كوكشەتاۋدا ەر كىسى دوسىنىڭ كولىگىن الىپ قاشىپ كەتتى

كوكشەتاۋدا ءبىر ەر كىسى دوسىنىڭ كولىگىن رۇقساتسىز ءمىنىپ, الىپ كەتىپ, جول-كولىك وقيعالارىنا ۇرىندى. اقمولا وبلىستىق ىشكى ىستەر باسقارماسى ءباسپاسوز قىزمەتىنىڭ حابارلاۋىنشا, اپاتتى وقيعا ومبى تراسساسىنىڭ بويىندا ورىن العان. وقيعا ورنىنا كەلگەن پوليتسيا قىزمەتكەرلەرى «ۆاز-21012» كولىگىن جۇرگىزۋشىنىڭ ماس ەكەنىن, ماشيناعا قاتىستى ەشقانداي قۇجاتى جوقتىعىن, ءتىپتى اۆتوموبيل جۇرگىزۋ جونىندەگى جانە جەكە كۋالىكتەرىنىڭ دە بولماي شىققانىن انىقتادى. بۇعان قوسا, جول-كولىك وقيعاسىن جاساعان جۇرگىزۋشى كولىكتىڭ ەگەسى دە بولماي شىقتى. اپات ءۇشىن ايىپتى ادام ءتارتىپ ساقشىلارىنا سودان ءبىر كۇن بۇرىن ءوزىنىڭ سولتۇستىك قازاقستاننان كوكشەتاۋعا كەلىپ, وسىنداعى تانىسىنىڭ ۇيىنە قونىپ قالعانىن, كەزدەسكەندەرى ءۇشىن ەكەۋىنىڭ اراق ىشكەندەرىن, ال ەرتەڭىنە ءۇي يەسىنىڭ جۇمىسقا كەتىپ بارا جاتىپ, جوندەۋ ءۇشىن كولىگىنىڭ كىلتىن تاپسىرىپ كەتكەنىن ايتىپ بەردى. مۇنىڭ ورنىنا ول ماشينانى الىپ قاشىپ كەتەدى. «ومبى تراسساسىنىڭ بويىندا ول «Wolkswagen Golf» كولىگىمەن بەتپە-بەت كەلىپ سوقتىعىسادى. باقىتتارىنا وراي, جول-كولىك وقيعاسىنا قاتىسۋشىلاردىڭ ەشقايسىسى پانلەندەي قاتتى زارداپ شەكپەگەن. «ۆاز-21012» ءاۆتوموبيلى جوندەۋگە كەلمەيدى. كۇدىكتىگە قاتىستى قىلمىستىق ءىس قوزعالدى», - دەلىنگەن حابارلامادا. ەندى كولىك الىپ قاشۋ وسى ءۇشىن سوت جۇزىندە جازا تارتۋمەن بىرگە, قارسى سوققان كولىگى مەن ءوزى ايداپ قاشقان ماشينانىىڭ شىعىندارىن وتەيتىن بولادى. باقبەرگەن امالبەك