استانادا لاڭكەستىككە قارسى وقۋلار وتەدى

[caption id="attachment_54721" align="aligncenter" width="640"] novoetv.kz[/caption] جۇما كۇنى استانادا لاڭكەستىككە قارسى وقۋلار وتەدى, دەپ حابارلادى قالالىق ىشكى ىستەر دەپارتامەنتىنىڭ ءباسپاسوز قىزمەتى. Inform.kz-ءتىڭ مالىمەتى بويىنشا, شارانىڭ نەگىزگى ماقساتى – تەرروريزممەن كۇرەس جونىندەگى استانا جەدەل شتابىنىڭ دايىندىعى مەن بەرىلگەن تاپسىرمانى ورىنداۋداعى كۇش-قاۋقارىن تەكسەرۋ. «بۇگىن, 5 تامىز كۇنى استانا قالاسىنداعى بۇرىنعى جۇقپالى اۋرۋحانا اۋماعىندا, كۇمىسبەكوۆ كوشەسى, 5ا مەكەنجايدا تەررورلىق اكتىنىڭ الدىن الۋ جانە ونىڭ سالدارىن جويۋ جونىندە لاڭكەستىككە قارسى وقۋلار وتەدى», – دەلىنگەن ىشكى ىستەر دەپارتامەنتى ءباسپاسوز قىزمەتىنىڭ حابارلاماسىندا. وقۋلار ءتۇرلى كۇردەلى ەلەمەنتتەرى بار شايقاس جاعدايىنا بارىنشا جاقىنداتىلادى. تەرروريزممەن كۇرەس جونىندەگى استانانىڭ جەدەل شتابى ەلوردا تۇرعىندارى مەن قوناقتارىن سابىر ساقتاۋعا جانە دۇربەلەڭگە سالىنباۋعا شاقىرادى. ايدار ورىسباەۆ