دايىندىق ماسەلەلەرى قارالدى

قازاقستان پرەمەر-ءمينيسترى كارىم ءماسىموۆ 12 تامىزدا سوچيدە وتەتىن ەاەو ەلدەرى ۇكىمەت باسشىلارىنىڭ وتىرىسىنا دايىندىق ماسەلەلەرى بويىنشا كەڭەس وتكىزدى. سوچيدەگى كەڭەس تۋرالى شەشىم 2016 جىلعى مامىردا ساۋدا, كەدەندىك ىنتىماقتاستىق, ەكونوميكا جانە قارجى ساياساتى, ەنەر­­گەتيكا جانە ينفراقۇرىلىم سالا­­لارىنداعى ءوزارا ءىس-قيمىل ماسە­لە­لەرى جونىندەگى ەۋرازيالىق ۇكىمەت­ارالىق كەڭەس وتىرىسىندا قابىل­دانعان بولاتىن. كەڭەيتىلگەن قۇرامدا وتكەن ما­مىر­داعى كەڭەستە سويلەگەن ءسوزىن­­دە ۇكى­مەت­ارالىق كەڭەس ءتور­اعاسى – قازاق­ستان رەسپۋبلي­كاسى­نىڭ پرەمەر-مي­نيسترى ك.ءماسىموۆ ءتور­اعا­لىقتىڭ باسىم­دىقتارى رەتىن­دە قازاقستان 2016 جىل­دى ەاەو-تىڭ ءۇشىنشى ەلدەرمەن جانە باس­تى ينتەگراتسيالىق بىرلەستىكتەرمەن ەكو­­نوميكالىق قارىم-قاتىناستارىن تەرەڭ­دەتۋ جىلى دەپ جاريالاۋ­دى ۇسىنعا­نىن ەسكە سالدى. وسىعان باي­­لا­نىس­تى تاراپ­تار ءۇندىستان, يز­رايل, مىسىر, يران جانە باس­قا دا ەل­دەرمەن ەركىن ساۋدا اي­ما­­عىن قۇرۋ­دىڭ ماقساتتىلىعىن زەرتتەۋدە. «ەكونوميكالىق دامىعان جانە ين­ۆەستيتسيالىق تارتىمدى ەل­­دەر­مەن جانە بىرلەستىكتەرمەن ىن­تى­­ما­قاستىققا باسا نازار اۋ­دارۋ قاجەت. قازاقستان تاراپى ينتە­گرا­تسيا­لىق ۇدەرىستەردى ءبىزدىڭ ەل­دەر ءۇشىن شىعىس پەن باتىس ارا­سىن­داعى باي­لا­نىس­تىرۋشى بۋىن­عا, الەمدىك ەكو­نو­ميكانىڭ باسە­كە­­لە­ستىك قۇراۋ­شىسىنا اينالۋ مۇمكىندىگى رەتىندە قاراستىرادى», – دەگەن بولاتىن سول كەزدە ك. ءماسىموۆ. ەاەو ەلدەرى ۇكىمەت باسشى­لارى­نىڭ الداعى كەڭەسىندە ەكو­­نو­­ميكالىق ينتەگراتسيانىڭ ما­ڭىز­­دى ماسەلەلەرى قارالىپ, ونىڭ ءىشىن­­دە ەاەو كەدەن كودەكسىن قا­بىل­­­د­اۋ­دىڭ سوڭعى مەرزىمدەرى تۋرا­لى ماسەلە شەشىلدى. ەاەو كەدەن كودەكسى, سونداي-اق, وداقتىڭ ودان ءارى دامۋىندا ماڭىزدى مانگە يە باسقا دا ءبىر­قاتار قۇجاتتاردى كەلىسۋ 12 تامىز­دا سوچيدە جانە 28 قازاندا مينسكى­دە وتەتىن ۇكىمەتارالىق كەڭەس وتىرىس­تارىندا اياقتالادى دەلىنۋدە. «ەگەمەن-اقپارات»