زاڭ بۇزۋشىنى تۇرعىندار دا اشكەرەلەيدى

الماتىدا جۇرگىزۋشى مۇمكىندىگى شەكتەۋلى اۆتوجۇرگىزۋشىلەر تۇراعىنا كولىك قويعانى ءۇشىن 100 مىڭ تەڭگەدەن اسا ايىپپۇل تولەۋگە ءماجبۇر بولدى. جۋىردا عالامتور بەتتەرىندە قىمبات 2 ءاۆتوموبيلدىڭ مۇگەدەك جۇرگىزۋشىلەرگە ارنالعان اۆتو­تۇراقتا تۇرعان سۋرەتى جارىق كورىپ, قوعامدا كەڭىنەن تالقىعا تۇسكەن ەدى. ەل اۋزىنا ىلىككەن ماسەلە قالالىق ءتارتىپ ساقشىلارىنا دا جەتىپ, ولار كولىك يەلەرى تۋرالى تەكسەرىس جۇرگىزگەن. زاڭعا قايشى ارەكەت جاساعان ولاردىڭ ءبىرىنىڭ ۇستىنەن اكىمشىلىك قۇقىق بۇزۋ فاكتىسى بويىنشا ءىس قارالىپ, 591-باپتىڭ 4-تارماعى بويىنشا 50 ايلىق ەسەپتىك كورسەتكىشكە ساي, 106050 تەڭگە ايىپپۇل سالىندى. – مۇمكىندىگى شەكتەۋلى جان­دارعا ارنالعان اۆتوتۇراقتا تۇرعان قوس كولىكتىڭ ءبىرى – «اۋدي» ماركالى اۆتوموبيل زاڭدى تۇلعا­نىڭ اتىنا تىركەلگەن ەكەن, كولىك يەسى بىزگە ءوزىنىڭ ءىى توپتاعى مۇگەدەك ەكەندىگىن راستايتىن قۇجاتىن كورسەتتى. دەمەك, ونىڭ تاراپىنان زاڭ بۇزۋ فاكتىسى تىركەلمەگەن. ال «مەرسەدەس» كولىگىنىڭ يەسى ءوزىنىڭ زاڭ بۇزعانىن مويىنداپ, اكىمشىلىك قۇقىق بۇزۋ اياسىندا ايىپپۇل تولەۋگە مىندەتتەيتىن زاڭ ەرەجەسىنە قارسىلىعى جوق ەكەندىگىن مالىمدەدى, – دەدى قا­لالىق ىشكى ىستەر باسقارماسى جەر­گىلىكتى پوليتسيا قىزمەتىنىڭ باس­شىسى, پوليتسيا پودپولكوۆنيگى جاسۇلان بايكەنوۆ. جەرگىلىكتى پوليتسيا قىز­مەت­كەرلەرى قالا تۇرعىندارىنىڭ عالامتور بەتىندە زاڭ بۇزۋ­شى­لىققا قارسى اشىق پىكىر ءبو­لى­سۋلەرى نا­زاردان تىس قالاتىن قۇ­قىق­ بۇ­زۋشىلىقتاردى اشكەرە ەتەتىن­دىگىن ايتىپ, قالا ءتارتىبى مەن زاڭ تالابىنىڭ ساقتالۋىنا قوسقان ۇلەستەرى ءۇشىن ءوز العىسىن ءبىلدىردى. قانات ەسكەندىر, «ەگەمەن قازاقستان» الماتى