«جىبەك جولى» – كاسپي ايدىنىندا»

مەملەكەت باسشىسى ەلىمىزدىڭ كولىك-لوگيستيكالىق الەۋەتىن ارتتىرۋ جونىندە كەلەلى مىندەت قويىپ وتىر. وسىعان بايلانىستى «قازاقستان تەمىر جولى» ۇك» اق توعىز جولدىڭ تورابىندا ورنالاسقان قازاقستاننىڭ جۇك تاسىمالى الەۋەتىن ارتتىرۋعا باسىمدىق بەرىپ كەلەدى. ۇستىمىزدەگى جىلدىڭ 12 شىلدەسىندە «قتج» ۇك» اق تاپسىرىسىمەن ارنايى جاسالعان 7500 توننا جۇك كوتەرەتىن «جىبەك جولى» قۇرعاق جۇك كەمەسى رەسەيلىك شليسسەلبۋرگتە سۋعا ءتۇسىرىلدى. قازاقستاندىق جاڭا كەمەنى سۋعا ءتۇسىرۋ سالتاناتىنا «قتج» ۇك» اق پرەزيدەنتى اسقار ما­مين, رەسەي فەدەراتسياسى كولىك ءمينيسترىنىڭ ورىنباسارى ۆيك­تور ولەرسكي, لەنينگراد وبلىسى ۇكىمەتى توراعاسىنىڭ ءبىرىن­شى ورىن­باسارى – قارجى كوميتە­تىنىڭ توراعاسى رومان ماركين قاتىس­تى. سالتاناتتى شاراعا قاتىسۋ­شىلار الدىندا «قتج» ۇك» اق پرە­زيدەنتى اسقار مامين ءسوز سويلەدى. ول اتالمىش شارانىڭ مەم­لەكەت باسشىسىنىڭ تىكەلەي تاپ­­سىر­­ماسىمەن اتقارىلىپ وتىرعان­­دىعىن اتاپ كورسەتتى. بۇل جوبا – «نۇرلى جول» باعدار­لا­ما­سىنداعى جوبالاردى جۇزە­گە اسىرۋ, قازاق­ستان رەسپۋب­لي­كا­سى­نىڭ قۇرعاق جۇك فلوتىن دامى­تۋ, ەلى­مىزدىڭ تران­زيتتىك كولىك­تىك الەۋە­تىن جەتىلدىرۋ ماقسات­تارى­نان تۋىنداپ وتىرعان ماڭىز­دى مىندەت ەكەندىگىن دە تىلگە تيەك ەتتى. «جاڭا كەمەنىڭ اتىن قازاق­ستان پرەزي­دەنتى نۇرسۇلتان نازار­باەۆ­تىڭ «جىبەك جولى» دەپ اتاۋى دا تەگىن ەمەس. ويتكەنى, قازاقستان مەن «قتج» ۇك» اق-تىڭ دامۋ سترا­تە­گياسىنا وراي, كاسپي ينفرا­قۇ­رىلىمىن جەتىلدىرۋ مەن تەڭىز فلوتىن قۇرۋ ارقىلى مۋلتيمو­دالدىق تاسىمالداۋدى جيىلەتۋگە باسا نازار اۋدارىلىپ وتىر», دەدى اسقار مامين. 2013 جىلى قۇرىلعان «KTZ Express Shipping» كەمە كوم­پا­نيا­سى سىيىمدىلىعى 5 مىڭ تون­نالىق ەكى قۇرعاق جۇك كەمە­لەرىن ساتىپ العان بولاتىن. بۇل كەمەلەر بۇگىندە «ءوز جۇگى­مىز, ءوز پورتىمىز, ءوز  فلوتىمىز» قاعيداسىمەن اس­تىق, مەتالل ونىمدەرى جانە باسقا دا قۇر­عاق جۇكتەر تاسىمالداۋدا. بيىلعى جىلى فلوت ەكى جاڭا كەمەمەن –  «جىبەك جولى» جانە «اتا­­­­مەكەن» جۇك كەمەلەرىمەن تو­لى­عادى. وتكەن ماۋسىم ايىندا زاگ­­رەب­تە «قا­زاق­ستان تەمىر جولى» ۇك» اق پرە­زيدەنتى ا.