كۇزەتشى روبوت بۇزاقىلىق جاسادى

ستەنفورد قالاسىنداعى ساۋدا ورتالىعىندا كۇزەت­شى روبوت ءتارتىپ بۇزدى. ول ءبىر جارىم جاسقا ەندى تولاتىن بالدىرعاندى الدىمەن ۇرىپ قۇلاتىپ, ارتىنشا اياعىن باسىپ كەتىپتى. مودەلى Knightscope K5 روبوتتىڭ بيىكتىگى ءبىر جارىم مەترگە جۋىقتايدى, سالماعى 140 كيلو. ساۋدا ورتالىعىندا وزىنە ءتيىستى اۋماقتا ءتارتىپ بۇزعانداردى تىركەپ وتىراتىن روبوت ەندى ءوزى ءتارتىپ بۇزىپ وتىر. جانسىز ماشينادان تاياق جەگەن دارۆين چەن ەسىمدى بالدىرعاننىڭ اناسى: «روبوت مەنىڭ ۇلىمدى باسىنان ۇرىپ جىبەردى, ۇلىم ەدەنگە ەتپەتىنەن قۇلاپ ءتۇستى. سوسىن سەزىمنەن جۇر­داي تەمىر ۇلىمنىڭ اياعىن باسىپ ءوتىپ, كەتىپ قالدى», دەيدى. روبوت ساۋدا ورتالىعىنا ءبىر جىل بۇرىن جۇمىسقا قابىلدانعان ەكەن. كامە­رالارمەن جانە باسقا دا سەزگىش تەتىكتەرمەن جاب­دىقتالعان ماشينا شەكتەن تىس قاتتى ايقاي-شۋ مەن قوزعالىستاردى تىركەپ وتىرادى. Knightscope K5-ءتىڭ ءتار­تىپسىزدىگىنەن اۋ­زى كۇيگەن ورتالىق قىز­مەت­كەرلەرى ەندى ساۋ­دا ور­تالىعىنا كەلگەن با­لا­لار­دىڭ قاۋىپسىزدىگى ءۇشىن باس اۋىرتۋدا. ارنۇر اسقاروۆ, «ەگەمەن قازاقستان»