«التىن ادام»

سىر جۇرتىنىڭ نازارىنا ۇسىنىلدى ساق ءداۋىرىنىڭ سارقىتىنداي بولعان «التىن ادام» جادىگەرى قازاق ەلىن كۇللى الەمگە ايگىلى ەتكەنى حاق. تۇتاس ءبىر ءداۋىردىڭ مادەنيەتىن بىلدىرەتىن باعا جەتپەس بۇل مۇرا سىر ەلىنە جەتكىزىلدى. ونداعى ماقسات – تاۋەلسىزدىكتىڭ 25 جىلدىعى قارساڭىندا قىزىلوردالىقتاردى قۇندى جادىگەرمەن تانىستىرۋ. – «التىن ادام» – تەك ونەر تۋىندىسى عانا ەمەس, سوناۋ ساق زامانىنىڭ ومىرىنەن حابار بە­رەتىن بىردەن-ءبىر دەرەك. وسى ءجا­دىگەر تاۋەلسىزدىك سيمۆولى بول­عاندىقتان, بۇل تەك استانا مەن الما­تىداعى ۇلكەن مۋزەيلەردە عانا ەمەس, ەلىمىزدىڭ بۇكىل حالقىنىڭ تاماشالاۋىنا مۇمكىندىك تۋى كەرەك. سول ءۇشىن ءبىز سىر ەلىنە اتبا­سىن تىرەدىك», – دەيدى ۇلتتىق مۋ­زەيدىڭ عىلىمي قىزمەتكەرى پەر­دەحان مۇسىرمانقۇل. سىر جۇرتىنىڭ نازارىنا ۇسىنىلاتىن كورمەدە «التىن ادامنان» بولەك, 4 مىڭنان استام باعالى تاستارمەن كومكەرىلگەن اشەكەي بۇيىمدار بار. سونىمەن قاتار, ساق داۋىرىندە ادامداردىڭ پايدالانعان كۇمىس ىدىستارى دا مۋزەي تورىنەن تابىلادى. ايت­پاقشى, اتالعان ىدىستارداعى جازۋلار سان عاسىرلار بۇرىن قازاق دالاسىندا جازۋ-سىزۋ ءداستۇرىنىڭ بار بولعانىن ايشىقتايدى. ال كوپشىلىككە ۇسىنىلعان پاتشا ءمورى – قازاق حالقىنىڭ قۇجاتنامالىق, زاڭدىق اينالىمىن, جالپى, مەملەكەتتىلىك تۇرعىسىندا ۇيى­سۋى­نىڭ جارقىن دالەلى. ايتا كەتەيىك, «التىن ادام» جادىگەرىن كورۋگە سىر حالقى كوپ جينالدى. ال مۋزەي قىزمەتكەرلەرى مادەني شارا ەلىمىزدىڭ بارلىق وبلىسىندا جالعاساتىنىن ايتتى. تالعات رايىمبەك, «ەگەمەن قازاقستان»