دارىگەرلەردىڭ قونىس تويى

بىلتىر مەديتسينا قىزمەت­كەر­لەرى ءۇشىن مەرەيلى جىل بولدى. 225 جوعارى ءبىلىمدى دارىگەرلەر مەن مەيىربيكەلەر جايلى پاتەر­لەرگە جايعاسىپ, ۇلكەن قۋانىشقا كەنەلگەن بولاتىن. بيىل جاقسى ءداستۇر ودان ءارى جالعاسىن تاپتى. جاقىندا «يۋبيلەينىي» شا­عىن اۋدانىندا 75 پاتەرلى ءۇيدىڭ قۇرىلىسى اياقتالىپ, اق حالاتتى ابزال جانداردىڭ يگىلىگىنە بەرىلدى. ونىڭ اشىلۋ سالتاناتىنا قا­تىسقان وبلىس اكىمى سەرىك ءبىلالوۆ ەلباسى نۇرسۇلتان نازارباەۆ قازاقستان حالقىنا جول­داۋىندا تۇرعىن ءۇي ساياساتىنا ۇلكەن با­سىمدىق بەرگەنىن, ازا­مات­تاردىڭ ءومىر ساپاسىنىڭ وزىق كورسەتكىشى – تۇرعىن ءۇي جايلى­لىعىنىڭ دەڭ­گەيىن ارتتىرۋ با­عى­تىندا ۇلكەن مىندەتتەر جۇكتەل­گەنىن ايتا كەلىپ, وتكەن جىلى  100 مىڭ شار­شى مەتر باسپانانىڭ قولدانىسقا بەرىلگەنىن جەتكىزدى. پاتەردىڭ كىلتتەرى پەريناتال­دىق ورتالىقتىڭ اكۋشەر-گينە­كو­لوگى يۋليا ەلتسيناعا, №2 قالا­لىق  ەمحانانىڭ مەيىربيكەسى با­قىتجان قادىربەكوۆاعا, ۋچاسكەلىك دارىگەر التىن كاراباليناعا, تاعى باسقالارىنا سالتاناتتى تۇردە تابىس ەتىلدى. ولاردىڭ ارا­سىندا مەديتسينالىق اكادەميانى ءبىتىرىپ كەلگەن جاس مامان ارمان ءمۇسايىپوۆتىڭ وتباسى دا بار. جۇمىس ءوتىلى شيرەك عاسىرعا جۋ­ىق­تاعان قالالىق بالالار ەمحا­ناسىنىڭ پەدياترى ماريامگۇل سا­ريەۆا جايلى باسپانا بۇيىر­عا­نىنا ءدان ريزا. كارديولوگيالىق ورتالىقتىڭ مەيىربيكەسى وكسانا ۋدارتسەۆا ەلىمىز تاۋەلسىزدىك العان جىلى  ەڭبەك جولىن باستاعان ەك­ەن. سودان بەرى ءبىر سالادا تاپ­جىلماستان ەڭبەك ەتىپ كەلە جات­قانىن ماقتانىش ەتەدى. ءومىر ەسقالي, پەتروپاۆل.