تولەم ءراسىمى جەڭىلدەدى

بۇل جۇكتىلىككە جانە بوسانۋعا بايلانىستى الەۋمەتتىك تولەمدەردى ماشاقاتسىز الۋعا كومەگىن تيگىزۋدە جۇكتىلىگىنە جانە بوسانۋىنا بايلانىستى تابىسىنان ايىرىلۋ جاعدايىنا الەۋمەتتىك تولەمدەردى ەسەپتەۋگە قاجەتتى قۇجاتتار توپتاماسى قىسقارتىلدى. بۇل دەنساۋلىق ساقتاۋ جانە الەۋمەتتىك دامۋ مينيسترلىگى مەن «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ بىرلەسكەن جۇمىسىنىڭ ارقاسىندا مۇمكىن بولىپ وتىر. ەندى, ءوتىنىش بەرگەن كەزدە ايەل­دەرگە سوڭعى 12 ايعا جۇمىس ورنىنان تابىستارى تۋرالى انىقتاما ۇسىنۋ قاجەت ەمەس. جەكە كۋالىگىن, ەڭبەككە جا­رامسىزدىق پاراعى مەن بانكتىك شوتىن ۇسىنۋ جەتكىلىكتى. جەكە كاسىپكەر دەگەن كۋالىگى بار ايەلدەرگە سونداي-اق, جك ءتىر­كەۋ تۋرالى كۋالىك پەن سالىقتارى بويىن­شا سا­لىستىرىپ تەكسەرۋ اكتىسى قاجەت بولادى. «بۇرىن مەملەكەتتىك كورپوراتسيانىڭ جۇمىس­كەرلەرى اۆتوماتتاندىرىلعان اقپارات­تىق جۇيەگە ناقتى اۋدارىلعان الەۋ­مەت­تىك اۋدارىمداردى جۇمىس ورنىنان بەرىل­گەن انىقتامادا كورسەتىلگەن سومالارمەن سا­لىستىرىپ تەكسەرۋ جۇرگىزەتىن. ال ول ءساي­كەس بولماعان جاعدايدا ءوتىنىش بەرۋشىگە قۇ­جات­تار ناقتىلاۋ ءۇشىن قايتارىلاتىن», – دەيدى «ازاماتتارعا ارنالعان ۇكىمەت» مەم­لەكەتتىك كورپوراتسياسى ديرەكتورىنىڭ ورىنباسارى سەرىكقان سابىرجانوۆ. «بۇدان بىلاي مەملەكەتتىك الەۋمەتتىك ساقتاندىرۋ قورىنان بەرىلەتىن الەۋمەتتىك تولەمدەر مولشەرلەرىن تاعايىنداۋ قاعي­دا­تىنا ەنگىزىلگەن وزگەرىستەردىڭ ارقا­سىندا جۇكتىلىگىنە جانە بوسانۋىنا بايلانىس­تى تولەمدەردى تاعايىنداۋ اۆتوماتتان­دىرىل­عان اقپاراتتىق جۇيەدە قامتىلعان ناقتى اۋدارىمدار بويىنشا جۇزەگە اسىرى­لاتىن بولادى. جۇكتىلىگىنە جانە بوسانۋى­نا بايلانىستى تولەمدەردىڭ ءمول­شەرى ەسەپتەلگەن جانە اۋدارىلعان الەۋ­مەت­تىك اۋدارىمداردىڭ دۇرىستىعى ءۇشىن جاۋاپ­كەر­شى­لىك ارقالايتىن جۇمىس بەرۋشىگە تىكە­لەي بايلانىستى ەكەندىگىن ەستە ساقتاۋ قاجەت», – دەپ ءتۇسىندىردى ديرەكتوردىڭ ورىنباسارى. زەينەتاقى مەن جاردەماقى ەسەپتەۋ ءجونىن­دەگى كەز كەلگەن ماسەلە بويىنشا كونسۋل­­تاتسيانى قازاقستاندىقتار 1411 تەگىن ءنو­مىرىنە قوڭىراۋ شالىپ الۋىنا بولادى. مەملەكەتتىك كورپوراتسيا ارقىلى جۇك­تىلىگىنە جانە بوسانۋىنا بايلانىستى تابىسىنان ايىرىلۋ جاعدايىنا قاتىستى جىل باسىنان بەرى بارلىعى 97,5 مىڭ الەۋمەتتىك تولەم تاعايىندالدى.  نازار قاسىم