڭىنىڭ, سوڭعى ەكى جىلداعى حالىقارالىق زياتكەرلىك جارىستاردىڭ ناتيجەلەرىن, ءبىلىم الۋشىلاردىڭ حالىقارالىق جارىستاردا جوعارى ناتيجەگە جەتەلەيتىن ادامگەرشىلىك, ىسكەرلىك قاسيەتتەرىن ەسەپكە الادى. جالپى ءبىلىم بەرەتىن پاندەر بويىنشا حالىقارالىق وليمپيادالارعا مەن عىلىمي جوبالار كونكۋرستارىنا (عىلىمي جارىستارعا) قاتىسۋشىلاردىڭ قۇرامىن قالىپتاستىرۋ قاعيدالارىنا قوسىمشا نىسان جالپى ءبىلىم بەرەتىن پاندەر بويىنشا حالىقارالىق عىلىمي جوبالار كونكۋرستارىنا (عىلىمي جارىستارعا) قاتىسۋشىلاردىڭ قۇرامىن قالىپتاستىرۋ ءۇشىن كانديداتتاردىڭ ءوتىنىمى ____________________________________________________________________ (حالىقارالىق عىلىمي جوبالار كونكۋرستارىنىڭ (عىلىمي جارىستاردىڭ) اتاۋى) قاتىسۋشىلار قۇرامىن قالىپتاستىرۋ ءۇشىن (وبلىستاردىڭ, استانا جانە الماتى قالالارىنىڭ ءبىلىم باسقارمالارىنىڭ, اۆتونوميالىق, رەسپۋبليكالىق ءبىلىم بەرۋ ۇيىمدارىنىڭ, جوعارى وقۋ ورىندارى جانىنداعى جەكە ءبىلىم بەرۋ ۇيىمدارىنىڭ, حالىقارالىق مەكتەپتەردىڭ, وقۋ-ساۋىقتىرۋ ورتالىعىنىڭ اتاۋى) اتىنان كانديداتتارعا ءوتىنىم № ر/c ءبىلىم الۋشىنىڭ تەگى, اتى, اكەسىنىڭ اتى (بولعان جاعدايدا) وقىتۋ ءتىلى مەكتەپ اتاۋى, سىنىپ عىلىمي جوبانىڭ تاقىرىبى جالپى ءبىلىم بە-رەتىن ءپان سەك-تسياسىنىڭ اتاۋى عىلىمي جەتەكشىنىڭ تەگى, اتى, اكەسىنىڭ اتى (بولعان جاعدايدا) ءبىلىم الۋشىنىڭ جەتىستىكتەرى بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 16 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13088 بولىپ ەنگىزىلدى.