ما­مين مەن «ۋليا­­نيك» كەمە جاساۋ كوم­پا­- نيا­سىنىڭ باس ديرەك­تورى د.رو­ساندا قازاقستاندىق سۇرا­نىسقا بايلانىستى ەكى جاڭا پاروم جاساۋ تۋرالى كەلىسىمشارت­قا قول قويدى. وسى شارالاردى ءىس-جۇزىنە اسىرۋ ارقىلى 2020 جىل­دار­عا قاراي قۇر­­عاق جۇك تاسىمال­داۋ فلوتى بىرلىگىن جيىرماعا جەتكى­زىپ, كاسپي ايدىنىنا اقتاۋ پور­تى ارقىلى شىعاتىن قۇرعاق جۇك­تىڭ 55 پايىزىن تاسىمالداۋدى قام­تۋ كوزدەلىپ وتىر. «كاسپي تەڭىزى شىعىس-باتىس, سولتۇستىك-وڭتۇستىك حالىقارالىق كولىك دالىزدەرىن بايلانىستىرۋشى ورتالىق قانا ەمەس, سونىمەن بىرگە, ول  ايماقتاعى ەلدەردىڭ تران­زيتتىك الەۋەتىن كۇشەيتۋگە ىقپال ەتۋدە دە ماڭىزدى ءرول اتقا­رادى», – دەپ اتاپ ءوتتى ا.مامين. رەسەي فەدەراتسياسى كولىك مي­نيسترىنىڭ ورىنباسارى ۆيكتور ولەرسكي ءوز كەزەگىندە اتالمىش وقيعانى «تاريحي كورشىلەر قازاق­ستان مەن رەسەي اراسىنداعى تابىس­تى ينتەگراتسيالىق ۇدەرىس», دەپ اتادى. ول الداعى ۋاقىتتا دا قازاقستاندىق جانە رەسەيلىك كوم­وپانيالار اراسىنداعى ءارتۇر­لى سالاداعى ىنتىماقتاستىق باي­لا­نىس­تاردىڭ تەرەڭدەي تۇسە­تىن­دىگىنە سەنىم ءبىلدىردى. كاسپي ايماعىنداعى ءوزارا پايدالى ىنتىماقتاستىقتى كەڭەي­­تۋ جونىندەگى قادامدار جانە ترانس­­­كون­تينەنتالدىق تاسى­مال­دار­­دى بىرلەسە دامىتۋ بار­لىق قاتى­­­سۋ­شىلار ءۇشىن جاڭا ءمۇم­كىندىك­­تەر اشادى. بيىلعى جىلى نەۆا كەمە جاساۋ جانە جوندەۋ كا­سىپ­­ورنىمەن ارقايسىسى 7500 تون­­نا­لىق ەكى كوپسالالى قۇرعاق جۇك كە­مەسىن جاساۋ جونىندە كەلى­سىم­­­گە قول قويىلدى. جوبا ەۋروپا قاي­­­تا قۇرۋ جانە دامۋ بانكىنىڭ قول­­­­داۋىمەن جۇزەگە اسىرىلىپ وتىر. جاڭا «جىبەك جولى» قۇرعاق جۇك كەمەسىنىڭ سۋعا تۇسىرىلۋىنە باي­­­لا­نىستى, ونىڭ بورتىنا شام­پان سىندىرۋ ءداستۇرىن ماحاب­بات بەك­­بوسىنوۆا اتقاردى. م.بەكبو­سى­نوۆا مەديتسينا عىلىم­دارىنىڭ دوكتورى, كارديولوگ. قا­زىرگى كەزدە ول استاناداعى «ۇلت­تىق عىلىمي كار­ديولوگيالىق ورتا­لىق» اق باس­قارما توراعاسىنىڭ ءبى­رىن­شى ورىن­باسارى بولىپ قىزمەت اتقارادى. جىلقىباي جاعىپار ۇلى, «ەگەمەن قازاقستان»