زاڭنان اتتاعاندار جازالانباي قالمايدى

ەگەر پروكۋراتۋرا ورگاندارى مىندەتىنە ساي قىزمەت اتقارماسا نە بولار ەدى دەگەن وي كەلەدى. ويتكەنى, ەلىمىزدە قازىرگى كۇنى سىبايلاس جەمقورلىق, ادام ءولتىرۋ, زورلىق-زومبىلىق, الاياقتىق ءورشىپ تۇر عوي. «ساقتانساڭ – ساقتايدى» دەگەن­دەي, بۇل ورايدا, ادامعا ءتون­گەن بار­لىق كەلەڭسىزدىكتەن زاڭ­نىڭ ساقتالۋىن قاداعالاۋ ارقى­لى پروكۋرا­تۋرا ورگاندارى عانا قارا­پايىم حالىق­قا قورعان بولىپ تۇرعان سەكىلدى. سەبەبى, كونس­تي­تۋتسيامىز بويىنشا, الدىمەن ادامنىڭ قۇقى جەتە قور­عالۋى كەرەك. وسى ورايدا, جاسى­راتىن نەسى بار, پروكۋرورلار ەڭ­بەگىن اشىق ايتقان ءجون. وعان مىنا تومەندەگى ساندار ناقتى دالەل. ماسەلەن, الەۋمەتتىك-ەكو­نوم­يكا­­ل­ىق سالادا پروكۋرور­لار بيىلعى جارتىجىلدىق­تا عانا 360 مىڭ ادامنىڭ قۇقىقتارىن قورعاعان, ولاردىڭ جارتىسى – بالالار. قاداعالاۋ ورگاندارىنىڭ ىقپال ەتۋىمەن 40 مىڭ جۇمىسشى مەر­زىمى ءوتىپ كەتكەن 4 ملرد. تەڭگە جالاقى­لارىن العان. 2,5 مىڭ مۇگە­دەك جۇمىسقا ورنالاس­تىرىلىپ, 154 مۇگەدەك مەملەكەتتىك باسپانا العان. بۇعان قوسا, ۇلتتىق قورعا 12 ملرد. تەڭگە قايتارىلىپ, رەس­پۋب­ليكالىق بيۋدجەت 45 ملرد. تەڭگەگە تولىق­تىرىلعان. جالپى قۇنى 14 ملرد. تەڭگەنى قۇرايتىن زاڭسىز بولىنگەن جەر تەلىمدەرى مەم­لەكەتكە قاي­تارىل­عان. مۇنىڭ ءبارى كەشە باس پروكۋرور جاقىپ اسانوۆتىڭ ءتور­اعالىعىمەن ءوت­كەن كەڭەيتىلگەن القا ماجىلىسىندە ايتىلدى. جالپى, پروكۋراتۋرا ورگان­دارى ازاماتتاردىڭ, حالىقتىڭ الەۋ­­مەت­تىك ءالسىز توپتارىنىڭ جانە كاسىپ­كەرلەردىڭ بۇزىلعان قۇقىق­تارىن قالپىنا كەلتىرۋدە, ەلىمىز­دەگى زاڭدىلىق پەن قۇقىقتىق ءتار­تىپتى قامتاماسىز ەتۋدە جانە الەۋمەتتىك-ەكونو­ميكالىق تۇراق­تىلىقتى قول­داۋعا باعىتتالعان مەملەكەت باس­­شىسىنىڭ تاپسىر­مالارىن ورىنداۋدا ايتارلىقتاي قىزمەت ەتىپ كەلە جاتقانى انىق. مۇنىڭ راستىعىن ايقىن اڭعارىپ وتىر­مىز. ماسەلەن, پرو­كۋرورلار ار­ا­لاس­قاننان كەيىن عانا ىشكى ىستەر ورگاندارىنىڭ قىزمەتتىك بولمەلەرىنەن جانە ۋاقىتشا ۇستاۋ اباقتىلارىنان 205 زاڭ­سىز ۇستالعان ازامات بوس­تان­­دىق­قا شىعارىلدى. تەرگەۋ­شى­لەر قاماۋعا العىلارى كەلگەن 2 مىڭ كۇدىكتى دەر ۋاقىتىندا بوسا­تىلىپ ۇلگەرىلدى. پروكۋرورلاردىڭ نا­را­زى­­­لىق­تارى بويىنشا 182 سوت­­تا­ل­­عان جەڭىل جازا الدى. تۇتاس­تاي العان­دا پروكۋرورلاردىڭ باستا­ما­ل­ارى بويىنشا 698 سوت اكتىلەرى تۇزە­تىل­گەن. ازاماتتاردىڭ پايدا­سىنا 1 ملرد. 700 ملن. تەڭگەنى قۇراي­­تىن سوت شەشىمدەرىنىڭ ورىن­دالۋى­نا قول جەتكىزىلگەن. بۇعان قوسا, 14 مىڭ ازاماتتىڭ قۇقىقتارى قالپىنا كەلتىرىلىپ, وسى زاڭ بۇزۋ­شىلىقتار بويىنشا بىرنەشە لاۋازىم­دى شەنەۋنىك جازالاندى, سونىڭ ىشىندە 209 ادام قىلمىستىق جاۋاپ­­كەرشىلىككە تارتىلدى. وسىلايشا, القادا جەر قاتى­ناس­تارىن رەتتەۋ, ەڭبەك داۋ­­لارىن ەسكەرتۋ, ۇلەسكەرلەر قۇقىق­تارىن قورعاۋ, تەرىس پيعىلدى قۇرى­لىس­شىلاردىڭ قىزمەتىنە باقى­لاۋ­دى كۇشەيتۋ ماسەلەلەرى پرو­كۋرور­لاردىڭ ەرەكشە نازارىن تالاپ ەتەتىن نەعۇرلىم وزەكتى پرو­ب­لەمالار رەتىندە بەلگىلەندى. سون­داي-اق, ەكسترەميستىك كورىنىس­تەردىڭ الدىن الۋعا, تەرروريزم قاۋپىن, ولاردىڭ قوعام مەن مەم­لەكەتكە تيگىزەتىن تەرىس اسەر­­لەرىن ازايتۋعا باعىتتالعان جۇيە­لى جۇ­مىستى قامتاماسىز ەتۋ جۇك­­تەلدى. ءسويتىپ, پروكۋرورلار ودان ءارى دە ادام قۇقىن قورعاۋدا جاي­لاعان زاڭ­سىزدىقتاردى جويۋ ءۇشىن ادال قىزمەت ەتۋگە بەلدى بەكەم باي­لا­عان­دارىن ءبىلدىردى. الەكساندر تاسبولاتوۆ, «ەگەمەن قازاقستان»