«نۇرلى جول» نىساندارىمەن تانىستى

پارلامەنت ءماجىلىسىنىڭ دەپۋتاتى, ماجىلىستەگى «نۇر وتان» پارتياسى فراكتسياسىنىڭ مۇشەسى پاۆەل كازانتسەۆ وسكەمەن قالاسىنداعى «نۇرلى جول» باعدارلاماسى بو­يىنشا سالىنعان قۇرىلىس نىساندارىمەن تانىستى. دەپۋتات جۇمىس ساپارىن وبلىس ورتالىعىندا جاڭادان بوي كوتەرىپ جاتقان كوپقاباتتى تۇر­عىن ءۇي كەشەنىن كورۋدەن باس­تادى. اتالعان عيمارات نەگىزىنەن «قولجەتىمدى باس­پانا-2020» باعدارلاماسى بويىنشا سالىنىپ جاتىر. كوپپاتەرلى ءۇيدىڭ جالپى قۇنى 661,902 ميلليون تەڭگەنى قۇرايدى. قازىرگى تاڭدا قۇرى­لىستىڭ 90 پايىزى اياق­تال­عان. مەر­دىگەر مەكەمەنىڭ باس ينجە­نەرى يسمايل اليەۆتىڭ ايتۋىنشا, جۇمىس ءتارتىبى كەس­تەگە سايكەس ورىن­دالىپ كەلە­دى. «بۇگىنگى كۇنى ءبىر اۋى­سىممەن جۇ­مىس اتقارساق, كەلە­سى اپتادا نى­سان­دى بەلگىلەنگەن ۋاقىتىندا پاي­دا­لانۋعا بەرۋ ماقساتىندا ءۇش اۋى­سىم­مەن جۇمىس ىستەيتىن بولامىز», – دەدى ول. جوسپار بويىنشا, نىسان تامىز ايىنىڭ ورتاسىندا تاپسى­رىلۋى ءتيىس. پ.كازانتسەۆ «قازاقستان جيھاز جانە اعاش وڭدەۋ ءوندىرىس كاسىپورىندارىنىڭ قاۋىم­داس­تىعى» وكىلدەرىمەن دە كەز­دەسۋ وتكىزدى. باسقوسۋ بارىسىندا  ءماجىلىس دەپۋتاتى «100 ناقتى قادام» ۇلت جوسپارى, ەلباسى­نىڭ حالى­ققا جولداۋى جانە «ماڭگى­لىك ەل» ۇلت­تىق يدەياسىندا بەرىلگەن باعىت­­تار بويىنشا اڭگىمەلەپ, كوتەرىل­گەن ماسەلەلەردى باقىلاۋىنا الا­تىن­دىعىن ايتتى.  دۋمان اناش, «ەگەمەن قازاقستان» وسكەمەن