بۇگىن «ەگەمەن قازاقستان» گازەتىنە جاپونيانىڭ قازاقستانداعى ەلشىسى قىزمەتىنە جاڭادان تاعايىندالىپ جاتقان يچيرو كاۆاباتا كەلىپ, باسىلىم باسشىلىعىمەن كەزدەستى.
الداعى ۋاقىتتا سەنىم گراموتاسىن تاپسىرعاننان كەيىن ءوزىنىڭ باستى مىندەتى ەكى ەلدىڭ ىنتىماقتاستىعىن ودان ءارى كەڭەيتۋ بولاتىنىن اتاپ وتكەن ي.كاۆاباتا مىرزا «ەگەمەن قازاقستان» گازەتىمەن اراداعى اقپاراتتىق بايلانىستى دامىتۋعا ەرەكشە دەن قوياتىنىن ايتتى. «مەن ءسىزدىڭ ەلگە ەندى كەلگەندىكتەن, قازاق ءتىلىن ۇيرەنۋدى باستادىم. بولاشاقتا سىزدەرمەن قازاقشا سويلەسكىم كەلەدى», – دەيدى ديپلومات.
كەزدەسۋ بارىسىندا ەكى ەلدىڭ ءىرى بۇقارالىق اقپارات قۇرالدارى اراسىندا ارىپتەستىك بايلانىس ورناتۋ, بىلىكتىلىكتى ارتتىرۋ ماقساتىمەن تاجىريبە الماسۋ ماسەلەلەرى دە تالقىلاندى.
«ەگەمەن اقپارات»
