• 16 شىلدە, 2016

تۇركيادا اسكەري توڭكەرىس ۇيىمداستىرۋعا ارەكەت جاسالدى

297 رەت

كورسەتىلدى

1 مين

وقۋ ءۇشىن

Egemen Qazaqstan

Turkish soldiers secure the area as supporters of Turkey's President Recep Tayyip Erdogan protest in Istanbul's Taksim square, early Saturday, July 16, 2016. Turkey's prime minister says a group within Turkey's military has engaged in what appeared to be an attempted coup. Binali Yildirim told NTV television: "it is correct that there was an attempt." (AP Photo/Emrah Gurel)

شىلدەنىڭ 16-سىنا قاراعان ءتۇنى تۇركيادا اسكەري توڭكەرىس ۇيىمداستىرۋعا ارەكەت جاسالدى. ريا «نوۆوستي» اگەنتتىگىنىڭ حابارلاۋىنشا, وقيعالار انكارا مەن ىستانبۇلدا ورىن العان. بيلىك قازىر جاعدايدىڭ باقىلاۋدا ۇستالىپ وتىرعانىن مالىمدەيدى. الايدا, كوز كورگەندەردىڭ ايتۋلارىنشا, ب ۇلىكشىلەر قارسىلاسۋلارىن ءالى دە توقتاتىپ جاتقان جوق. ۇلتتىق بارلاۋ قىزمەتىنىڭ مالىمەتىنشە, پۋتچ ۇيىمداستىرۋعا قارۋلى كۇشتەر مەن جاردارمەنيا بولىمشەلەرى قاتىسقان. الدىمەن اسكەريلەر تۇركيا سپۋتنيكتى تەلەجەلىسى مەن Doğan Media Group حولدينگى عيماراتتارىن باسىپ العان. ولاردا CNN Türk تەلەارنالارى مەن Hürriyet گازەتىنىڭ رەداكتسيالارى ورنالاسقان. پروكۋراتۋرا انكاراداعى اسكەري توڭكەرىس جاساۋ ارەكەتىنىڭ بارىسىندا 42 ادامنىڭ قازا تاپقانىن ايتىپ وتىر. Anadolu Ajansı باعىنۋعا كونبەگەن تىكۇشاقتاردى اتىپ ءتۇسىرۋ ءۇشىن اۋەگە اسكەري ۇشاقتاردىڭ كوتەرىلگەنىن حابارلادى. بۇدان بۇرىن تۇركيا پرەمەر-ءمينيسترى بينال يىلدىرىم انكاراداعى تۇرىك پارلامەنتىن اتقىلاپ جۇرگەن تىكۇشاقتى اتىپ ءتۇسىرۋ ءۇشىن ەسكيشەحير اۆيابازاسىنان يسترەبيتەلدەردى كوتەرۋ جونىندە بۇيرىق بەردى. سوڭىنان بۇل تىكۇشاقتىڭ اتىپ تۇسىرىلگەنى جەتكىزىلدى. AFP حابارلاعانداي, تۇركيا پرەزيدەنتىنىڭ انكاراداعى سارايىنا بومبا تاستالعان. ال تۇركيا پرەزيدەنتى رەدجەپ تايپ ەردوعان بۇل كەزدە ىستانبۇلدا بولعان. مەملەكەت باسشىسى دەمالىپ جاتقان مەيمانحانانىڭ كۇزەتىندەگى ءبىر پوليتسەي ب ۇلىكشىلەرمەن اتىس كەزىندە قازا تاپقان. مۇرات ايتقوجا