لاڭكەستەرگە قارسى تۇرۋدان باس تارتقاندار قىزمەتىنەن بوساتىلدى

[caption id="attachment_54061" align="aligncenter" width="696"] فوتو: russia-now.com[/caption] يراكتا 100 مىڭنان استام اسكەري قىزمەتكەر دايش لاڭكەستىك ۇيىمىمەن سوعىسۋدان باس تارتقانى ءۇشىن قىزمەتىنەن كەتتى. rt.com مالىمەتى بويىنشا, مۇنداي جاعدايدىڭ قالىپتاسۋى 2014 جىلدىڭ العاشقى ايلارىنان باستالعان. «دايش سودىرلارىنا قارسى تۇرۋدان باس تارتقانى ءۇشىن 106 مىڭ ساربازدىڭ كەلىسىمشارتى قورعانىس مينيسترلىگىنىڭ شەشىمىمەن ۋاقىتىنان بۇرىن اياقتالدى», – دەدى مينيستر حالەد ال-وبەيدي. ول سونداي-اق, بۇل جاعدايدىڭ نەگىزىنەن يراك اسكەرى قۇرامىندا 2014 جىلدىڭ باسىنان قىزمەت ەتە باستاعاندارعا قاتىستى ەكەنىن ايتتى. الايدا, قىزمەتتەن بوساتۋ ءبىر مەزگىلدە جۇزەگە استى ما, الدە بىرنەشە ايعا سوزىلدى ما, ول جاعىنان ناقتى مالىمەت بەرمەدى. اتالعان لاڭكەستىك ۇيىم يراكتا 2014 جىلى كوكتەمنىڭ سوڭى مەن جازدىڭ باسىندا بەلسەندى شابۋىل جاساي باستادى. ەكسترەميستەر ءوزىنىڭ استاناسى دەپ ەسەپتەيتىن, كولەمى جاعىنان ەكىنشى ءىرى قالا – موسۋل ءىس جۇزىندە قارسىلىقسىز بەرىلدى. ەل بيلىگى, بۇل ستراتەگيالىق ماڭىزدى قالا, سوندىقتان ءبىرىنشى كەزەكتە موسۋلدى ازات ەتۋ كەرەك دەپ ەسەپتەيدى. ايان ءابدۋالي