101 جاستاعى اقساقال

وتا جاساعاننان كەيىن ءوز اياعىمەن جۇرەتىن دارەجەگە جەتتى قاراعاندىداعى ماقاجانوۆ اتىنداعى وبلىستىق تراۆماتولوگيا جانە ورتوپەديا ورتالىعىندا جاسى 101-دەن اسقان شاۋكەي جۇقان ۇلى دەگەن اقساقالعا وتا جاسالدى. كارى كىسى ۇيىندە جازاتايىم قۇلاپ, جامباسىنىڭ باسىن سىندىرىپ العان ەكەن. «بۇرىن جامباسىنىڭ باسى سىنعان كارى ادامدار جارتى جىلدان كەيىن جاراقاتى اسقىنىپ, و دۇنيەگە اتتانىپ كەتەتىن. قازىر مەملەكەتتىڭ كومەگىنىڭ ارقاسىندا ءبىز شەتەلدىڭ تەحنولوگياسىن پايدالانا وتىرىپ, ناۋقاستارعا ءساتتى وتا جاساپ ءجۇرمىز», – دەيدى ورتالىق ديرەكتورىنىڭ ەمدەۋ ءىسى جونىندەگى ورىنباسارى بەرىك تولەۋباەۆ. ايتسا ايتقانداي, اقسۋ-ايۋلى ەلدى مەكەنىنەن كەلگەن اقساقالعا ەندوپروتەز ءتاسىلى قولدانىلىپتى. ناۋقاس وتا جاسالعاننان كەيىن ەكى كۇن وتكەندە قولارباعا سۇيەنىپ, ءوز اياعىمەن جۇرەتىن حالگە جەتكەن. شاۋكەي اقساقالدىڭ 70-تەگى ۇلى جانات جۇقانوۆ اكەسى تۋرالى بىلاي دەيدى: – قاريا بۇگىنگى كۇندە 101 جاستان استى. ول كىسى ءومىرى شىلىم شەگىپ, «اششى سۋدان» تاتىپ كورگەن ادام ەمەس. كوپ قيمىلدايدى. ەڭ باستىسى, اكە­مىزدىڭ ادام بالاسىمەن سوزگە كەلگەنىن كورگەن ەمەسپىز. سابىرلى قال­پى­نان اينىعان ەمەس. مۇمكىن, ۇزاق جاساۋى­نىڭ ءبىر سىرى وسىندا جاتقان شىعار... جۇقانوۆتار وتباسى اقارلى-شا­قارلى ەكەن. شاۋكەي اقساقالدىڭ باۋىرىنان 8 بالا وربىگەن. بۇگىنگى كۇندە اۋلەتتە 23 نەمەرە, 27 شوبەرە جانە 1 شوپشەك بار. اقساقال بالالارىنىڭ ءبارىن ەل قاتارلى وقىتىپ, جاقسى ازامات ەتىپ تاربيەلەپ وسىرگەن. قايرات ءابىلدينوۆ, «ەگەمەن قازاقستان» قاراعاندى