- ەۋرازيالىق ەكونوميكالىق كوميسسيا مەديتسينالىق بۇيىمداردى ورتاق نارىققا شىعارۋ ءۇشىن ەۋرازيالىق ەكونوميكالىق وداقتىڭ نورماتيۆتىك بازاسىن قۇرۋدى اياقتادى. قۇجات مەديتسينالىق بۇيىمدى قولدانۋداعى ءمىندەتتى تالاپتاردى قولدانۋ تۇرعىسىنان قۇقىقتىق رەتتەۋ قارىم-قاتىناسىن ورناتادى. سونىمەن قاتار, ەاەو ەلدەرىمەن ساراپتامانىڭ بۇل تالاپتارعا سايكەستىگىن جۇرگىزەدى.
- «ەكسپو-2017» ۇلتتىق كومپانياسى وتاندىق تۋروپەراتورلارمەن بىرلەسە وتىرىپ, قازاقستان بويىنشا 73 تۋريستىك مارشرۋت ازىرلەدى. كورمەگە كەلگەن ءاربىر تۋريست ەلوردانىڭ كورىكتى جەرلەرىمەن تانىسىپ قانا قويماي, قازاقستاننىڭ تاريحي جانە مادەني نىساندارىن كورۋ مۇمكىندىگىنە يە بولادى.
- «ازاماتتارعا ارنالعان ۇكىمەت» قىزمەت كورسەتۋ ساپاسىن ءارى قاراي ارتتىرۋ شارالارىن قابىلداۋدا. فيليالدار قىزمەتىن باعالاۋ ءۇشىن KPI دەپ اتالاتىن «نەگىزگى تيىمدىلىك كورسەتكىشتەرى» ازىرلەندى. مۇندا مەملەكەتتىك قىزمەتتەردى ەلەكتروندىق فورماتتا كورسەتۋ ۇلەسى, كومپوزيتتىك قىزمەتتەردى ەندىرۋ, فرونت-وفيستەردى جاڭعىرتۋ كورسەتكىشتەرى ۇسىنىلادى.
- جىلجىمالى مەديتسينالىق كەشەندەر 7 وبلىستىڭ شالعاي اۋداندارىنا بارادى. 20 ماۋسىم مەن 20 شىلدە ارالىعىندا وبلىستىق تۋبەركۋلەزگە قارسى ديسپانسەر ماماندارى باتىس قازاقستان وبلىسىنىڭ اقجايىق, تەرەكتى, قازتالوۆ, ءبورلى اۋداندارىندا فليۋوروگرافيالىق تەكسەرۋ جۇرگىزەدى.
- وڭتۇستىك قازاقستان وبلىسى شاردارا اۋدانىندا 1 مىڭ گەكتاردان استام ەگىستىك القابى قايتا اينالىمعا قوسىلماق. اتاپ ايتساق, ق.تۇرىسبەكوۆ, قوسسەيىت, كوكسۋ اۋىلدىق وكرۋگتەرىندە جالپى ۇزىندىعى 94,4 شاقىرىم كانالدى جوندەۋدەن وتكىزۋ جوسپارلانىپ, بۇگىنگە دەيىن ونىڭ 76,9 شاقىرىمى قايتا قالپىنا كەلتىرىلدى. سونىمەن قاتار, 110 دانا اعىن سۋ توسپالارىنىڭ 61-ءى جاڭارتىلدى.
- بيىل اقتوبە وبلىسىندا «جۇمىسپەن قامتۋدىڭ جول كارتاسى-2020» باعدارلاماسىنىڭ ءبىرىنشى باعىتىن ىسكە اسىرۋعا رەسپۋبليكالىق بيۋدجەتتەن 1,9 ملرد. تەڭگە ءبولىندى. وسى قاراجات ەسەبىنەن 49 ينفراقۇرىلىمدىق نىساندى جوندەۋ جوسپارلانۋدا, ونىڭ 45-ءى كۇردەلى جوندەۋ جانە 4-ءى اعىمداعى جوندەۋدەن وتەدى. جوندەلەتىن عيماراتتاردىڭ 37-ءسى ءبىلىم بەرۋ, 6 دەنساۋلىق ساقتاۋ, 5 مادەنيەت جانە 1 دەنە شىنىقتىرۋ نىسانى.
