قازاقستان رەسپۋبليكاسى ءبىلىم جانە عىلىم مينيسترلىگىنىڭ بۇيرىعى №620 

2015 جىلعى 2 قاراشا, استانا قالاسى «مەملەكەتتىك عىلىمي-تەحنيكالىق ساراپتاما وتكىزۋ» مەملەكەتتىك كورسەتىلەتىن قىزمەت ستاندارتىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2015 جىلعى 15 ساۋىردەگى № 205 بۇيرىعىنا وزگەرىستەر ەنگىزۋ تۋرالى «مەملەكەتتىك كورسەتىلەتىن قىزمەتتەر تۋرالى» 2013 جىلعى 15 ساۋىردەگى قازاقستان رەسپۋبليكاسى زاڭىنىڭ 10-بابىنىڭ 1) تارماقشاسىنا جانە قازاقستان رەسپۋبليكاسى ۇكىمەتىنىڭ 2013 جىلعى 18 قىركۇيەكتەگى № 983 قاۋلىسىنا سايكەس بۇيىرامىن: 1. «مەملەكەتتىك عىلىمي-تەحنيكالىق ساراپتاما وتكىزۋ» مەملەكەتتىك كورسەتىلەتىن قىزمەت ستاندارتىن بەكىتۋ تۋرالى» قازاقستان رەسپۋبليكاسى ءبىلىم جانە عىلىم ءمينيسترىنىڭ 2015 جىلعى 15 ساۋىردەگى № 205 بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 11077 بولىپ تىركەلگەن, «ادىلەت» اقپاراتتىق-قۇقىقتىق جۇيەسىندە 2015 جىلعى 12 ماۋسىمدا جاريالانعان) مىناداي وزگەرىستەر ەنگىزىلسىن: كورسەتىلگەن بۇيرىقپەن بەكىتىلگەن «مەملەكەتتىك عىلىمي-تەحنيكالىق ساراپتاما وتكىزۋ» مەملەكەتتىك كورسەتىلەتىن قىزمەت ستاندارتىندا: 3-تارماق مىناداي رەداكتسيادا جازىلسىن: «3. مەملەكەتتىك قىزمەتتى «مەملەكەتتىك ۇلتتىق عىلىمي-تەحنيكالىق ساراپتاما ورتالىعى» اكتسيونەرلىك قوعامى (بۇدان ءارى – كورسەتىلەتىن قىزمەتتى بەرۋشى) كورسەتەدى. كونكۋرستىق قۇجاتتاما مەملەكەتتىك بيۋدجەت قاراجاتى ەسەبىنەن گرانتتىق قارجىلاندىرۋ كونكۋرسىنىڭ تالاپتارىنا سايكەس كەلگەن جاعدايدا مەملەكەتتىك عىلىمي-تەحنيكالىق ساراپتاماعا وتىنىشتەر قابىلداۋدى كورسەتىلەتىن قىزمەتتى بەرۋشى جۇزەگە اسىرادى. مەملەكەتتىك قىزمەت كورسەتۋ ناتيجەسىن بەرۋدى كورسەتىلەتىن قىزمەتتى بەرۋشى جۇزەگە اسىرادى.»; 8-تارماق مىناداي رەداكتسيادا جازىلسىن: «8. جۇمىس كەستەسى: كورسەتىلەتىن قىزمەتتى بەرۋشى: قازاقستان رەسپۋبليكاسىنىڭ ەڭبەك زاڭناماسىنا سايكەس دەمالىس جانە مەرەكە كۇندەرىن قوسپاعاندا, دۇيسەنبىمەن جۇما ارالىعىندا, ساعات 13:00-دە 14:30-عا دەيىن تۇسكى ۇزىلىسپەن ساعات 09:00-دەن 18:30-عا دەيىن. قابىلداۋ الدىن الا جازىلۋسىز جانە جەدەلدەتىپ قىزمەت كورسەتۋسىز جۇزەگە اسىرىلادى.»; 12-تارماقتىڭ 2)-تارماقشاسى الىنىپ تاستالسىن. 2. قازاقستان رەسپۋبليكاسى ءبىلىم جانە عىلىم مينيسترلىگىنىڭ ءبىلىم جانە عىلىم سالاسىنداعى باقىلاۋ كوميتەتى (س.ن.ءنۇسىپوۆ) زاڭنامادا بەلگىلەنگەن تارتىپپەن: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىق مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزىمدى باسپا باسىلىمدارىمدا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى ءبىلىم جانە عىلىم مينيسترلىگىنىڭ رەسمي ينتەرنەت-رەسۋرسىندا ورنالاستىرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ءبىلىم جانە عىلىم مينيسترلىگى ءبىلىم جانە عىلىم سالاسىنداعى باقىلاۋ كوميتەتىنىڭ توراعاسى س.ن.نۇسىپوۆكە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى ءبىلىم جانە عىلىم ءمينيسترىنىڭ مىندەتىن اتقارۋشى ت.بالىقباەۆ «كەلىسىلدى» قازاقستان رەسپۋبليكاسى ۇلتتىق ەكونوميكا ءمينيسترى دوساەۆ ە.ا. __________________ 2015 جىلعى 7 جەلتوقسان بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 5 قاڭتاردا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №12810 بولىپ ەنگىزىلدى.