فرانتسياداعى تەراكتىنى دايش سودىرلارى جاساعان

[caption id="attachment_51620" align="aligncenter" width="700"] فوتو: rbc.ru[/caption] فرانتسيانىڭ نيتستسا قالاسىندا تەررورلىق شابۋىلدى «يراك پەن لەۆانت» لاڭكەستىك ۇيىمى موينىنا الدى. بۇعان دەيىن جەرگىلىكتى بيلىك جۇك كولىگىمەن 84 ادامدى ولتىرگەن قاسكويدىڭ كىم ەكەنىن مالىمدەگەن بولاتىن. ول – 31 جاستاعى فرانتسيا ازاماتى. وسىعان دەيىن پوليتسيا قىزمەتكەرلەرى ونى كىشىگىرىم ۇرلىق ارەكەتتەرى مەن تارتىپسىزدىكتەرى ءۇشىن بىرنەشە رەت ۇستاعان ەكەن. «ءوزى ءبىرتۇرلى ادام بولاتىن. اينالاسىنداعى جۇرتتى سىيلامايتىن. سىرت كەلبەتى جامان ەمەس, بىراق كوزقاراسى, اسىرەسە, ايەلدەر مەن بالالارعا قاراعانى تىم سۇستى بولاتىن. كورشىلەرىنە جاقسىلىق ويلامايتىنىن ءبىز جاقسى بىلەتىنبىز», – دەدى قاسكويدىڭ كورشىسى. ايتا كەتەيىك, 14 شىلدەدە كەشكە تامان جۇك كولىگىن مىنگەن ول باستيليانى باسىپ الۋ كۇنىنە بايلانىستى وتشاشۋدى كورۋگە جينالعان ادامداردى قاعىپ كەتكەن. جۇك كولىگىن توقتاتپاستان, الدىنان شىققان ادامداردى ەكى شاقىرىم بويى قاعىپ جۇرە بەرگەن. ren.tv سايتىنىڭ اقپارى بويىنشا, ءتارتىپ ساقشىلارى كوپ ۇزاتپاي ونىڭ كوزىن جويعان. ارتىنشا, قالادا ارنايى وپەراتسيا جۇرگىزىلدى. ەل بيلىگى تەررورلىق شابۋىلدان قازا تاپقاندارعا ارناپ 16-18 شىلدە كۇندەرى جالپىۇلتتىق ازا تۇتۋدى جاريالادى. ايان ءابدۋالي