جاركەنتتەگى جاڭا مەشىت

جەتىسۋلىق بيزنەسمەندەر بيزنەسىن ورگە دومالاتىپ قانا قويماي, قوعامنىڭ رۋحاني تاربيەسىنە ۇلەس قوسۋدا. ايتالىق, جازيرالى جاركەنتتىڭ كاسىپكەرلەرى ءدىلمۇرات كوزيەۆ, سەرىك اق­سۋباەۆ جانە تاسقىن جا­­پار­قۇل جاڭا مەشىت قۇ­رى­لىسىنا 1 ملن. اقش دوللارى كولەمىندە قاراجات سالدى. قۇرىلىس 2015 جىلى باستالىپ, تاياۋدا عانا اياقتالىپ, قاسيەتتى جۇما كۇنى پايدالانۋعا بەرىلدى. ساۋلەتتى قۇرىلىس قاسيەتتى ورىن عانا ەمەس كورنەكتى ءما­دەني نىسانعا اينالدى. مەشىتكە 1000 ادام سىيادى. ىرگەسىندە 50 بالاعا ارنالعان مەدرەسە دە پايدا بولىپ, 1,5 گەكتار جەردە بالالار الاڭى بوي كوتەرمەك. مەشىتتىڭ اشىلۋ سالتاناتىنا قازاقستان مۇسىلماندارى ءدىني باسقارماسىنىڭ باسشىسى, باس ءمۇفتي ەرجان مال­عاجى ۇلى قاتىسىپ, كا­سىپكەرلەرگە يگىلىكتى ءىسى ءۇشىن العىس ايتتى. – جاركەنتتە جاڭادان اشىل­­عان مەشىت الماتى وبلى­سىنداعى 425-ءشى مەشىت بولدى. كاسىپكەرلەرىمىز ءبىرىنشى اللانىڭ, سوسىن اۋىل­داستا­رىنىڭ الدىنداعى پارىزىن وتەۋ ءۇشىن ءوز قاراجاتتارىن جۇم­سادى. قايىرىمدىلىق تانىتا وتىرىپ, اۋىل ادام­دارىنىڭ تىلەگىن ورىندادى. بۇل نىساندار وسكەلەڭ ۇرپاقتى ۋاقىت تالابىنا ساي ءبىلىم الۋعا, وتاندى سۇيۋگە تاربيەلەسە دەگەن باس­تى ماق­ساتىمىز بار, – دەيدى ال­ماتى وبلىسى بويىنشا كا­سىپكەرلەر پالاتاسىنىڭ ديرەكتورى ءلاززات شىڭعىسباەۆا. نۇربول الدىباەۆ, «ەگەمەن قازاقستان» الماتى وبلىسى, پانفيلوۆ اۋدانى