ءساندى كيىم – كوڭىل سالتاناتى

مەكتەپ بىتىرۋشىلەر بالى جاس­وسپىرىمدەر ءۇشىن ەستەن كەتپەس ەلەۋلى وقيعا ەكەندىگى بەلگىلى. ولار­دىڭ بارلىعى ومىردە ءبىر كە­لەر سالتاناتقا ايرىقشا دا­يىن­دالا­دى. ايتكەنمەن, بۇعان مۇمكىن­دىگى بولماي, ارمانى مەن تىلەگىن قيال كەڭىستىگىنە بۇگىپ قوياتىندار دا بارشىلىق. وسىندايدا, ارامىزدا اتالعان ماسەلەگە تۇسىنىستىكپەن قاراپ, جۇرەك جىلۋىن شاشىپ جۇرگەن جانداردىڭ بارلىعىنا «مىڭ شۇكىر» دەگىڭ كەلەدى. اتباسار اۋدانىندا مۇنداي باستامانى «نۇر وتاننىڭ» «باقىتتى بالالىق» پارتيا­لىق جوباسى اياسىندا كاميلا وماروۆا كوتەرىپ وتىر. پارتيا بەلسەندىسى بيىلعى جىل باسىنان بەرى ءساندى كويلەكتەر تىگىپ, سالتاناتتى كوستيۋمدەردى جيناعان ەكەن. ول جەتىم بالالار مەن ءمۇم­كىندىگى شەكتەۋلى وتباسىلار ءتار­بيە­سىندەگى تۇلەكتەر ءتىزىمىن ءبىلىم وردا­لارىنىڭ ديرەكتورلارىمەن الدىن الا كەلىسىپ جاساعان. – قازىردىڭ وزىندە قىزدار كوي­لەگىنىڭ 30 داناسى دايىندالدى, – دەيدى كاميلا وماروۆا. ولارعا كيىمدى بويلارىنا شاقتاپ جاساندىرۋ شەبەرحانامىزدا اتقارى­لا­دى. سونداي-اق, شاشتارازىمىز قىزۋ جۇمىسقا كىرىسەتىن بولادى. وپا-دالاپ ماسەلەسى دە شەشىمىن تاپقان. قىسقاسى, قىزدارىمىز وزدەرىن ناعىز ارۋ سەزىنەتىندەي جاعداي جاسايمىز. ءجاسوسپىرىم بەكزادالارىمىز دا زاماناۋي ءساندى كوستيۋمدەرىمەن سالتانات رۋحىن كوتەرە تۇسپەك. وسى ءبىر شىرايلى شارانى جىل سايىنعى داستۇرگە اينالدىرساق دەگەن ويدامىز. كاميلانىڭ بۇل قىزمەتى بيىل­­عى مەكتەپ بىتىرۋشىلەر تو­يىن­دا لايىقتى باعاسىن الدى. ول مۇن­داي شارانى كەلەسى جىلى تاعى جالعاستىرماق. باقبەرگەن امالبەك, «ەگەمەن قازاقستان» اقمولا وبلىسى