بۇگىن ەلىمىزدىڭ وڭتۇستىگىندە كۇن اشىق بولادى

[caption id="attachment_54355" align="aligncenter" width="666"] فوتو: behang.nl[/caption] بۇگىن ەلىمىزدىڭ سولتۇستىگى مەن شىعىسىندا, وڭتۇستىك-شىعىسىندا اتموسفەرالىق اعىمداردىڭ وتۋىنەن جاڭبىر جاۋىپ, نايعازاي وينايدى. سونداي-اق, جەل سوعىپ, كۇندىز شىعىس وڭىردە بۇرشاق ءتۇسۋى ىقتيمال. تەك, رەسپۋبليكانىڭ باتىس, سولتۇستىك-باتىس, وڭتۇستىك جانە ورتالىعىندا اۋا رايى جاۋىن-شاشىنسىز بولادى. «قازگيدرومەتتىڭ» حابارلاۋى بويىنشا, الماتى, جامبىل, قىزىلوردا, اتىراۋ وبلىستارىنىڭ كەي جەرلەرىندە جەلدىڭ جىلدامدىعى سەكۋندىنا 15-20 مەترگە دەيىن بارادى. ال قىزىلوردا وبلىسىندا شاڭدى داۋىل كوتەرىلەدى. وڭتۇستىك قازاقستان وبلىسىندا تۇندە جانە تاڭەرتەڭ جەل تۇرىپ, شاڭدى داۋىل كوتەرىلەدى دەپ بولجانۋدا. شىعىس قازاقستان وبلىسىنىڭ كەيبىر اۋداندارىندا تۇندە جانە تاڭەرتەڭ تۇمان ءتۇسىپ, كۇندىز جەل كۇشەيەدى, بۇرشاق جاۋى مۇمكىن. سولتۇستىك قازاقستان وبلىسىندا جەل سوعىپ, تۇندە تۇمان تۇسەدى. پاۆلودار مەن قاراعاڭدى وبلىستارىنىڭ كەي ايماعىندا تۇندە جانە تاڭەرتەڭ تۇمان بايقالادى. كۇندىز اتىراۋ, باتىس قازاقستان, ماڭعىستاۋ, اقتوبە, قوستاناي وبلىسىنىڭ كەيبىر جەرلەرىندە اپتاپ ىستىق كۇتىلەدى. قىزىلوردا, وڭتۇستىك قازاقستان, جامبىل وبلىسىنىڭ كەي اۋماعىندا جوعارى ءورت قاۋپى ساقتالادى. ايان ءابدۋالي