كۇن ساۋلەسىنىڭ قۋاتىمەن ۇشاتىن ۇشاق جەر شارىن اينالىپ ءوتتى

[caption id="attachment_53322" align="aligncenter" width="640"] redorbit.com[/caption] Solar Impulse 2 ۇشاعى العاشقى رەت جەر شارىن اينالىپ ءوتىپ, بىرىككەن اراب امىرلىكتەرىنە قوندى, دەپ حابارلادى جوبانىڭ ۇيىمداستىرۋشىلارى. vz.ru-دىڭ مالىمەتى بويىنشا, تەك كۇن ساۋلەسىنىڭ قۋاتىن پايدالاناتىن Solar Impulse 2 ۇشاعى ءوز ساياحاتىن 2015 جىلعى 9 ناۋرىزدا ءابۋ-دابي قالاسىنان باستادى. ول جولدا ومان, ءۇندىستان, ميانما, قىتاي, جاپونيا جانە اقش-تىڭ بىرنەشە قالاسىنا ايالدادى. بۇدان بۇرىن Solar Impulse ۇشاعىنىڭ ءبىرىنشى ۇلگىسى 2011 جىلدىڭ جازىندا حالىقارالىق جانە ترانسكونتينەنتالدىق اۋە ساپارلارىن جۇزەگە اسىرعان بولاتىن. كومپانيا جەر شارىن جانارمايسىز اينالىپ ءوتىپ, سول ارقىلى, جاڭارتىلمايتىن قۋات كوزدەرىنىڭ بالاماسى بار ەكەنىن دالەلدەۋدى ماقسات ەتكەن. الايدا, اتالعان ماقساتقا قول جەتكىزۋ ءۇشىن بۇدان دا جەتىلدىرىلگەن ۇشاق قاجەت بولدى. ونى دايىنداۋ جۇمىستارى 2012 جىلى باستالدى. Solar Impulse 2 ءبىر ورىندىق ۇشاعى العاشقى «كۇنۇشاقتىڭ» جەتىلدىرىلگەن ۇلگىسى. قاناتتارىنىڭ قۇلاشى 72 مەتردى قۇرايتىن بۇل ۇشاقتىڭ سالماعى نەبارى 2,3 توننا. بۇل – اۆتوكولىكتىڭ سالماعىمەن پارا-پار. ءتورت ەلەكتر قوزعالتقىشىنىڭ جابدىقتاۋ قاناتىنا جاڭارتىلاتىن قۋات كوزى بار 17 مىڭ كۇن باتارەياسى ورناتىلعان. جىلدامدىعى اۋا رايىنا بايلانىستى ساعاتىنا 50-دەن 100 شاقىرىمعا دەيىن بارادى. ايدار ورىسباەۆ