سەرىكتىڭ ەرلىگى ۇمىتىلمايدى

بەيبىت ەلگە بەتالدى وق اتقان قىلمىسكەردىڭ قولىنان اۋىر جارالانىپ, الماتى قالالىق اۋرۋحاناسىنىڭ جان ساقتاۋ بولىمىنە تۇسكەن پوليتسيا اعا سەرجانتى سەرىك ابىلداەۆ تا كوز جۇمدى. كۇرتى دەپ اتالاتىن اياداي اۋىلدىڭ پەر­زەنتى, الماتى قالالىق ءىىد جەرگىلىكتى پو­­ليتسيا قىزمەتى جول-پاترۋلدىك پولكىنىڭ اعا سەرجانتى سەرىك ابىلداەۆ كە­زەكتى قىزمەتتىك مىندەتىن اتقارىپ ءجۇر­­­گەندە اياقاستى دابىل قاعىلىپ, اسا قا­ۋىپتى قىلمىسكەردى قورشاۋعا الۋعا نۇس­قاۋ تۇسەدى. قارۋلانعان قىلمىسكەردى تۇت­قىنداۋ وپەراتسياسى كە­زىندە اۋىر جارا­لانعان سەرىك ابىلداەۆتى دارىگەرلەر اجالدان اراشالاپ قالا المادى. ابىلداەۆتاردىڭ ۇيىنە تاڭالا­كەۋىمنەن حالىق كوپ جينالدى. كۇرتى اۋىلىندا ونىڭ اسقار تاۋداي اكەسى, اق ءسۇت بەرىپ وسىرگەن اناسى تۇرادى. الماتى وبلىسى اكىمىنىڭ ورىنباسارى باقتيار ونەرباەۆ قارالى ءۇيدىڭ تابالدىرىعىن اتتاپ, مارقۇمنىڭ اكە-شەشەسىنە, ەت جاقىن باۋىرلارىنا, تۋعان-تۋىستارىنا قايعىرىپ كوڭىل ايتتى. ءوڭىر باسشىسى اماندىق باتالوۆتىڭ دا توسىننان كەلگەن قايعىعا ورتاق ەكەندىگىن جەتكىزىپ, مۇنداي اۋىر جاعدايدىڭ ەندى قايتالانباۋىن تىلەدى. قايعىلى وتباسىعا بيلىك تاراپىنان بارلىق كومەك جاسالاتىنىنا ۋادە بەرىپ, «سەرىكتىڭ ەرلىگى – بىزگە وشپەس ونەگە. ول ناعىز ازاماتقا ءتان ەرلىك كورسەتە ءبىلدى. قاۋىپپەن بەتپە-بەت كەلدى. بىراق تايسالعان جوق. كەلەشەك ۇرپاق ونىڭ ەرلىگىن ماقتان تۇتاتىن بولادى. سەرىكتىڭ ەرلىگى عاسىرلارعا جالعاسادى. ۇمىتىلمايدى», دەدى ول. قارالى جيىنعا الماتى قالاسى اكى­مى­نىڭ ورىنباسارى رۋميل تاۋفيكوۆ, ال­ماتى قالالىق ءىىد باسشىسى, گەنەرال-مايور سەرىك كۇدەباەۆ, اقشي جانە كۇرتى اۋىلدارىنىڭ تۇرعىندارى كەلدى. سەرىك ابىلداەۆتىڭ رۋحىنا قۇران باعىشتالىپ, اس بەرىلدى. نۇربول الدىباەۆ, «ەگەمەن قازاقستان»  الماتى وبلىسى, ىلە اۋدانى