«جۇمىرتقادان ءجۇن قىرقۋ» دەپ وسىنى ايت

قۇس شارۋاشىلىعى حالىقتى مەيىلىنشە قىسقا مەرزىم ارا­لىعىن­دا ازىق-ت ۇلىك ونىمىمەن قامتاماسىز ەتۋگە قابىلەتتى بىردەن-ءبىر سالا بولىپ تابىلادى. وعان جۇمىرتقا وندىرۋمەن اينالىساتىن قۇس شارۋاشىلىعىن مىسال رەتىندە كەلتىرسە دە جەتىپ جاتىر. وسى سالاداعى ءوندىرىستىڭ ءوسۋى ارقاسىندا بۇگىندە ەل تۇرعىندارىن جۇمىرتقامەن 100 پايىز قامتاماسىز ەتۋگە قول جەتكىزىلىپ وتىر. ماسەلەن, وتكەن 2015 جىلى 4,7 ميلليارد دانادان استام جۇمىرتقا وندىرىلگەن. قۇس فابريكالارى ءمالى­مەت­تەرىنە نەگىزدەلگەن بولجام بو­يىنشا, 2016 جىلى جالپى جۇمىرت­قا ءوندىرىسى 5 ميلليارد داناعا دەيىن جەتپەك. وسىنداي وڭ وزگەرىستەرگە قارا­ماستان, قازاقستاننىڭ قۇس ءوسىرۋ­شىلەر وداعى كەلتىرگەن دايەكتەرگە سۇيەنەر بولساق, قۇس شارۋاشىلىعى سالاسىندا پروبلەمالار دا جوق ەمەس. سولاردىڭ ءبىرى دە بىرەگەيى جۇ­مىرت­­قانىڭ بولشەك ساۋدادا­عى ء(دۇ­كەن­­دەردەگى) سوڭعى قۇنىنا باي­­لا­نىس­تى تۋىنداپ وتىر. «قۇس ءوسىرۋ­­شى­لەر وداعى» زاڭدى جانە جە­كە تۇل­عالار بىرلەستىگىنىڭ پرەزي­دەن­تى رۋسلان يسمايل ۇلى شاريپوۆ­تىڭ اي­تۋىن­شا, جىل ىشىندە جۇ­مىرت­­قانىڭ كوتەرمە ساۋدا­داعى باعا­سى 4-5 رەتكە دەيىن وزگە­رىپ تۇرا­تىن كورىنەدى. ايتالىق, قازىر­گى ۋا­قىت­تا قۇس فابريكالارى ءوز ءونىم­دەرىن ورتا ەسەپپەن 17-18 تەڭگەدەن بەر­سە, سۋپەر­ماركەتتەردە ساتىلعان ءسات­تە ول باعا ءبىر جارىم-ەكى ەسەگە دە­يىن قىم­باتتاپ شىعادى ەكەن. وسى­­لاي­شا, 1-كاتەگوريالى ءبىر جۇ­مىرت­­قا­نىڭ باعاسى 31-35 تەڭگەگە دە­يىن جەتىپ جىعىلادى. ال دەلدال­دار بولسا وسىنىڭ ارقاسىندا 200 پا­­يىز­عا دەيىن پايدا ءتۇسىرىپ وتىرا­دى. قۇس وسىرۋشىلەر وداعىنىڭ ما­مان­­دارى استانا قالاسىنداعى سۋ­پەر­­مار­كەتتەر بويىنشا مونيتورينگ ءجۇر­گىزگەن كەزدە ورتا ەسەپپەن ءبىر لوتوك (30 دانا) جۇمىرتقانىڭ باعا­سى مىڭ تەڭگەگە دەيىن جەتەتىنىن انىقتاعان. وسىدان كەلىپ نەلىكتەن قۇس فاب­­ري­­كا­لارى بوساتقان ازىقتىق جۇ­مىرت­­قا بولشەك ساۋداداعى باعا­دان ءبىر­نەشە ەسە ارزان دەگەن ساۋال تۋىندايدى. وسىنداي جاعدايلاردى ەسكەرە كەلىپ, اۋىلشارۋاشىلىق ونىمدەرى باعاسىنىڭ تارتىمدىلىعىن قامتا­ما­سىز ەتۋ ماقساتىندا قازاق­ستان­­نىڭ قۇس وسىرۋشىلەر وداعى الەۋ­­مەتتىك ماڭىزى بار ءونىم­دەر ساناتى­نا جاتاتىن تاماق ءونىم­دەرىن ساتۋ كەزىندە قۇس وسىرەتىن كاسىپ­ورىندار ونىمدەرىنىڭ بوساتىلۋ باعاسىنا 20-35 پايىز ۇستەمە قوسۋدى ۇسى­نىپ وتىر. ولاردىڭ ويىنشا بۇل وتان­دىق ونىمگە دەگەن ساتىپ الۋشى­لىق سۇرانىستى قامتاماسىز ەتپەك. نەسى بار, كەلىسۋگە بولاتىن ۇسىنىس. سەيفوللا شايىنعازى, «ەگەمەن قازاقستان»