«استانا» جارىستى ەۋروپا ليگاسىندا جالعاستىرادى

سارسەنبىدەن بەيسەنبىگە قاراعان ءتۇنى شوتلانديانىڭ گلازگو قالاسىندا فۋتبولدان ۋەفا چەمپيوندار ليگاسىنىڭ ءۇشىنشى كەزەڭىندە «سەلتيك» پەن «استانا» كوماندالارى كەزدەستى. كەزدەسۋدە «سەلتيك» 2:1 ەسەبى­مەن جەڭىسكە جەتتى. ماتچ­تا ءبىرىنشى بولىپ ەسەپتى الاڭ يەلەرى اشتى. ءبىرىنشى تايمنىڭ سوڭىندا «سەلتيكتىڭ» شابۋىلشىسى لي گريففيتيس 11 مەترلىك پەنالتيدەن دوپ­تى تورعا تو­عىتتى. «استانا» ەكىن­شى تايمدا ەسەپتى تەڭەس­تىردى. الاڭعا ازات نۇر­عا­ليەۆتىڭ ورنىنا شىققان ازيز يبرايمي «سەل­تيك-پارك» ستاديونىنا جينالعان جۇرت­شىلىققا توسىن «سىي» جاسادى. ول 62-مينۋتتا الىس­تان تەۋىپ, قاقپانى ءدال كوزدەدى. ءسويتىپ, ەكى ويىن بويىنشا ەسەپ تەڭەستى. كوماندالاردىڭ ءبىرىنشى كەز­دەسۋى 1:1 ەسەبىمەن اياقتالعان بولاتىن. ەندى «استاناعا» چەمپيوندار ليگاسىنىڭ توپتىق تۋرنيرىنە شىعۋ ءۇشىن الاڭ يەلەرىن جەڭۋ نەمەسە ويىندى تەڭ اياقتاۋ كەرەك بولدى. الايدا, «استانانىڭ» العا قويعان ماق­ساتى بۇل جولى ورىندالمادى. «سەلتيك» ماتچتىڭ سوڭىندا تاعى دا پەنالتيدەن ەكىنشى دوبىن سوعىپ, جەڭىستى ج ۇلىپ اكەتتى. «سەلتيكتىڭ» قۇرامىندا مۋسسا دەمبەلە ەكىنشى گولدىڭ اۆتورى اتاندى. كەزدەسۋدە الاڭ يەلەرى اسا با­سىمدىق تانىتتى دەي المايمىز. ويىننىڭ ءبىرىنشى جارتىسىندا «سەلتيك» ءجيى شا­بۋىل­داپ, «استانانىڭ» قاق­پاسىنا قاۋىپتى جاعدايلار جاساعانىمەن ودان ەشتەڭە شىعارا المادى. ال ەكىنشى تايمدا كەرىسىنشە, «استانا» الاڭ يەلەرىنەن سەسكەنبەي, تەڭ دارەجەدە ونەر كورسەتتى. ەگەر ماتچتا ەريچتىڭ قاقپاسىنا ەكى پەنالتي بەرىلمەگەندە ويىن تەڭ ەسەپپەن نەمەسە «استانانىڭ» پايداسىنا اياقتالار ەدى. الاڭدا قازاقستان كومانداسىنىڭ قور­عانىپ ءجۇرىپ جەڭىسكە جەتۋگە مۇمكىندىگى بولدى. قازىر الەۋمەتتىك جەلىدە وتان­داستارىمىزدىڭ قاق­پاسىنا بەرىلگەن ەكى 11 مەترلىك ايىپ دوبى تۋرالى كوپ اڭگىمە بولىپ جاتىر. تورەشىنى ايىپتاپ, ونى جەردەن الىپ, جەرگە سالىپ جاتقاندارى دا بار. راس, كەزدەسۋدە تورە­شىنىڭ الاڭ يەلەرىنە بۇيرەگى بۇرىپ تۇرعانىن كوردىك. سول ءۇشىن دە پەنالتيلەر بەردى. الايدا تاعى ءبىر نارسەنى ۇمىتپاۋىمىز كەرەك. ول ءبىزدىڭ ويىنشىلارعا بايلا­نىستى. ەگەر شومكو مەن شيتوۆ ءبىر ويىندا ەكى رەتتەن سارى قاعاز الىپ, سوڭىنان قۋىلماعاندا «استانا» ويىندى تەڭ ەسەپپەن اياقتاۋى دا مۇمكىن ەدى. ەندى «استانا» جارىستى ەۋرو­پا ليگاسىندا جالعاس­تىرادى. وندا ەۋروپا ليگا­سىنىڭ سوڭعى ىرىكتەۋ كەزەڭىنە قاتىسادى. ونىڭ جەرەبەسى بۇگىن تارتىلادى. داستان كەنجالين, «ەگەمەن قازاقستان»