GGG

وسىنداي پوشتا ماركاسى شىقتى «قازپوشتا» اكتسيونەرلىك قوعامى قازاقستاندىق بوكسشى گەننادي گولوۆكينگە ارنالعان بەس ماركادان تۇراتىن پوشتالىق توپتامانى اينالىمعا شىعاردى. – الەمگە ايگىلى بوكسشىلا­رىمىزدىڭ ءبىرى ءبىزدىڭ پوشتا ماركالارىمىزعا شىعارىلدى. گەننادي قازاقستان بوكسىن ناسيحاتتاۋ ءۇشىن, ەلىمىزدى تورتكۇل دۇنيەگە تانىمال ەتۋ ءۇشىن وتە كوپ دۇنيەلەر جاسادى, – دەدى باسقارما توراعاسى باعدات مۋسين. پوشتا ماركالارىنىڭ نومينالدارى – «ا» ليتەرلەرى 121 تەڭگە, سالماعى 20 گرامعا دەيىنگى زاڭدى تۇلعالارعا ارنالعان جەرۇستى كولىگىمەن تاسىمالداناتىن قالىپتى حاتتى جىبەرۋگە ارنالعان تاريفكە سايكەس كەلەدى. «ۆ» ليتەرلەرى – 200 تەڭگە, 20 گرامعا دەيىنگى جەرۇستى كولىگىمەن تمد ەلدەرىنە تاسىمالداناتىن قالىپتى حاتتى جونەلتۋگە ارنالعان, «س» ليتەرلەرى – 218 تەڭگە, سالماعى 20 گرامعا دەيىنگى جەرۇستى كولىگىمەن قازاقستان اۋماعى بويىنشا تاسىمالداناتىن قا­لىپتى حاتتى جونەلتۋگە جارايدى. ايتا كەتەيىك, گەننادي  گولوۆكين – ورتا سالماق دارەجەسىندە WBA, WBC, IBF جانە IBO تۇجىرىمدارى بويىنشا الەم چەمپيونى. ول 10 قىركۇيەك كۇنى لوندون قالاسىندا بريتانيالىق كەلل برۋكپەن كەزەكتى جەكپە-جەگىن وتكىزەدى. قازاق­ستاندىق بوكسشى وسىعان دەيىن وتكىزگەن 35 كەزدەسۋىنىڭ بارىندە جە­ڭىسكە جەتىپ, ولاردىڭ 32-ءىن نوكاۋتپەن اياقتاعان. ال 30 جاستاعى بريتانيالىقتىڭ ەنشىسىندە 36 جەكپە-جەك. بارىندە قارسىلاستارىن ۇتىپ, 25-ءىن ۋاقىتىنان بۇرىن اياقتاعان. ايان ءابدۋالي, «ەگەمەن قازاقستان»