زارداپ شەككەندەر اراسىندا قازاقستاندىقتار جوق

كەشە سىرتقى ىستەر مينيسترلىگىنىڭ ءباسپاسوز حاتشىسى ءانۋار جايناقوۆ جۋرناليستەرگە فرانتسيانىڭ نيتستسا قالا­سىنداعى تەررورلىق اكتىگە بايلانىستى حابارلاما جاسادى. ونىڭ اتاپ وتۋىنشە, تەراكتىدەن كەيىن قازاقستاننىڭ فرانتسياداعى ەلشىلىگىنە بەس قازاقستاندىق حابار­لاسقان. ولاردىڭ تورتەۋى وقيعا ورنىندا بولعانىن جانە قاندى وقيعانى كوزدەرىمەن كورگەندەرىن ايتقان. تاعى ءبىر قازاقستاندىق ەلشىلىككە تاڭەرتەڭ حابارلاسقان. تەررورلىق شابۋىل كەزىندە ول نيتستسا جاعالاۋىندا بولماعان, نيتستساعا بەيسەنبى كۇنى كەشكە بارعان ەكەن. سىرتقى ىستەر مينيسترلىگىنىڭ اقپاراتى بويىنشا, تەراكتىدەن كەيىن ديپلوماتيالىق ميسسياعا قازاقستاننىڭ ءبىر ازاماتى حابار­لاسىپ, ءوزىنىڭ اعىلشىن جاعالاۋى ماڭىن­داعى قوناق ۇيدە ەكەنىن, ونىمەن بىرگە تاعى ءۇش ادام بار ەكەنىن جەتكىزىپتى. «ولار ءوز ومىرلەرى ءۇشىن الاڭداعان. قازا تاپ­قان­داردىڭ مايىتتەرى مەن جارالانعانداردى تەرەزەدەن كورگەنىن ايتىپ, كومەك سۇراعان. ءبىزدىڭ ديپلوماتتار ولارعا ۋاقىتىندا قاۋىپسىزدىك شارالارىن ءتۇسىندىرىپ, قاۋىپ­تەن ساقتانۋ جونىندە كەڭەستەر بەردى. قازىر ولار قاۋىپسىز جەردە, ەشقايسىسى جاپا شەك­كەن جوق, – دەدى سىرتقى ىستەر مينيسترلىگى ءباسپاسوز قىز­مەتىنىڭ باسشىسى ءانۋار جايناقوۆ. ءا.جايناقوۆ ولاردىڭ نيتستساعا دەمالۋعا بارعان وتباسى ەكەنىن اتاپ ءوتتى. ونىڭ حاباردار ەتۋىن­شە, ولاردى ەلگە جەتكىزۋ بويىن­شا كومەك قا­جەت ەمەس. الاي­دا, قازاقستاندىق كونسۋلدار ولار­مەن باي­لانىس ۇس­تاپ وتىر, قوسىمشا كومەك قا­­جەت بول­عان جاعدايدا ءجار­­دەمدەسۋگە دايىن. «نيتس­تس­ا­دا بولعان تەراكتىگە باي­لا­نىستى فرانتسيا حال­­قىنا كوڭىل ايتامىز, – دە­دى ول ءارى قاراي. الدىن الا ءما­لى­­مەت بويىنشا, قازا تاپ­قا­ندار مەن زارداپ شەك­كەندەر ارا­سىن­دا قازاق­ستاندىقتار جوق». شىلدەنىڭ 14-ءى كۇنى نيتستسا جاعالاۋىندا باستي­ليا قامالىن الۋ كۇنىن مەرە­كەلەۋ كەزىندە جۇك كولىگى وت­شا­شۋدى تاماشالاۋعا جي­نال­عان ادامداردى باسىپ-جان­شىپ, ەكى شاقىرىمداي جۇرگەن. شابۋىل سالدارىنان 84 ادام قازا تاپتى, ونىڭ ءىشىن­دە بالالار دا بار. تاعى 18-ءى اۋىر جاراقاتپەن اۋرۋ­حا­نا­عا جەتكىزىلدى, جال­پى 100-دەن استام ادام جارا­قاتتانعان. فرانتسۋزدىق باق جۇك كولىگىنەن 31 جاستاعى نيتستسا تۇرعىنىنىڭ جەكە كۋالىگىن تاپقانىن, ونىڭ فرانتسيامەن قاتار, تۋنيس ازاماتى بولعانىن حابار­لادى. پوليتسيا جۇك كولىگىنىڭ جۇرگىزۋشىسىن اتىپ تاستادى. كۇش قۇرىلىمدارى ونىڭ سىبايلاستارىنىڭ بولعانىن, نە بولماعانىن انىقتاپ جاتىر. ءاليسۇلتان قۇلانباي, «ەگەمەن قازاقستان»