قىتايدا ەرەكشە ۇشاقتىڭ تانىستىرىلىمى ءوتتى

[caption id="attachment_52879" align="aligncenter" width="700"] فوتو: bbc.com[/caption] قىتاي الەمدەگى ەڭ ءىرى امفيبيا-ۇشاعىنىڭ ۇلگىسىن تانىستىردى. AG600-ءدىڭ ءبىر ەرەكشەلىگى كادىمگى اەرودرومداردان ۇشىپ-قونۋعا قابىلەتتى بولماق. bbc.com مالىمەتىنە سايكەس, سالتاناتتى ءراسىم اسپاناستى ەلىنىڭ گۋاندۋن پروۆينتسياسىندا بولعان. ينجەنەرلەردىڭ ايتۋىنشا, ول ورمان ءورتىن ءسوندىرۋ ءۇشىن, سۋ ۇستىندەگى قۇتقارۋ جۇمىستارىن جۇرگىزۋ ءۇشىن, سونىمەن قاتار وڭتۇستىك-قىتاي تەڭىزىنە جۇك تاسۋ ءۇشىن ارنالعان ەكەن. AVIC كورپوراتسياسى ونىڭ 4500 مەتر بيىكتىكتە 53,5 تونناعا دەيىن جۇك تاسىمالداي الاتىندىعىن مالىمدەدى. AG600 كولەمى جاعىنان امەريكانىڭ Boeing-737 ۇشاعىمەن بىردەي. Boeing – اۋە, عارىش جانە اسكەري تەحنيكالار شىعاراتىن الەمدەگى ەڭ ءىرى كومپانيالاردىڭ ءبىرى. ايتا كەتەيىك, بىرنەشە كۇن بۇرىن شانحاي قالاسىندا شاعىن گيدروۇشاقتىڭ اپاتقا ۇشىراعانىن حابارلاعان بولاتىنبىز. العاش رەت اۋەگە كوتەرىلگەن B-10FW اۆتوكولىك كوپىرىنە سوعىلىپ, بورتىنداعى 10 ادامنىڭ 5-ءى قازا تاپقان ەدى. ول تسزينشان اۋدانىنان چجوۋشان قالاسىنا قاراي باعىت الىپتى. ايان ءابدۋالي